گۈلى سۇلغان گۈلىزارنىڭ خازانى مەن بىتاب ئەپتىم

uyghur · ۋاقتى: 2016-11-11 09:55:19

گۈلى سۇلغان گۈلىزارنىڭ خازانى مەن بىتاب ئەپتىم،
سابادا ئۈنلىمەس قۇشلار ئېتەلمەي ھېچ خىتاپ ئەپتىم.
سامادىن يۇلتۇزۇم ئۆچتى، تېغىمدىن ئاھۇلار كۆچتى،
نەزەربەند ئەيلىدى ھىجران، ۋىسالسىز تىرىكتاپ ئەپتىم.
سوقۇپ شامىلى كەچكۈزنىڭ، ئېچىپ يارىسىنى يۈزنىڭ،
ئۆتەرمۇ كۈنلىرىم دەردتە، تۈنۈم بىدار قاقىشاپ ئەپتىم.
سوغۇق كەلدى، بۇلۇت كۈلدى، تۇتۇپ يۈزىدە مۇز دەريا،
نېچۈن كەتتىڭ كەبى ئاققۇ، يېتەرمەنمۇ ساقىلاپ ئەپتىم.
ياشارتماق ئەھدى قىلغايمەن، كۆزۈڭگە كۈلكە ئىستەيمەن،
سەبىردە ياشنىغاي سەيياھ، يېزىلغاي بىر كىتاب ئەپتىم.

‎-فاتىمە
2016.11.10
سېنىسۋېل، ئامېرىكا

سۈرەتتە ۋان.گوكنىڭ "بادام چېچىكى" ناملىق ئەسىرى

		ساقلاش	پارول قايتۇرىۋېلىش
پارول			تىزىملىتىڭ