« چار بازار » دېگەن ئىسىمغا قانداق قارايسىلەر؟

ساياق · ۋاقتى: 2014-6-27 12:04:55

ئەسسالامۇ ئەلەيكۇم، مۇنبەر ئەھلى، كەمىنىدىن ھەممىڭلارغا ئوتلۇق سالام.
تۈنۈگۈن « شىنجاڭ مەدەنىيتى » ژورنىلىنىڭ 2014-يىللىق 3-سانىنى ئوقۇۋىتىپ ئىلگىرى « تاللا بازىرى »، « سۇپىر ماركىت »، « دەرىجىدىن تاشقىرى چوڭ بازار » دېگەندەك ناملار بىلەن ئاتالغان خەنچىدىكى « 超市 » دېگەن سۆزنىڭ مەزكۇر ژورنالدا « چار بازار » دېگەن ئاتالغۇ بىلەن ئېلىنغانلىقىنى كۆردۈم ( مەسىلەن 30-بەت ئوڭ تىك 14-قۇر ).
ئىلگىرى ئارسلان ئابدۇللا تەھۇر ئەپەندىنىڭ بىر لېكسىيە سىن فىلىمىدە « تاللا بازار » دېيىشنىڭ ئۇيغۇر تىل ئىلىمىگە زىت ئىكەنلىكىنى ئاڭلىغانىدىم.
ئەمدى بۇ يېڭى « چار بازار » ئاتالغۇسى ھەققىدە مۇنازىرىلىشىپ باقساق دېگەن مەقسەتتە بۇ يازمىنى يوللاپ ئولتۇرۇپتىمەن. قېنى كەڭ كۇشادە پىكىرلىشىپ باقساق.

alma · ۋاقتى: 2014-6-29 23:55:51

مەنچە تاللا بازىرى دېگەن سۆز ئومۇملىشىپ بولغاندا ئۇنى تىل ئىلمىگە خىلاپ دەپ ئۆزگەرتىمىز دېسەك ياخشى بولمايدۇ، تىلشۇناسلىققا ئوخشاش ئىجتىمائىي پەنلەردە نوقۇل توغرا ياكى خاتا دەيدىغان نەرسە بولمايدۇ، ئەگەر تاللا بازىرى دەپ ئاتاشتا "تاللا" دېگەن پېئىل "بازار" دېگەن سۆزنى ئېنىقلىيالمايدۇ دېيىلسە، ئۇنداقتا مەلۇم ئالاھىدە ۋاقىتلاردا ئېنىقلىيالايدۇ دەپ قائىدە قوشۇشقا بولامدۇ يوق بۇنى ئويلىشىپ بېقىشىمىزغا ئەرزىيدۇ.

ئەركمان · ۋاقتى: 2014-7-4 07:48:35

تاللابازارغا چاربازار سۆزىنى تەڭكەش قىلغىلى بولماسمىكىن، چۈنكى تاللابازار دېگەن تۆت تامنىڭ ئىچىدىكى تۈرلۈك كۆلەمدە بولىدىغان دۇكان، ئەمما چاربازار دېگەن ئوچۇقچىلىقتا بولىدىغان سودا-تىجارەت. چاربازارچى، ھۆپىگەرلەرنىڭ سودا-تىجارەت ئورنى چاربازاردۇر!

كۆكتاش · ۋاقتى: 2014-11-27 12:16:17

بۇ چار بازار سۆزىنى تاللا بازىرىنىڭ ئورنىغا قويۇشقا قەتئىي بولمايدۇ، چار بازار دېگەن ئايرىم ئۇقۇم.
مالنى قولىدا كۆتۈرۈپ ساتىدىغانلار، نەدە ئادەم توپلاشسا مېلىنى شۇ يەرگە ئاپىرىپ ساتىدىغانلار، بىر كۈن سېتىپ، بىر كۈن ساتمايدىغانلارنى چار بازارچى دەپ قويىمىز.
چار بازارچىنىڭ مۇقىم تىجارەت سورۇنى ۋە مۇقىم تىجارەت ۋاقتى بولمايدۇ، كۆڭلى نەگە تارتسا، نەدە بازار ياخشى بولسا شۇ يەرگە بېرىپ مال ساتىدۇ.
تاللا بازىرى دېگەن مۇقىم سورۇنلۇق، مۇقىم تىجارەت ۋاقتى بار، تۆت تامنىڭ ئىچىدە بولىدىغان تىجارەت سورۇنى تۇرسا.
بۇ قەتئىي بولماپتۇ!

ئەركمان · ۋاقتى: 2014-12-4 10:21:09

چاھاربازاردا ھۆپىگەرلەر سودىسى قىزىيدۇ، تاللابازاردا مۇقىم دۇكاندارلار سودىسى قىزىيدۇ، مۇشۇ "شىنجاڭ مەدەنىيىتى" دېگەنمۇزە نەدىكى بىر گەپنى كۆتۈرۈپ چىققىدىكەن، بۇ ژۇرنالنىڭ ئەرباببېگى

بەگمەت يۈسۈفمۇ ھازىر ؟

alma · ۋاقتى: 2014-12-4 13:36:19

ئەركمان يوللىغان ۋاقتى 2014-12-4 10:21
چاھاربازاردا ھۆپىگەرلەر سودىسى قىزىيدۇ، تاللابازاردا ...

تىلغا شۇنچە سىڭىپ بولغاندا قائىدىگە چۈشمەيدۇ دەپ تۇرۇۋېلىش تازا ياخشى ئەمەسمىكىن دېدىم. تاللا بازىرى دېگەن سۆزنى قائىدىگە چۈشمەيدۇ دېسەك قائىدىنى ئاز تولا كېڭەيتىشكە بولامدۇ يوق ئويلىشىپ بېقىشقا بولاتتى

uyghurman · ۋاقتى: 2016-12-15 23:32:06

بازار سۆزى پارىسچە سۆزكەنغۇ؟ئالدى بىلەنبۇ سۆزگە ماس كەلگۈدەك ئ‍انا تىلچە سۆز ياسالسا دەپ ئ‍ۈمۈت قىلىمەن!

		ساقلاش	پارول قايتۇرىۋېلىش
پارول			تىزىملىتىڭ