مۇھەببەت ناتۇنۇش! * پەرھات تۇرسۇن

alma · ۋاقتى: 2017-4-7 20:01:32

مۇھەببەت ناتۇنۇش!
*
پەرھات تۇرسۇن
*
مۇھەببەت ناتۇنۇش، قەلبلەر خىلۋەت،
كۆز ياشلار ياش ئەمەس، تامچە سۇ ئاڭا،
مۇھەببەت مەنزىلسىز، ئېنىق ئاقىۋەت،
ئۈن - تىنسىز ماڭىمەن لېكىن شۇ يولدا.
*
پەقەتلا شىرىن چۈش ئويغىتار دائىم،
ۋە لېكىن ئويغىنىش كۈلپەتتۇر چەكسىز.
بولسىمۇ يۈرىكىڭ قىلچە سۆيگۈسىز،
ئۇنتۇپ كەتمىگىن سەن مېنى ھەرگىز.
*
كۆكلەرگە سىڭىپلا يۈرەكنىڭ ساداسى،
يوقامدۇ قالدۇرماي ھېچقانداق بىر ئىز؟!
كۈلكىمىز ئۆچەرمۇ لەۋلاردىلا ھەم
ئورنىمۇ يىغىنىڭ پەقەت قەلبىمىز؟!
*
ئۆرتىنەر يۈرىكىم، ئۇندا يالقۇنلار
بولغاچقا گوياكى پىنھان بىر دېڭىز.
شۇنچە ئوت يېلىنجاپ تۇرسىمۇ لېكىن
ئۇ پىنھان، زۇلمەتلىك، سوغۇق ۋە نۇرسىز.
-
1988 - يىل مارت، بېيجىڭ

		ساقلاش	پارول قايتۇرىۋېلىش
پارول			تىزىملىتىڭ