Wén jyabaw maysilarning ösüsh ehwali tekshürmekte

       Shinxua tori jéngju 8 – féwral télégrammisi : J k p merkiziy komitét siyasiy byurosi daimiy komitétining ezasi , Gowuyüen zunglisi wén jyabaw 7 – féwraldin 8 – féwralghiche xénen ölkisining qurghaqchiliqqa taqabil turush xizmitini tekshürüp yétekchilik qildi . U qurghaqchiliqqa taqabil turush xizmitini tekshürgende mundaq dep tekitlidi : Nöwettiki xelqara pul muamile kirzisige taqabil turup , Iqtisadning muqim , Téz éshishini saqlap qélishtiki hel qilghuch peytte , Ashliqning muqim éshishini ilgiri sürüp , Déhqanlarning kirimini dawamliq ashurush iqtisadiy omumiy weziyetke munasiwetlik ish bolup , Ehmiyiti zor . Qurghaqchiliqqa taqabil turup , Apettin qutquzush xizmiti ashliq bixeterlikige munasiwetlik bolupla qalmastin , Yene ichki éhtiyajni kéngeytish siyasetlirini emeliyleshtürüshkimu munasiwetlik . Qurghaqchiliqqa uchrighan rayonlar qurghaqchiliqqa taqabil turush xizmitini nöwettiki iqtisadiy xizmetning muhimining muhimi qilip , Merkez otturigha qoyghan her türlük siyasetlerni estayidil izchillashturup , Emeliyleshtürüp , Xizmetlerni ching tutup yaxshi ishlesh kérek .  
       Qish kirgendin buyan , Memlikitimizdiki on nechche ölke (Rayon , Sheher)de éghir qurghaqchiliq ehwali körülgen bolup , Shimaldiki küzgi bughday térilidighan rayonlarning qurghaqchiliqqa uchrash ehwali hemmidin éghir boldi . Partiye merkiziy komitét , Gowuyüen buninggha yüksek ehmiyet bérip , Omumyüzlük orunlashturush qilip , Jiddi halda , 400 milyon yüen qurghaqchiliq apitige taqabil turush toluqlima xiraji ajritip , Yéza igilik uniwérsal toluqlimisi we ashliq biwaste toluqlimisi meblighidin 86 milyard 700 milyon yüenni muddettin burun tarqatti . Bu yil dölet yene yéza igilik mashinliri toluqlimisi üchün 10 milyard yüen ajratqan  . 

    Xénen memlikitimizdiki asasliq bughday ishlepchiqiridighan rayon bolup , Bughdayning mehsulat miqdari pütün memlikitimiz bughday mehsulat miqdarining töttin birini igileydu . Bu yerde 110 kündin buyan héchqandaq höl yéghin ehwali körülmigen bolghachqa , 50 milyon mo yerdiki bughday qurghaqchliqqa uchrighan .