«ئىنسان راھەتنىڭ قۇلى» ئەمەسمۇ!

alma · ۋاقتى: 2017-1-1 13:33:14

دوستۇم مۇھەممەت كېرىم ۋارىسنىڭ يېڭى يىللىق شېئىرىي تەبرىكىدىن سۆيۈندۈم، ئېھ، «ئىنسان راھەتنىڭ قۇلى» ئەمەسمۇ!…

شىرئەلى مامۇت

م.ك.ۋارىس ( تۈن كارۋىنى )

بېل گەيتىسنىڭ ئاشۇ ئېگىز ئۆگزىدە تۇرۇپ سېنى كۆرەلمىگەنلىكى ئۈچۈن ئۇنىڭ كۆزىدىن گۇمانلىنىمەن،
بەلكىم ئۇ ئۆزىنى باي، دەپ يۈرەر.
سەندەك باي ئادەمنىڭ ياشاۋاتقانلىقىنى بايلار بىلمەس.

سېنىڭ قەدىمقى بابىلون ۋە ئۇنىڭدىن ئىلگىرىكى مۇنارلارنى بىلىدىغانلىقىڭدىن پەخىرلىنىمەن.
ھايات پىلدىرلاپ تۇرغان ئىككى تال كۆز ئەمەس.
ياشاش ئۇيقۇسى قانغان ئادەمنىڭ كېرىلىپ ئورنىدىن تۇرۇشى ئەمەس.

سەن ۋالىلداپ تۇرغان ئالتۇنلارغا يۆلىنىپ خۇمارىڭنى باسىسەن.
ساڭا كىم قويدى بىرىنچى بولۇشنى.
سېنىڭ ھاياتىڭ مۇسابىقىدىكى بىرىنچىلىك…
ياخشى ئىشلارنى ئۇخلاپ قوپۇپلا ئۆگىنىپ قالىسەن.
مېنىڭ ئاچچىقىم كېلىدىغان بەزى غەيرىي ئىشلارنى شۇنچىلىك كۆڭۈل قويۇپ تىرىشىپ ئۆگىنىسەن،
قىلغۇلۇقنى قىلىپ بولۇپ كۈلۈپ كېتىسەن.

نۇرغۇن ئەربابلار ئىدىيەلەرنى لال قىلىپ ئۆتتى دۇنيادىن.
ئىدىيەگە ھاجەتمەنلەرنىڭ قۇتىسىدا ئۇلار مەڭگۈ ساقلاقلىق.

سېنىڭ ئۇ ئۆزىنى چۈشىنەلەيدىغان ياكى چۈشىنەلمەيدىغان ئادەمنى تەرجىمە قىلغانلىقىڭ قانچىلىك ئىشتى.
مەن ئۈچۈن قانچىلىك قىممىتى بار ئۇ كىتابنىڭ،
ئەمما مېنى بەك ھوزۇرلاندۇرىدۇ سېنىڭ ئېچىلىشىڭ ۋە يېپىلىشىڭ.

سەن بېلىق تۇتىدىغان دەريا سۇنىڭ ئۇستىخانلىرىغا لىق تولغان تۇرسا…
تاپىنىڭ ئاستىدا ئامالسىزلىقىم تالقانلانسا…
خاتىرجەم مەيدانغا چۈشۈشۈڭ،
مۇشتلاش ئۇستازى ئەلى ئاكىنى ئەسلەتسە…
ھاياتىمنىڭ سۈزۈك سېغىنىشلىرى يىغىدىن توختىمىسا…
ساڭا قاراپ مېڭەمنى پاراتتىن ئۆتكۈزمەمدىم.

دۇنيادىكى بىر مۇنچە ئەپەندىلەر قاتارىدىكى ئورۇندۇق قويۇلمىغان مۇنبەرد سەن مەغرۇر
شەرقنىڭ بىر نەچچەپىشقەدەم ئاۋازى ساڭا غۇرۇر.
تىلىڭدىكى تۇغقان تاۋۇشلار ۋە تەسۋىرىي ھەرپلەر ساڭا ھۆرمەت بىلدۈرۈر…
دۆڭكۆۋرۈكتىن باشلانغان ئۇزۇن كەنتتە ياشاپ بولدۇڭ، يەنە ياشاۋەر.
بەلكىم بىر بىچارە مۆتىۋەر
سېنى بىچارە، دەر.
ھاماقەتلەر ئىللەتلىرىنى توزۇتۇپ ئۆتەر…
بەر قارارلىقىڭغا كۆز تەگمىسۇن شىرئەلى مامۇت،
كەينىڭدىن ئەگىشىپ كېلىۋاتقان غۇنچىلىرىڭ ساڭا ياساۋاتىدۇ مۇنبەر.

2017.1.1، سۈيدۈڭ، سەھەر.

		ساقلاش	پارول قايتۇرىۋېلىش
پارول			تىزىملىتىڭ