| kaqur | 2013-08-03 13:28 |
|
ئەسسالاممۇ ئەلەيكۇم، تەۋپىق مۇنبىرىدىكى بارلىق ئۇستازلار، كەمىنە كەچۈردىن ھەممىڭلارغا ئېگىلىپ سالام. يېقىندىن بۇيان دەرسلىكتىكى تېكىستلەرنى ئاۋازلىق ئەسەرگە ئايلاندۇرۇپ، دەرسخانىغا ئېلىپ كىرىدىغان دەرس بايلىقىنى كۆپەيتىش تەقەززاسىدا ئاۋازلىق ئەسەرلەرنى ئىشلەش خىزمىتىنى دەسلەپكى قەدەمدە باشلىۋالدۇق. بۇ توپقا، سىزمۇ قېتىلىڭ، ھەممىمىز بىرلىكتە مائارىپ ساھەسى ئۈچۈن قولىمىزدىن كېلىدىغان ئاددىي ئىشلارنى قىلايلى. ئۇنداقتا، ئاۋازلىق ئەسەر ئىشلەش دەرسلىكى ھوزۇرۇڭلارغا كەتتى. ئاۋال تېكىستنى ئاۋازغا ئالىمىز. تۆۋەندە ئاۋازغا ئېلىش ئۈچۈن باشتىن ئاخىر كېرەك بولىدىغان بىر دېتال تەۋسىيە قىلىمەن. ئىسمى: Goldwave چۈشۈرۈش ئادرىسى: چۈشۈرۈش (يۈز گىرادۇستىن ئىزدەپ چۈشۈرسىڭىزمۇ بولىدۇ) 1 - قەدەمدە دېتالنى قوزغىتىپ «يېڭى بەت قۇرۇش»نى باسىمىز 2 - قەدەمدە ۋاقتىنى ئۆزىمىز مۆلچەرلىگەن ۋاقىت دائىرىسىگە (مەن ئادەتتە ئون مىنۇت قىلىمەن) تەڭشەپ جەزملەشتۈرىمىز. 3 - قەدەمدە قىزىل چەمبەرنى بېسىپ ئاۋازغا ئېلىشنى باشلىساق بولىدۇ. 4 - قەدەمدە يېشىل رەڭلىك قويۇش بەلگىسىنى بېسىپ ئاڭلاپ باقىمىز. ئازراق شاۋقۇن - سۈرەن بولسا ھېچ ۋەقەسى يوق، 5 - قەدەمدە شاۋقۇن پەسەيتىمىز. 6 - قەدەمدە ئاۋازى تۆۋەن بولۇپ قالسا ئاۋاز چىڭايتىشنى بېسىپ ئىككى ھەسسە يۇقىرىلىتىمىز. 7 - قەدەمدە مۇزىكا قىستۇرىمىز. 1. ئاۋال مۇزىكا قوشۇشنى باسىمىز 2. ئاۋازنى مىنوس 10 - 15 ئارلىقىدا تەڭشەپ مۇقىملاشتۇرىمىز. 8 - قەدەمدە ساقلايمىز. 9 - قەدەمدە تەۋپىق مۇئەللىمگە يوللاپ بەرسىڭىز بوشلۇققا يوللاپ ئادرىسىنى تەييار قىلىپ بېرىدۇ.  10 - قەدەمدە تېما يوللاپ بىزنىڭ ھوزۇرىمىزغا سۇنىسىز، تۈگىدى. ئەسكەرتىش: 1. ئاۋازغا ئالغاندا دۇدۇقلاپ قالغان يەر بولسا ئازىراق توختىۋېلىپ كەينىنى ئوقىۋەرسىڭىز، كېيىن خاتا ئوقۇلغان يېرىنى تاللاپ يۇيىۋەتسىڭىز بولىدۇ. 2. ئاۋازغا ئېلىشنى بېسىپ بولغاندىن كېيىن بىر نەچچە سىكۇنت ئۆتكۈزىۋېتىپ ئاندىن ئەسەر ئوقۇشنى باشلاڭ. 3. ئەگەردە مىكروفون بولمىسا ياكى شاۋقۇن ئاۋازى بەك كۈچلۈك بولۇپ كەتسە تېلفوندا ئاۋازغا ئېلىپ كومپىيوتېردا تەھرىرلىسىڭىزمۇ بولىدۇ. |
|
