| kaqur | 2013-07-18 20:05 |
|
ئەينەك دېرىزە ئاپتوبۇس سايەڭنى كۆمگەندە ئاخىر، دېرىزە تۈۋىگە بولدۇم مەن ھازىر. كەينىڭگە يېنىشلاپ قارىشىڭ كۈتۈپ، ئۆتمۈشنى يىپ قىلىپ مارجان ئۆتكۈزۈپ... دېرىزە ئىچىدە يېڭى بىر كېچە، ئۆڭگەن ئۆتمۈشلەرگە ئوخشايدۇ شۇنچە، قىلار يۈرەكنى سەكپارە، يوللۇرۇم يىراقتا، كۆزۈم كەينىمدە... ئۆزۈمگە سۆزلىدىم ھېكايە، باش پېرسۇناژمۇ ئۆزۈم قىززىق - ھە، پۈتكۈل ۋەقەلىكى ئويدۇرما تەنھالىق، ھاكاۋۇر ئازاب ئۇندا ھۆكۈم سۈرمەكتە... ئەينەك دېرىزە، بىز بۇرۇن تونۇشتۇق ئەلۋەتتە، ئۇ يەردە بار تەبەسسۇم، تۆكۈلگەن كۆزۈمدىن شۇنداقلا ئۈنچە... ئەينەك دېرىزە، بوران - چاپقۇن، ئاپتاپلىق كۈنلەر، قەلبىمنى ئېزىدۇ ئوت - چۆپ ۋە گۈللەر، ئايرىلىش، قىيماسلىق، رەشىك، سۆيگۈلەر... يېنىككىنە يۈرەك تېۋىشى، ھەممىسى قوشۇلۇپ يازدى ھېكايە. ئەينەك دېرىزە - نېپنېپىز توسۇق، شۇنداقلا مەن مەڭگۈ يېتەلمەس ئۇپۇق. شـۇنچە تاتلـىق سـەن بەرگـەن ئـازاب كېچىلىرى ئۇخلىيالمايمەن، چۈشلىرىمگە كېلىسەن قاپساپ. دەرد ئىچىدە ئۆتسىمۇ كۈنۈم، شۇنچە تاتلىق سەن بەرگەن ئازاب. قايتا - قايتا ئاڭلايمەن يەنە، سەن ئامراق كۈي - مۇزىكىلارنى. كۈلۈپ تۇرۇپ پىغان چېكىمەن، ئايلانغاچ سەن ماڭار يوللارنى. تەبەسسۇمدا ئەسلەيمەن يەنە، بىللە ئۆتكەن ھەر بىر كۈنۈمنى. ئازابىڭغا چىلنىپ چىقىپ، يوقىتىپمۇ قويدۇم ئۆزۈمنى. شۇنچە تاتلىق سەن بەرگەن ئازاب، ھېسلىرىمنى قاماللار ھەردەم. شۇنچە ھەيران ئۆزۈم - ئۆزۈمگە، دەرد ئىچىدە يەنىلا بەردەم. بىر يانفۇننىڭ ھاياتى ئۆتتى نەقلا يىگىرمە سائەت، مۇزىكا ھېچ سايراي دېمەيدۇ. ئوتتۇز يەتتە سېلتسىيەلىك تەن، ئىسسىتالماس ئۇنى قىلچىمۇ... بۇرۇن، پەرىشتىدەك گۈزەل پىركازچىك، ماختاپ ئۇنى ئۇچارغان كۆككە. كەلگۈسىنى كۆرگەندەك بولغان، بۇ يانفۇنمۇ ئاشۇ دەقىقە. ئىللىق سېزىم تاراپ دىلىغا، كۈلگەن ئىدى بىر خىل رەۋىشتە. ئۆتتى نەقلا يىگىرمە سائەت، نەپەس ئالدى بىر خىل تىنىقتا "قارشى تەرەپ ئالدىراش" دېگەچ.... ئۇ سۈكۈتنى بۇزدى ئاخىرى، ئىگىسىگە ئىسيان كۆتۈردى، "دىت، دىت، مېنىڭ توكۇم تۈگىدى" يايرىم بەرگەن توي باغىقى قولۇمدا سۇس كۈلكىدە ياتار ئەنە جىلمىيىپ، ئۈستىلىمدە ھال رەڭلىك توي باغىقى. ئەتىرگۈلدىن ھىد ئالغانمۇ ئۇ قەغەز، ئازاب بىلەن بىللە سىقار دىماقنى. ئالتۇن ھەللىك نەقىش تۇتقان چېتىگە، مۇڭ دەستىدىن يارتا بولغان يۈرەكتەك. "تەكلىپنامە" كۆزلىرىمگە قادىلار قان چىقىرىپ، ئۆتكۈر بىسلىق قىلىچتەك. تۇتقان قولۇم تىترەيدۇ تىنىمسىز، شىۋىرغاندا قالغان تەنھا ياپراقتەك. كۆز ياشلىرىم سۆيۈپ ئۆتتى مەڭزىمنى، بۇ سەۋدانى بەزلىمەكچى بولغاندەك. بەخت مېنى مەست قىلغانتى ئەجەب - ھە، سېنى سۆيدۈم چۈشۈم ياكى ئوڭۇمدا. ئازاب مېنى يىراقلارغا ئېلىپ كەت، يايرىم بەرگەن توي باغىقى قولۇمدا. چۈش چۈش كۆرگەندەك بولدۇم تۇيۇقسىز، چۈش ئەمەستۇر بەلكى كۆرگىنىم. ئويغانمايلا ئۆتۈشكە رازى، چۈشۈمدە سەن مېنىڭ سۆيگىنىم. ياپىراقلار تەۋرەر تىنىقسىز، شىۋىرلىشار سۆيگۈ سىرىنى. يامغۇر بولۇپ تۆكەر قەلبىمگە، سېغىىشنىڭ ئۇچقۇنلىرىنى. مەن سۆيگەندەك سۆيەرسەنمۇ يار، تېپىچەكلەر ئاجىز يۈرىكىم. ساھىلىدا كۈتۈپ كېتىمەن، شۇ ئەمەسمۇ مېنىڭ كۆيمىكىم. ئوت بوپ يانار بۇندا سېغىنىش، بەزەن يامغۇر بولۇپ تۆكىلەر. لەپىلدەيدۇ تەنھا يۈرىكىم، ئوت ئىچىدە جىمجىت ئۆرنتىنەر. سۆيگۈ ساھىلى قاپقاراڭغۇ، تىپتىنىچ كوچا، يوپۇرماقلار شىۋىرلار ئاستا. قىلىشماقتا بەلكى بىر غەيۋەت، ياكى ئۇنى مازاق قىلماقتا. جۇل - جۇل كىيىم يېپىنغان ساھىل، يۈرىكىنى يىرتىپ يىغلايدۇ. ئېچىنىشلىق، سوغۇق نالىسى، بار قەلبنى قوچۇپ تىلغايدۇ. ئىقرار قىلماس سۆيەرلىكىنى، ئۆز - ئۆزىنى ئالدايدۇ شۇنداق. كۆزلىرىدىن قاچقان سۆيگۈسى، تۇتۇق بەرمەس ئۇنىڭغا ئاداق. ساھىل بولدى سۆيگۈ يولىدا، سۆيگۈ تىلەپ يۈرەر ئاشىقتىن. سېغىنىشتىن ياسىغان قورغان، بوغۇپ قويار ئۇنى ئاچچىقتىن. يۈرىكىدە ئۆچمەس سۆيگۈسى، گۈلخان بولۇپ ياندۇرار ئۇنى. ساھىل بولۇپ يۈرگەن ئاشىقنىڭ، تەنھالىقتىن ئۆچىدۇ ئۈنى. ئـۇ شېئىـر ئـەمـەس، مېنىـڭ يـۈرىكىـم مىسرايىمدا قوندۇرماق بولدۇم، يۈرىكىمنىڭ بېغىشلىرىغا. سەن كەلگۈچە كۈتمەكمۇ بولدۇم، سورۇن قۇرۇپ كۇبلىت بېشىدا. يۈرىكىمنى يۇغاردىم بىلگىن، شېئىرىمنى خېمىرتۇرۇچ قىپ. سەن يوق ھايات ئۆتىدۇ ئاران، نەپىسىممۇ شۇنچىلىك زەئىپ. قوقاس بولدى كۆيگەن يۈرىكىم، يار ئىشقىڭدا ئەجەب ئۆرتىنىپ. يوللۇرۇڭغا تىكىلەر كۆزۈم، سېغىنىشىم چىقار يۆتىلىپ. زەنجىر قىلدىڭ شېئىرىمنى سەن، شۇنچە گۈزەل ئۈنچىدەك كۆرۈپ. خائىن مىسرا ئاچار ھەممىنى، سۆيگۈمنىمۇ بېرىدۇ ئۆرۈپ. شېئىرىمنى تۇتتۇم قولۇڭغا، ئۇ شېئىر ئەمەس مېنىڭ يۈرىكىم. قاپاق تۈرۈپ، شىلتىساڭ خەنجەر، شۇ ئەمەسمۇ مېنىڭ ئۆلمىكىم. باھانەم يوق سېنى ئىزدەشكە يوقاپ كەتسەم بىلمەيسەن پەقەت، ياش تۆكسەممۇ سۈرتۈپ قويمايسەن. ۋاز كەچسەممۇ كۆرۈنمەس بەدەل، يۈرەك زارىم ئاڭلىيالمايسەن. نېمە ئۈچۈن ئۇنتۇش تەس يەنە، بىر ئادەمنى ياخشى كۆرۈشتىن. نېمە ئۈچۈن گۈزەل نەرسىنىڭ، كېتىشى تېز دائىم كېلىشتىن. تېلىفۇنىمنى سايرىتىپ قالساڭ، "قۇرۇق نومۇر" دەپ قالسا ئەگەر. ئەپسۇسلىنىپ قويمايسەن ھەرگىز، كۈنلىرىڭمۇ بىر ئىزدا ئۆتەر. كۆرسەڭ، يۈرىكىمنى بىر كۈنلىرى، ئازاب چېكىپ، يىغلاپ كېتىسەن، ئۇ يەردە بار پەقەت ۋە پەقەت، سەن بەرگەن ئازابنىڭ ئىزنالىرى. كۆرسەم، مەنمۇ ھەم يۈرىكىڭنى، يىغلاپ كېتەرمەن، بەلكىم - ھە ئۈنسىز... باردۇر ئۇ يەردە سېنىڭ ماڭا قاراشلىرىڭ پەرۋاسىز، پەرۋاسىز! ئاخىر، رولىمنى بىلىۋالدىم، يۈرىكىڭنى كۆرىۋالدىم، تۇرمۇشۇڭدا مەن ئۆتكۈنچى مېھمان بولساممۇ - بولمىساممۇ "مەيلى" دېدىڭ. كۆچۈپ كەتتى يۈرەكتىن سۆيگۈ، مەن سۆيگۈدە تەنھا مەلىكە. سېغىنىشتا كۆيسىمۇ يۈرەك، باھانەم يوق سېنى ئىزدەشكە. سۆيۈشكە تېگىشلىك بولمىغان كىشى سۆيۈشكە تېگىشلىك بولمىغان لەۋدە، سۆيدۈم مەن ئاشۇنداق سىرلىق كىشىنى، سۆيۈشكە تېگىشلىك بولمىغان كىشى. ئوتلۇق بىر نەپەسلەر كىشەن سالىدۇ، «سۆيمەيمەن» دەيدىغان نىدالىرىمغا. كۆزلىرىم ئىزلارغا قاراپ قالىدۇ، تەشۋىشتە تۆكۈلگەن كۆز ياشلىرىم بار. مەن ئۇنى سۆيگۈ دەپ ئاتىماي دەيمەن، «قىزىقىش ئاخىرى، تۇنجۇقتۇراي» دەپ. ئۆلگۈر بىر ھېسلاردا ئېزىپ يۈرىمەن، بەختىمگە يېنىشلاپ يازىمەنغۇ خەت. سۇنۇلغان قوللىرىم قالىدۇ كۆكتە، تۇتۇشقا قوللار بار سېنىڭ يولۇڭدا. قۇترىغان ئويلىرىم قوپىدۇ ئۆكتە، «سۆيگۈنى بار پەقەت سېنىڭ ئويۇڭدا» سۆيۈشكە تېگىشلىك بولمىغان كىشى، گوياكى ياتلارغا يېزىلغان بىر خەت. قىزىقىش ئىلكىدە ئاچىسەن ئۇنى، ئوقۇشنى باشلايسەن قىلالماي تاقەت. يۈرەكلىك «سۆيەتتىم» دېيىش قانچە تەس، سۆيۈشكە تېگىشلىك ئەمەس كىشىنى. ئازابقا تۇنجۇقۇپ كېتەي بولدى بەس، ئۇنۇتاي كۆڭلىنى بەرمەس كىشىنى. كېلىشى نائېنىق بولغان ئەتىدە، سۆيسەممۇ مەيلىتى ئوچۇق - ئاشكارە، سۆيمەسكە تېگىشلىك بولغان كىشىنى. |
|
