ۋىجدان ئازابى ** ئالىمجان تۇرسۇن كىچىك نەزەر

alma · ۋاقتى: 2017-5-3 23:38:32

ۋىجدان ئازابى
**
ئالىمجان تۇرسۇن كىچىك نەزەر
**
بۈگۈن قەلبىم گوياكى سوتچى ،
جاراڭلىدى ياڭراق ئاۋازى ،
يۈرەك بولۇپ ئەيىپلىگۈچى ،
دارغا ئاستى ۋىجدان ئازابى .
**
قايرىپ قويۇپ ۋىجداننى چەتكە ،
سەل قاراپ ھەم ھايا - ئىپپەتكە .
بەندە ئۈچۈن كۆيۈپ يۈرگەچكە ،
دارغا ئاستى ۋىجدان ئازابى .
**
ئاتا - ئانام ھايات تۇرۇپمۇ ،
قويمىغاچقا بىر رەت سۆيۈپمۇ .
ئەزىزلىگەچ يارنى بولۇپمۇ ،
دارغا ئاستى ۋىجدان ئازابى .
**
ئويناش كىرەك ياشلىقىمدا دەپ ،
قۇۋۋىتى بار شاشلىقىمدا دەپ .
يۈرگىنىمگە غەپلەتتە ئەجەپ ،
دارغا ئاستى ۋىجدان ئازابى .
**
نادانلىقتا شەيتان قۇچاقلاپ ،
ھەقىقەتتىن كەتكەچ يىراقلاپ .
شۇڭا مىنى بۈگۈن جازالاپ ،
دارغا ئاستى ۋىجدان ئازابى .
**
ئېغىزىمدا ئىيتىپ قۇرۇق لاپ ،
ئەمىليەتتە خۇپسەن ،تىرىكتاپ .
يۈرگەچ شۇڭا ساخاۋەت سوراپ ،
دارغا ئاستى ۋىجدان ئازابى .
**
بولىۋىلىپ ئالىم - پەيلاسوپ ،
باشقىلارنى توغرىغا بۇيرۇپ .
ئۆزەمنىچۇ قالغاچقا ئۇنتۇپ ،
دارغا ئاستى ۋىجدان ئازابى .
**
بېلىپ تۇرۇپ توغرا خاتانى ،
قىلغانلىقىم ئۈچۈن ياماننى ،
ئايرىمىغاچ ھالال - ھارامنى ،
دارغا ئاستى ۋىجدان ئازابى .
**
ئاجىز تېنىم تىتىردى بۈگۈن ،
نەپەسلىرىم قىسىلدى بۈگۈن .
لىكىن روھىم ئۇيغاندى بۈگۈن ،
دارغا ئاستى ۋىجدان ئازابى .
**
2016.5.3.كۈنى .
ئاپتۇر ئەمگىكىگە ھۆرمەت قىلىڭ

		ساقلاش	پارول قايتۇرىۋېلىش
پارول			تىزىملىتىڭ