| ablatmuhamma |
2013-07-31 14:28 |
قىز قارچۇقى ___ يەر شارى
گۈل ئىچىدە جانان قىز ، گۈلنى سۆيەر چوككىدە ،
يۇلتۇزلاردىن تاراملاپ چۈشەر سۆيگۈ توككىدە .
قىز زىنىقى گۈل بىلەن ياسىلىدۇ بېھىشباغ ،
ئەتتىر پۇراپ ياشايمىز ،ھايات شۇڭا بۈككىدە .
قىز تىلىكى گۈل قىسار ، رەيھان ئاچار يۈزىنى ،
شېكەر تەملىك شەبنەملەر قىسار شەھلا كۆزىنى .
سۈزۈك سەھەر نۇرىدا پارقىرىغان يۈرەكلەر ،
غىدىقلانسا چىمەندە ،راھەت سېزەر ئۆزىنى .
گۈل ياپرىقى ئوقۇيدۇ مۇشائىرە تارتىنىپ ،
ھەشقىپىچەك رىشاتكا يالىماقتا ئارتىلىپ .
جوخار، سەبدە ، قىزىلگۈل خېنە قويار قولىغا ،
چىغرتماققا كوتۇلدار مامىكاپلار چايقىلىپ .
قىز چېكىسى گۈل قىسار ، سۈزۈك بۇلاق بويىدا ،
گۈل چەمبىرەك ياسايدۇ مەختومسۇلا بوينىغا .
يىلتىزىمىز چىرماشسۇن ، چېچەكلەيلى بەسلىشىپ ،
ۋېنتمىزنى تەڭشەيدۇ ھايات سېلىپ چويلىغا .
قىز زىنىقى _ ۋارىنا ، شېكىرى كۆپ سېلىنغان ،
قىز لەۋلىرى _ پەمىدۇر ، قىزىللىرى يېيىلغان .
قىز قارچۇقى _ يەر شارى ، چاپلىشىدۇ كىرپىككە ،
قىز سۈكىتى _ سوئالدۇر ، كۆپ چېكىتكە يېيىلغان .
بارغاق يازار گۈلشەنلەر ھوجرىسىدا ئولتۇرۇپ ،
توي قىلىشنى خالىماي يىغلار زەينەپ ئاھ ئۇرۇپ ،
شېرىن سۆھبەت قىيامى كۆمەچ بولغاچ ۋا دەرىخ ،
تاڭ سەھەرنىڭ سائىتى ياش تۆكىدۇ داڭ ئۇرۇپ .
ئاپتۇرى : ئا. مۇھەممەت باغۋەن
|
|
