Win8 ئارقىلىق ئۇبۇنتۇنى قانداق يېتەكلەيمەن؟

Question

ئەسسالامۇ ئەلەيكۇم، مەن بۈگۈن ئۇبۇنتى Ubuntu 12.04 Desctop i386 نۇسخىسىنى دېسكىغا ئويۇپ win8 قاچىلانغان كومپىيۇتېرغا قوش سىستېما قىلىپ قاچىلىغان ئىدىم.
ئاۋال 20 گېگا ئورۇننى بوش قويدۇم. ئاندىن كومپىيۇتېرنى دېسكىدىن قوزغۇتۇپ تىل تاللاش يېرىنى Uyghur غا تەڭشىدىم ئاندىن قاچىلاشنى باستىم. بۇنىڭ بلەن ئۈچ تۈر كۆرۈندى، مەن win8 بىلەن بىللە قاچىلاش سېگەن تۈرنى تاللاپ قاچىلاش بۇيرۇقىنى بەردىم. نورمال قاچىلاندى. Win8 كە كىرىپ esyBCD دېگەن دېتالنى چۈشۈرۈپ قاچىلاپ Ubuntu نى قاتتىم (بۇ يەردە Drive غا كۆرسىتىپ بېرىدىغان يەردە Boot/ تىزىملىكى كۆرۈنمىدى. مەن بىكارلاپ قويغان 20 گېگالىق ئورۇنغا قارىسام ، بۇ ئوننى پەقەت ئىككى بۆلەككىلا بۆلۈپتۇ، بىرسى swap ، يەنە بىرسى home ئىكەن، شۇنىڭ بىلەن home دېگەن دېسكىنى كۆرسىتىپ بەردىم) .
كومپىيۇتېرنى قايتا قوزغاتسام، ئاۋال ئۇبۇنتۇنىڭ win8 نى يېتەكلەش كۆزنىكى چىقتى، ئاندىن win8 دېگەننى تاللىسام، بۇ يەردە win8 ئارقىلىق Ubuntu نى يېتەكلەش كۆزنىكى چىقتى. ھەر قانچە قىلىپمۇ ئاۋال چىققان Ubuntu نىڭ win8 نى يېتەكلەش كۆزنىكىنى يۇقىتالمىدىم. بىر ياردەم قىلغان بولسىڭىز.