|
كەل ، ھاياتقا توموز تۇغايلى كىم بىلىدۇ چېچىڭ شامالمۇ ؟ ھەسەن –ھۈسەنمىكىن زىنىقىڭ . ساندۇقىڭدا ئۇخلايدۇ ئالەم ، نىمانچىلا راھەت تىنىقىڭ . سويۇلماقتا كۈندۈز تېرىسى ، راھەت ئازاب يېنىڭدا ئۈزەر . ئىشقا چىقىپ تۇرمۇش چويلىسى ، لەيلەپ چىققان غېمىڭنى سۈزەر . ئوڭشالماستىن سۈكۈت ماتۇرى ، ئۆستى غەيۋەتخورنىڭ تىرنىقى . ئۇسسۇزلىقى قانماي ۋىسالنىڭ ، كېڭەيمەكتە كۆڭۈل يېرىقى . مۇنازىرە قىلسۇن ئادىللىق ، ساداقىتىم سېپى قولۇڭدا . كىملىكنى يىرتسۇن موھتاجلىق ، بەرىكەتلەر قالسۇن بويۇڭدا . يېرىلماقتا چاڭقاق چۈشلىرىم ، نەق ئالامسەن ياكى نېسىمۇ ؟ بىر لېۋىڭنى بەرگىنىڭ قانداق ؟ ئاخىرىمۇ ياكى بېشىمۇ ؟ ئاچچىق ئىكەن قوش مېغىزىمىز ، تەنقىد بىزگە ئەڭ ئېسىل دورا . ئىپار بولۇپ دائىم ھورلىناي ، سېغىنغاندا ھېدىمنى پۇرا . قارماق تاشلا كەمتەرلىكىمگە ، ئېزىپ، سوقوپ، قۇرتىۋال مېنى . تۈگىمىسە ئەگەردە كېچەڭ ، كۆيۈپ بېرەي يورتىۋال مېنى . ئېيتقىن نىگار نىكاھ كەشىڭنىڭ ، دەل كەلگۈدەك دىل پارى قانچە ؟ يىقىنلىشاي بولۇپ ماياتنىك ، چۈشلىرىڭنىڭ پارۇلى قانچە ؟ تۈگەنچە ئەھمىيەتسىز تۆكىلىۋەرگەن ، دەقىقىنى ئەمدى بوغايلى . تەششەككۈرلەر بولسۇن بالياتقۇ ، كەل، ھاياتقا توموز تۇغايلى . ئاپتۇرى : ئا. مۇھەممەت باغۋەن |
