ئابدۇرېھىم سابىت ۋاپات بولدى

alma · ۋاقتى: 2017-4-10 17:07:35

ئابدۇرېھىم سابىت ۋاپات بولدى
زامانمىزدىكى ئۇيغۇرلارنىڭ تۆھپىكار ئالىمى، ئۇيغۇر كىلاسسىك ئەدەبىياتى ۋە مەدەنىيىتى تەتقىقاتچىسى ئابدۇرېھىم سابىت ئەپەندى (1943-، تەخەللۇسى: قاراخان) بۈگۈن ئەتىگەن قەشقەر شەھىرىدە كېسەللىك سەۋەبى بىلەن ۋاپات بولدى. ئۇ «ئۇيغۇر كىلاسسىك ئەدەبىيات تارىخى» (تۆت قىسىم)، «ئالىم ئۆلمەيدۇ، ئىلىم ئۆلمەيدۇ»، «قەشقەرنىڭ قەدىمكى ئەسەرلىرى» قاتارلىق كىتابلارنى يېزىپ قالدۇرغان، «ئۇيغۇر ئەدەبىيات تارىخى» (1993-يىلى نەشرى) نىڭ ئۈچىنچى تومىنى يېزىشقا قاتناشقان. ئۇيغۇرلارنىڭ قەدىمكى ئەدەبىياتى، مەدەنىيىتى ۋە فولكلورىغا ئائىت 100 پارچىدىن ئارتۇق ماقالە ئېلان قىلغان.
ئالىمنىڭ ۋاپاتى مەدەنىيەت تەتقىقات ئىشلىرىمىز ئۈچۈن چوڭ يوقىتىش بولۇپ، بىزنى قاتتىق قايغۇغا سالدى. ئالىمنىڭ ئاخىرەتلىك ئىشلىرى بۈگۈن قەشقەر شەھىرىدە ئېلىپ بېرىلىدۇ.
غ. ئو. ئۇتغۇر
2017-يىلى 4-ئاينىڭ 10-كۈنى

		ساقلاش	پارول قايتۇرىۋېلىش
پارول			تىزىملىتىڭ