| لىللا |
2013-07-29 20:53 |
ئابدۇرېھىم ئۆتكۈر روبائىيلىرىدىن تاللانما
阿布都热依木•吾提库尔柔巴依选
狄力木拉提•泰来提 译
خەنزۇچىغا تەرجىمە قىلغۇچى: دىلمۇرات تەلئەت
(1)
شۆھرەت كەمىرىگە ئۇزاتقۇچە قول،
ئوتۇنچى بوۋاينىڭ ئارغامچىسى بول.
تاجىدارلار تاجىنىڭ كۆزى بولغۇچە ،
كۆكلەم يامغۇرىنىڭ بىر تامچىسى بول.
(2)
قەددىڭنى پۈكۈپ سەن قىلمىغۇنچە يا،
ئاقمىسا تەرىڭدىن ۋە ياكى دەريا،
ئىندەككە كەلمەيدۇ بىلىمنىڭ قۇشى،
قەلبىڭدە گەر بولسا تېرىقچە رىيا.
（3）
ئۆتنە-يېرىم قىلماق تۇرمۇشتا بار ئىش ،
بىلىمنى ئۆتنىگە ئالماقلىق خار ئىش.
بىراۋنىڭ تونىدا تەرلەيمەن دېمەك ،
ۋىژدانلىق كىشىگە بىر ئۆمۈر ئار ئىش.
（4）
يالغانچىنىڭ تىلى چېچەكسىز پېلەك ،
چېچەكسىز پېلەكتە نە قىلسۇن خەمەك.
ئۇزارغانسېرى ئۇ ئۆز ئىگىسىنى ــ
بوغىدۇ يىلاندەك بولۇپ چەمبىرەك.
（5）
ئەجەپ بىر گۆش ئىكەن بۇ يۈرەك دېگەن،
ھەر تەندە ئۇ ھەر خىل ھېس قىلار ئىكەن .
ئەگەر ئۇ ئىچمىسە ۋىژدان شارابىن
ئىلغىدا ئېسىقلىق سېسىق گۆش ئىكەن.
مەنبە: ‹‹ ئابدۇرېھىم ئۆتكۈر شېئىرلىرى›› ناملىق كىتابتىن ئېلىندى .
|
|
