| koksangun |
2013-07-28 11:30 |
بۇ شېئىرنى تەۋپىق كوت-كوت توپىغا يوللىغان ئىكەن ، نادىر تېمىكەن دەپ ئويلاپ بۇ يەرگىمۇ يوللاپ قويدۇم...
تۇداخۇن
(مۇخەممەس)
ياقۇپ ئىسمائىل قۇرولچى
چاخچاقچىلار ئىچىدە زور ئاتالغان تۇداخۇن ،
توي-تۆكۈندىن،سورۇندىن چاڭ چىقارغان تۇداخۇن،
بەرمەس باينىڭ قولىدىن نان چىقارغان تۇداخۇن،
«رەقىبى»نىڭ ئىچىدىن «قان»چىقارغان تۇداخۇن،
ئەلنى سۆيۈپ دىلىدىن نام چىقارغان تۇداخۇن.
تۇداخۇنلار كەلگەندە كۈلكە-چاخچاق قىزىيتتى،
ھىسامكام ۋە ياقۇپلار نەچچە يەردە ئېزىيتتى،
تۇداخۇنلار چاخچاقنى مارجان كەبى تىزىيتتى،
ئۆرۈمىنى شۇڭلاشقا سۈپۈرگىدەك سېرىيتتى،
چاخچاقچىلىق بابىدا «خان»ئاتالغان تۇداخۇن.
بەزى ئېيتار ،-تۇداخۇن،ئۆزى ۋىجىك،چامداندەك،
بويى ئەجەپ ئۆسمىدى، خۇددى بوران سوققاندەك،
ئۆزى ۋىجىك بولسىمۇ ئولتۇرۇشى ئۇ خاندەك،
چاخچىقىنىڭ ۋەزنى بار، بازغان بىلەم سوققاندەك،
ئەقىل-ئىدراك بابىدا «جان» ئاتالغان تۇداخۇن.
چاخچاق بىلەن سورۇندا چىقتى سىزنىڭ نامىڭىز،
ئېنىق ئىدى سىزنىڭكى ئۇندا نومۇس-ئارىڭىز،
يېقىن ئىدى ۋە لېكىن ئاۋام بىلەن ئارىڭىز،
ئاۋام كۈلسە، خوش بولسا ساقىياتتى يارىڭىز،
مېھرۇ-ۋاپا بابىدا «نان» ئاتالغان تۇداخۇن.
سۇناتتىڭىز تاپقاننى ئالدى بىلەن نامراتقا،
پۇل-پۈچەككە ئۇياتقا، قەددى سۇنۇپ پۈكۈلگەن،
ھاجەتمەنلەر كۈلگەندە ئايلىنىپ سىز بىر شادقا،
سۈرۈپ تاشلاپ قايغۇنى چاخچاق بىلەن بىر ياققا،
ساخاۋەتلىك بابىدا«نۇر» ئاتالغان تۇداخۇن.
سالام بىلەن ئىگىلىپ چوڭ-كىچىكنى كۆرگەندە،
گۈلدەك ئۆتتى ئۆمرىڭىز ،دەريا بويى گۈلشەندە،
چىللاپ كېلىپ ئاۋامنى قايماق چاينى ئىچكەندە،
لېكىن يالغۇز كەچتىڭىز ،لاي كېچىكنى كەچكەندە ،
ئەدەپ-ئەخلاق بابىدا«گۈل» ئاتالغان تۇداخۇن.
باھار كىلىپ ياز بولۇپ، ئەتراپ گۈلگە تولغاندا،
ئالتۇن كۈزنىڭ شەپىسى قۇلاقلارغا ياققاندا ،
ئالمىلارنى شائىرلار قۇشاقلارغا قاتقاندا،
كېتىپ قاپتۇ تۇداخۇن قۇياش كۈلۈپ باققاندا،
نامۇ-خىسلەت بابىدا «ھۆر» ئاتالغان تۇداخۇن.
تۇداخۇننىڭ ئەلىمى ئۆتۈپ كەتكەچ يۈرەككە،
ئەقلى ئويغاق،زىرەككە، نامە يازدىم لۈكچۈندىن
كۈچۈم لېكىن يەتمىدى شۇ نامىدىن بۆلەككە،
يەنە يىتىم مۇھتاجدۇر ، تۇداخۇندەك يۆلەككە،
ئىلمۇ-ھىكمەت بابىدا «دۇر» ئاتالغان تۇداخۇن!؟
(پىچان ناھىيە لۈكچۈن بازارلىق مەركىزى مەكتەپ : ياقۇپ ئىسمائىل)
تېلېفۇن نۇمۇرى : 18999465525
|
|