توختاشنى ئويلۇشۇپ باقمىدىم

alma · ۋاقتى: 2017-4-11 08:08:02

‏‏توختاشنى ئويلۇشۇپ باقمىدىم ، توختاش ماڭا  نىسبەتەن كېرەكسىزلىكنىڭ  ئىپادىسى ، جاپادا ياشاشقا بولىدۇكى ھەرگىز  بەل قويۇۋېتىشكە ، توختاپ قېلىشقا بولمايدۇ ، قارار چىقارغان  ھەر بىر ئىشىمنى ۋايىغا يەتكۈزۈپ قىلىشقا تىرىشىمەن ، مەن چوقۇم ياخشى قىلالايمەن .
‏بېشىمغا قانداق ئېغىر كۈنلەر كىلىشىدىن قەتئىي نەزەر ئۆز ئارزۇيۇمدىن مەڭگۈ ۋاز كەچمەيمەن . ئازاپلانغان ۋاقىتلىرىمدا دوستلۇرۇم مەن ئۈچۈن ياش تۆكىدۇ ، دۈشمەنلىرىم قاقاقلاپ كۈلىدۇ ، مانا بۇ دۇنيانىڭ قانۇنىيتى .
‏جىمجىت يۈرگىنىم بىلەن ئويلايدىغىنىم كۆپ ، كۈلۈپ يۈرگۈنۈم بىلەن دەتلىرىم كۆپ ، بىپەرۋا يۈرگىنىم بىلەن چۈشەنگىنىم كۆپ ، بۇ ھايات مۇساپەمدە ئىرىشكىنىمدىن يوقاتقىنىم كۆپ .       ھەممىگە شۈكرى .
مىنىڭ كۈچلۈنىشىم ، مىنى ئازاپلىغان ھەربىر ئىنسان سەۋەبىدىندۇر ، ھەربىر ئازابىمىز تەرەققىياتىمىزنىڭ ئەڭ قۇۋۋەتلىك ئوغۇتى .
بىر يىقىلىش - بىر قېتىملىق ئورنىدىن تۇرۇش پۇرسىتى بىلەن تەمىنلەيدۇ.
بىر ئاچچىق ساۋاق - ئادەمنى تېخىمۇ تەمكىن قىلىدۇ ۋە پىشىپ
يېتىلدۈرىدۇ ، مانا بۇ ھاياتنىڭ مەنىسى .‏
‏ياراتقۇچى ئىنتايىن ئادىل ،  ئۇ بەخىتنى كىشىلەرگە  ھەرخىل ئۇسۇلدا ئاتا قىلىدۇ ،  بەزىلەرگە مال دۇنيا ئارقىلىق  ، بەزىلەرگە ئەقىل پاراسەت ئارقىلىق ، بەزىلەرگە ساغلام تەن ئارقىلىق ، بەزىلەرگە ياخشى بىر ھەمراھ ئارقىلىق ، بەزىلەرگە ھەممىگە بەرداشلىق بىرەلىگۈدەك قەيسەر بىر يۈرەك بىلەن .
ئۆزۈڭدىن كۈچلۈككە يولۇقساڭ ئۈگەنگىن، بۇ تەقدىرنىڭ سېنى ئىلگىرىلەتكىنى، ئۆزەڭدىن ئاجىزغا يولۇقساڭ ياخشىلىق قىلغىن، بۇ تەقدىرنىڭ سېنى پاكلاۋاتقىنى .

		ساقلاش	پارول قايتۇرىۋېلىش
پارول			تىزىملىتىڭ