查看完整版本: [-- ئە.نىياز : ھەسەت --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ئە.نىياز : ھەسەت [打印本页] 登录 -> 注册 -> 回复主题 -> 发表主题

ئەكبەرنىياز 2013-07-14 00:09


ھەسەت

يۈرىكىمنى سوغۇرۇپ سەھەر ،
ئاتسام دەيمەن ئەخلەت تۇڭىغا .
ۋاپاسىزغا بولۇپ ھەمنەپەس ،
پەشۋا ئاتسام ئاشىق مۇڭىغا .

كانىيىنى بوغقۇم كېلىدۇ ،
ئىللىق كۈلۈپ چىققاندا قۇياش .
تولۇن ئاينى بوغۇزلاپ ھەتتا ،
زۇلمەت تۈنگە بولغۇم بار قاياش .

چەيلىۋەتسەم چىمەن باغلارنى ،
ۋېسال پەيزى توزىسا ئۆچۈپ .
باھار چىللاپ كەلگەن تۇرنىلار ،
كەتسە بۈگۈن جەنۇپقا كۆچۈپ .

ئۇزاتقۇم بار غېرىبنى گۆرگە ،
سەنەم قالسا تەنھا ياش تۆكۈپ .
يېتەلمىگەچ ئۆزۈم ۋېسالغا ،
ياشىمىسۇن ھېچكىممۇ كۈلۈپ !

بۇ مېنىڭ ئالىي مەكتەپ ھاياتىمنىڭ دەسلەپكى باسقۇچلىرىدا يازغان شىئېرىم ئىدى . يېڭى قاشتىشى ژۇرنىلىنىڭ 2000-يىللىق 6-سانىدا ئېلان قىلىنغان . كەسپداشلار بىلەن ئورتاقلىشىش مەقسىتىدە سۇندۇم . تەكلىپ - پىكىرلەر بولسا ئايىمىغايسىلەر !!!
2000-يىلى 5-ئاينىڭ 12-كۈنى . شەھىرى خوتەن .


koksangun 2013-07-14 00:49
بۇ شېئىرىڭىز ھەقىقەتەن شەربەت قېتىلغان ئۇسسۇزليق بوپتۇ ، لىرىكىلىرىڭىز ئۈزۈلمىگەي !

ئوتقاشئەرقۇتى 2013-07-14 15:51
ھەقىقەتەن ياخشى چىقىپتىكەن بۇ لېرىكا !ئىلھاملارغا كۆز تەگمىسۇن !

تۆتتاش 2013-07-14 16:47
سىزنى  ئەسلىدە بۇرۇنلا تەھرىراتلار تۇنۇۋاپتىكەندە،
مانا ئەمدى كۆز كۆزگە ،كۈڭۈل كۈڭۈلگە ،خىزمەت ئىشلەشكە ،تۇرمۇش قىيىنچىلىققا پىشقاندا توختاپ قالغىلى تۇردىڭىز جۇمۇ؟

ئەنۋەرچەرچەن 2013-07-14 17:12
ھەقىقەتەن ياخشى چىقىپتىكەن بۇ لېرىكا !ئىلھاملارغا كۆز تەگمىسۇن !

گۈلزىبا 2013-07-14 23:33
كانىيىنى بوغقۇم كېلىدۇ ،
ئىللىق كۈلۈپ چىققاندا قۇياش .
تولۇن ئاينى بوغۇزلاپ ھەتتا ،
زۇلمەت تۈنگە بولغۇم بار قاياش .

چەيلىۋەتسەم چىمەن باغلارنى ،
ۋېسال پەيزى توزىسا ئۆچۈپ .
باھار چىللاپ كەلگەن تۇرنىلار ،
كەتسە بۈگۈن جەنۇپقا كۆچۈپ .
...
ئاللا ، ئاللا ئەكبەر مۇئەللىم ، نىمىدىگەن قارا نىيەت بۇ ؟  سىزنىڭ ئەمەستۇ -ھە؟!

ئەكبەرنىياز 2013-07-14 23:43
قانداق دەيسىز ؟ ھەسەتمۇ سېنىڭ -مېنىڭ ، ئەركەك -چىشى دەپ ئايرىلامدىكەن !؟  
ئۆزىڭىز بىلىسىز مەن چاخچاقنى سەل ئېغىرراق قىلىشنى ياخشى كۆرىمەن .

ablatmuhamma 2013-07-15 00:32
تىڭىلىزدىكى ئىزچىللىق مېنى قايىل قىلدى ، قەلىمىڭىز كۈچلۈككەن ، رازى بولدۇم قېرىندىىشم ، يەنىمۇ ئالغا ، پىكىرلىشىپ تۇرايلى ، سىزنىڭ ئىلھامىڭىز مېنىڭ ئىلھامىم ئەلىۋەتتە

ئەكبەرنىياز 2013-07-15 01:07
ھەرگىز توختاپ قالمايمەن ئاغىينە ، پەقەت شۇ كونا ئىلھاملىرىمنىمۇ ئىزدىگۈم كېلىپلا تۇرىدىغۇ ، نېمىشقىلىقىنى مەنمۇ بىلمىدىم .  

ئەكبەرنىياز 2013-07-15 01:08
ئابلەت مۇئەللىمنىڭ ئىلھام مەدەتلىرىگە كۆپ رەھمەت ، پىكىرلىشىپ تۇرايلى قېرىندىشىم ، ھەممىمىزگە ئىزچىللىق يار بولغاي !!!

gulhan 2013-07-15 12:00
نادىر لېرىكىڭىزغا بارىكاللا!

ئايبىكە 2013-07-15 12:08
«ئۇزاتقۇم بار غېرىبنى گۆرگە ،
سەنەم قالسا تەنھا ياش تۆكۈپ .
يېتەلمىگەچ ئۆزۈم ۋېسالغا ،
ياشىمىسۇن ھېچكىممۇ كۈلۈپ ! »

ئىلھام بۇلاقلىرىڭىز ئۈزۈلۈپ قالمىغاي.

تىلداش 2013-07-15 14:22
ئەكبەر نىياز ئەپەندىمنىڭ <<قاتىل نەزمىسى>>نى ئوقۇپ، ئابدۇقادىر جالالدىن ئۇستازنىڭ ئېغىزىدىن چىققان:<<نىشانىڭ گۈزەل بولسىلا، قانچىلىك رەزىللىك قىلساڭ مەيلى>> دېگەن سۆزنى ئەسلەپ قالدىم.

ئەكبەرنىياز 2013-07-15 17:42
دوستلارنىڭ ئىلھام-مەدەتلىرىگە كۆپ رەھمەت !!!

ئايبىكە 2013-07-15 17:44
شېئىرلىرىڭىزنىڭ ئوقۇرمەنگە بەرگەن ھوزورى تەسۋىرلىگۈسىز.

ئەكبەرنىياز 2013-07-15 19:24
بەك ئاشۇرۇۋەتتىڭىز ، كۆپ رەھمەت !!!

ئايبىكە 2013-07-15 20:26
شۇنداق ئەمەسمۇ؟مەن سىزنىڭ «جېنىم ،ئېيتىپ بېقىڭا،قاچان قايتىپ كېلىسىز؟»ناملىق شېئىرىڭىزنى ئوقۇپ بەك تەسىرلىنىپ،بىر ۋاقىتلارغىچە ھوزورىنى سۈرگەن ئىدىم.كەسىپداشلار ۋە باشقا ئوقۇتقۇچىلارغىمۇ تەۋسىيە قىلغان ئىدىم.

ئەكبەرنىياز 2013-07-16 10:01
دوستلارنىڭ ياقتۇرغىنى  مېنىڭ تاللىشىم بولالىغان بولسا بۇ مەن ئۈچۈن بەخت ، كۆپ رەھمەت !!!

گۈلزىبا 2013-07-16 20:30
ياقەي ، مەن بىلىدىغان ئەكبەر مۇئەللىم شۇ قەدەر ئاقكۆڭۈلتى دېسە .
شىئېرىڭىزنى ياقتۇرۇپ شۇنداق دېدىم .

ئەكبەرنىياز 2013-07-16 22:09
توغرا دەيسىز گۈلزىبا ، مەنمۇ ئۆزۈمنى ئاق كۆڭۈل ھېسابلايمەن . چۈشەنگىنىڭىزگە كۆپ رەھمەت ! شۇنداق بولغاچقىمىكىن تولا ھاللاردا «شاپىلاق » يەپ قالىمەن «دوست»لىرىمدىن . ئەمما ، مەن يەنىلا باشقىلارنىمۇ ئۆزۈمگە ئوخشاش ئويلىيالىغانلىقىمدىن پۇشايمان قىلىپ باقمىدىم . مەنچە ، بۇ دۇنيا يەنىلا ئىنتايىن گۈزەل !!!


查看完整版本: [-- ئە.نىياز : ھەسەت --] [-- top --]


Powered by PHPWind v7.3.2 Code © 2003-08 PHPWind
Gzip disabled

You can contact us