سازچى بىلەن سۆزلەشسەم ،راۋاپتىن چۈشتى .

alma_2 · ۋاقتى: 2015-6-20 04:19:20

[
  موللام بىلەن مۇڭداشسام ساۋاپتىن چۈشتى ،
  سازچى بىلەن سۆزلەشسەم ،راۋاپتىن چۈشتى .
[
خانىم قىزلار لەۋ -كىرپىك،قاپاقتىن چۈشتى ،
دېھقان يەردىن -ئەمگەكتىن،قوناقتىن چۈشتى .
[
رەسسام بىلەن مۇڭداشسام بوياقتىن چۈشتى ،
تازدىن ئاستا گەپ ئالسام تۇماقتىن چۈشتى .
[
  زىيالىدىن گەپ ئالسام كىتاپتىن چۈشتى ،
بىر بوغالتىر سەمپەندىن -ھېساپتىن چۈشتى ،
[
ئارتىس بىلەن سۆزلەشسەم چاۋاكتىن چۈشتى ،
گەپكە سالسام بىر ئاچكۆز قورساقتىن چۈشتى .
[
ئىچەرمەندىن گەپ ئالسام ھاراقتىن چۈشتى ،
ئاشپەز بىلەن مۇڭداشسام تاماقتىن چۈشتى .
مۇقامچىلار <پەنجىگاھ > <ئوشاق> تىن چۈشتى ،
شائىر بىلەن مۇڭداشسام قوشاقتىن چۈشتى .
باشلىق بىلەن سۆزلەشسەم پىكاپتىن چۈشتى ،
مويسىپىتلار قاينىشىپ ئىنساپتىن چۈشتى .
چارۋىچىنى ئىزدىسەم يايلاقتىن چۈشتى ،
ئورمانچىلار كېسىلگەن توغراقتىن چۈشتى .
[
قېتىقچىدىن گەپ سورسام قايماقتىن چۈشتى ،
يۇرتۋازلاردىن گەپ ئالسام ئايماقتىن چۈشتى .
[
بەڭگە سۆزلەپ تاماكا -چاقماقتىن چۈشتى ،
سودىگەرلەر ئالماقتىن -ساتماقتىن چۈشتى .
[
  دوختۇر بىلەن سۆزلەشسەم بىتاپتىن چۈشتى ،
  ياغاچچىمىز رام -كېشەك ،ئىشكاپتىن چۈشتى .
[
  مۇئەللىم دەرس ،تەنەپپۇس ،ساۋاقتىن چۈشتى ،
  ساقچى جېدەل ، دە -تالاش ،سوراقتىن چۈشتى .
[
  ئىزدەپ بارسام پارىخور سوۋغاتتىن چۈشتى ،
  چۈشكەندىمۇ سەل ئەمەس .يوغاندىن چۈشتى .
[
  رادىئودىن گەپ كۈتسەم ،ئېلاندىن چۈشتى ،
ئېلان بىلەن پۇل تاپار پىلاندىن چۈشتى .
[
  تېلىۋېزورمۇ ئامىنە -ئىخلاستىن چۈشتى ،
  دورا يەڭ دەپ قىسىردىن -تۇغماستىن چۈشتى .
[
كەپتەر ۋازدىن گەپ ئالسام قونداقتىن چۈشتى ،
  قاسساپ ئۆچكە ،قوي -كالا ،ئوغلاقتىن چۈشتى .
[
  بويتاق بىلەن مۇڭداشسام سىرداشتىن چۈشتى ،
  تورداش بىلەن سۆزلەشسەم ئىنكاستىن چۈشتى .
[
  دېمەك ،ھەر كوي ھەر خىيال بىر باشتىن چۈشتى ،
بىر ھورۇندىن گەپ ئالسام ئۇخلاشتىن چۈشتى .
ئ‍ىلھامجان كۆچۈرمىسى.....

		ساقلاش	پارول قايتۇرىۋېلىش
پارول			تىزىملىتىڭ