| مېھمان | 2013-08-04 23:17 |
|
سەن بىر تال ئەتىرگۈل، سۈيۈملۈك قىزچاق ‹‹ ئالىمجان توختىمەمەت جانبەر›› نىڭ شۇ ناملىق شېئىرىغا تەقلىد سەيدىمۇھەممەد مېھمان <<سۆيگۈ>> دەپ ياشىدىم، لەۋرىمدە گەز، قوقاسقا قاقلانغان يۈرۈكۈم زىدە. بىر دىلبەر‹‹ئاشىغىم›› دېمەيدۇ نېچۈن؟ ۋسالنىڭ يوللىرى نېمانچە خېرە؟... ئاشىقلار گۇگۇمدا سەيلە قىلارمىش، ئايرىلىپ كېتىشتىن ئەنسىرەمدىكىن؟ شۇمىدۇمۇھەببەت، سۆيۈلۈش دېگەن؟؟ ۋىسالغا يەتمىسە جان بېرەمدىكىن؟؟؟ مەن سۆيگۈ مەكتۇبى يېزىپ باقمىدىم، قىزچاقلار ئالدىدا تەسلىم بولالماي. بار بەلكىم ماڭىمۇ كۆيۈپ قالغانلار، يۈرگەندۇ كۆڭلىنى ئىزھار قىلالماي... سۆيگۈنىڭ ئەڭ گۈزەل چىمەنلىكىدە، ئەقلىمنى لال قىلىپ چاچتىڭ خۇشپۇراق. ئاۋايلاپ بەرگىڭدىن ئۈزىمەن چوقۇم. سەن بىر تال ئەتىرگۈل، سۈيۈملۈك قىزچاق. ئىزدەپ كەلسەڭ، ئەگەر يوق بولسام... ئىزدەپ كەلسەڭ، ئەگەر يوق بولسام، سۈرۈشتۈرمە مېنى ياتلاردىن. بوسۇغامغا بەلگە سېلىپ قوي، يۈرەك سىزىپ ئۇششاق تاشلاردىن. ئىزدەپ كەلسەڭ، ئەگەر يوق بولسام، مەندىن كۆڭلۈڭ رەنجىپ قالمىسۇن. قايتقان چاغدا، چۈمبەل تارتىۋال، رەقىبلىرىم نەزەر سالمىسۇن. ئىزدەپ كەلسەڭ، ئەگەر يوق بولسام، گۇمان قىلما <<قەيەردىدۇ >> دەپ. پات ئارىدا بارىمەن جېنىم، ئالدىمغا چىق تاتلىق ئەركىلەپ. ياشىشىڭ كېرەك ‹‹رەيھانىم ناملىق تورداشنىڭ ‹مەن ياشاۋاتىمەن› ناملىق نەسىرىگە يانداشما›› ئارزۇلار بار چېچەك ئاچمىغان، يىڭى تاڭ بار كۈلۈپ ئاتمىغان، دىلكەشلەر بار سېنى ساقلىغان، شۇلار ئۈچۈن ياشىشىڭ كېرەك. تەلىيىڭ ئوڭ كەلمەيدۇ دائىم، ھايات ئەمەس ئۇنچە مۇلايىم، ئەجىر بەرگەي ساڭا خۇدايىم، ئۈمىد بىلەن ياشىشىڭ كېرەك. ئادەملەردىن رەنجىش بىھاجەت، ئاغرىنغانچە باسىدۇ كۈلپەت، ئەقىدىنى مەڭگۈ مىزان ئەت، ئىمان بىلەن ياشىشىڭ كېرەك. بەزى ئىشقا سۈكۈت قىلغۇلۇق، نوقسانسىز ئىش پۈتمەيدۇ تولۇق، بىر كۈن چوقۇم قانار ئۇسسۇلۇق، شۈكۈر قىلىپ ياشىشىڭ كېرەك... بەلكىم ... ئۇچرىشىپ قالارمىز بىر كۈنى بەلكىم، تۇنجى رەت تونۇشقان كونا بىكەتتە. كۆزۈڭدە لىغىرلاپ قالغان يېشىڭنى، يۇشۇرۇپ قالماقچى بولساڭمۇ دەرتتە. مېنىڭمۇ بىر گەپنى دېگۈم كىلىدۇ، تۇيۇقسىز ئۇچراتقان ئاشۇ پۇرسەتتە... سېغىنىپ قالارسەن بىر كۈنى بەلكىم، تۇيۇقسىز ‹‹خوتۇن›› دەپ ئاتاشلىرىمنى. مۇمكىنمۇ؟ مېنىڭمۇ ئۇنتۇپ كېتىشىم، <<ئەسكى>> دەپ پىچىرلاپ قېيداشلىرىڭنى. ئەجەپكى قېنىشماي ئۆتەتتى كۈنلەر، ئەسلەرمەن شۇ تاتلىق قېلىقلىرىڭنى... قولۇڭغا چىقىدۇ بىر كۈنى بەلكىم، مەن ساڭا تۇنجى رەت يازغان سالام خەت. ئەگەردە كۆزۈڭگە يىغا ئولاشسا، ئۆتۈنەي، ئوقۇما، شۇئان كۆيدۈرۋەت. تەقدىردىن ئاغرىنىپ يۈرمىگىن جېنىم، بىز چۈشكەن سۆرەتنى بولدى يىرتىۋەت... ھازىرقى شوخلۇقلار يوقايدۇ بەلكىم، سەن موماي، مەن بوۋاي بولۇپ كېتەرمىز... بىلمەيمىز تەقدىرنىڭ پۈتمىشى ھەرخىل، بالىلار تويلاشسا قۇدا بوپ ئۆتەرمىز، دىلىڭنى ئاغرىتقان بولسام ئەپۇ قىل، ۋاپانىڭ قەدرىگە چوقۇم يىتەرمىز ... |
|
