查看完整版本: [-- ھەمكارلىشايلىچۇ --]

تەۋپىق مۇنبىرى -> كۆڭۇلدىكى سۆز -> ھەمكارلىشايلىچۇ [打印本页] 登录 -> 注册 -> 回复主题 -> 发表主题

nadiraay 2013-07-05 21:24                                                                        ھەمكارلىشايلىچۇ مۇنبەرداشلار. مەن بۇ يىل تولۇقسىز بىرىنچى يىللىققا  دەرىسكە كىرىمەن. ئەگەر 9- ئايدا ئۆزگىرىپ كەتمىسىلا. شۇڭا مەن ئوخشاش يىللىققا دەرسكە كىرىدىغانلار ھەمكارلىشىپ مۇكەممەلراق دەرس تەييارلىقى تۈزۈپ ئورتاق پايدىلانساق دېمەكچى.   قوشۇلىدىغانلارنىڭ ئىپادە بىلدۈرۈشىنى سورايمەن.

ئەكبەرنىياز 2013-07-05 22:28 مەن سىز دېگەن يىللىقتا بولمىساممۇ (قارىغاندا 9-ئايدا كەسپىي تولۇق ئوتتۇرىغا تىل-ئەدەبىيات دەرسى بېرىدىغان ئوخشايمەن )ھەمكارلىشىشنى خالايمەن !!! سىز ئاۋۋال دەسلەپكى پىلانىڭىزنى دەپ بېقىڭ ، كۈچۈمنىڭ يېتىشىچە سىز بىلەن مەسىلىلەرنى ئورتاقلىشىشقا تىرىشىمەن !!!

koksangun 2013-07-05 23:13 مەنمۇ ھەمكارلىشىشقا تەييار.

ئايبىكە 2013-07-05 23:16 «تەبىئەت دۇنياسىنى ھۈرمەتلەيلى » ناملىق دەرسنىڭ دەرس لاھىيەسى ماتېرىيال تەھلىلى    1 ئورنى ۋە رولى   1).« تەبىئەت دۇنياسىنى ھۈرمەتلەيلى » ناملىق ئەسەر تولۇقسىز ئۇتتۇرا تىل – ئەدەبىيات دەرسلىكى 2-يىللىق 1-قىسىم 3 -بۆلەككە كىرگۈزۈلگەن تەبىئەتنى ئاسراش تېما قىلىنغان مۇھاكىمە ماقالىسى 2). مەزكۇر دەرسنى ئورۇنلاشتۇرۇشتىكى قاراتمىلىق سەۋەبلەر؛     بىز ئىگىرى تەبىئەتنى بويسۇندۇرىمىز دەپ داۋراڭ سېلىپ كۆپ زىيانلارنى تارتتۇق . مەزكۇر دەرس ئارقىلىق ئۇقۇغۇچىلاردا تەبىئەتنى قۇغدايدىغان ئالىيجاناب پەزىلەتنى يېتىلدۈرۈش . 3). مۇناسىۋەتلىك دەرس ئۆلچىمىدىكى مەزكۇر دەرسنى ئوقۇتۇشقا دائىر تەلەپلەر 4ئىنسان تەبىئىتىدىكى شەخسىيەتچىلىك بىلەن تەبىئەت دۇنياسىنىڭ زىددىيىتى مەسلىسى ئارقىلىق ئۇقۇغۇچىلارنى مەسىللەرنى چوڭقۇر ئويلىيالايدىغان ، تەبىئەتنى قۇغدايدىغان كۆز قاراشقا ئىگە قىلىش .    2 . مەزكۇر دەرسنىڭ ئوقۇتۇش پائالىيىتىدە يەتمەكچى بولغان نىشانلارنى تۇنۇشتۇرۇش     1)      . بىلىم ھازىرلاش نىشانى : « تەبىئەت دۇنياسىنى ھۈرمەتلەيلى » ناملىق ئەسىرى ئارقىلىق ئەجدادلىرىمىز ئۇزاق دەۋىرلەردىن بۇيان تەبىئەت بىلەن بىر جان-،بىر گەۋدە بولۇپ بۇستانلىق مەدەنىيىتىنى بارلىققا كەلتۈرگەن. ، دىيارىمىزدىكى گۈزەل مەنزىرلىك تەبىئىي تاغ – ئورمان ۋە ئۇ يەرلەردە ياشاۋاتقان ھايۋانلار ،ئىنسانلار بىلەن تەبىئەت دۇنياسى ،ئىنسانلار بىلەن تۈرلۈك ھايۋانلار ئۇتتۇرسىدىكى مۇناسىۋەتلەر ھەققىدە چۈشەنچىلەرگە ئېرىشىش بىلەن بىرگە ، خىلمۇ – خىل تەبىئىي ئاپەتلەر ھەققىدە ئۇچۇر بېرىش     2)      . ئىقتىداريېتىلدۈرۈش  نىشانى : مەسىللەرنى باغلاپ تەسەۋۇر قىلىش ، ئوقۇشلۇقنى تەھلىل قىلىش ، ئۇچۇر توپلاپ بىر تەرەپ قىلىش ، ئەسەرنى ئىجدىمائىي رېئاللىق بىلەن باغلاش ، سەنئەتتىن ھوزورلىنش ئىقتىدارىنى يېتلدۈرۈش .    3)      . ئەخلاقى تەربىيە سىڭدۈرۈش نىشانى : ئۇقۇغۇچىلاردا ئېكىلوگىيلىك تەڭپۇڭلىقنى قۇغدايدىغان ،نەپسى ،مەنپەئەتى ئۈچۈن تەبىئەتكە زىيان يەتكۈزمەيدىغان ئېسىل پەزىلەتنى يىتىلدۈرۈشتىن ئىبارەت .   3 . دەرسنىڭ مۇھىم ۋە قىيىن نۇقتىلىرىنى تۇنۇشتۇرۇش .   دەرسلىك ئۆلچىمىدىكى تەلەپ ۋە مەزكور دەرسنىڭ ئومۇمى ئەھۋالىغا ئاساسەن دەرسنىڭ مۇھىم ،قىيىن نۇقتىلىرىنى تۈۋەندىكىدەك بىكىتتىم .     مۇھىم نۇقتىسى :بىز ھەر قىتىم« تەبىئەت دۇنياسى ئۈستىدىن غەلىبە قىلدۇق» دەپ كۆرەڭلەپ كەتكىنىمىزدە ، تەبىئەت ئانىنىڭ  كۆزلىرىدىن بىچارىلىكنى ئەمەس ، ئۆچمەنلىكنى كۆرگىنىمىزدە نېمە ئۈچۈن قەلبىمىز غالىبلىق بىلەن ئەمەس ، بەلكى پۇشايمان بىلەن تولىدۇ ؟  قىيىن نۇقتىسى : تەبىئەت دۇنياسى بىلەن ئىناق ئۆتۈش دۇنياۋى زۆرۈرىيەتكە ئايلانغان بۈگۈنكى كۈندە ، ھايۋانات دۇنياسى بىلەن ئېكولوگىيىلىك تەڭپۇڭلۇقنىڭ مۇناسىۋىتى ھەققىدە سىز قانداق چۈشەنچىدە ؟   4 . ئوقۇتۇش سىتراتىگىيىسىنى تۇنۇشتۇرۇش  1). ئۇقۇتقۇچىنىڭ ئوقۇتۇش ئۇسۇلىنى تۇنۇشتۇرۇش    ئوقۇغۇچىلارنى مەركەز قىلىپ ، مۇستەقىل ئىشلەش ، ھەمكارلىشىپ ئىشلەش ،باغلانما تەسەۋۋۇر يۈرگۈزۈش ئاخىرىدا ئەقلىي خۇلاسە چىقىرىشقا تەشكىللەشتىن ئىبارەت   2). ئۇقۇغۇچىنىڭ ئۆگىنىش ئۇسۇلىنى تۇنۇشتۇرۇش     ماتىريال توپلاش ، مۇنازىرە قېلىش ، مۇستەقىل ھەمكارلىشىپ ئىشلەش ،ئۆز كۆز قارىشىنى جانلىق، پاكىتلىق ، راۋان ئۇتتۇرغا قۇيۇش ھەم توپلىغان دەرىسخانا بايلىقى ئاساسىدا ئويلىغانلىرىنى ئەقلىي خۇلاسە شەكلىدە يېزىپ چىقالايدىغان ئىقتىدارنى يىتىلدۈرۈشنى مەقسەت قىلدىم .   ئوقۇتۇش پائالىيىتىنىڭ ئوبىيكتى – دەل ئوقۇغۇچى . نۆۋەتتە ساۋاتسىزلىق ئۇقۇمى خەت تۇنۇمايدىغانلارنى ئەمەس بەلكى ئۆگىنىشنى بىلمەيدىغانلارنى كۆرسىتىدۇ . شۇڭا دەرس ئۆتۈش جەريانىدا ئوقۇغۇچىلارنىڭ ياشاش مۇھىتى ، پىسخىك ئالاھىدىلىكى ، ئادەتتىكى ئۆگىنىش ئەھۋالى قاتارلىقلار تەھلىل قىلىنىپ ئوقۇتۇش پائالىيىتىنىڭ ئومۇمى قۇرۇلمىسى شۇ سەۋىيىگە ئەڭ زور دەرىجىدە يىقىنلاشتۇرۇلدۇ . *  5 . ئوقۇتۇش پائالىيىتى جەريانى ۋە ئالدىن تەسەۋۋۇرنى ئۇتتۇرغا قۇيۇش  1) . يېڭى دەرسكە باشلاپ كىرىش ئۇسۇلى ( جەريانى) (1)بىز ئۆزىمىزنىڭ تەبىئەت دۇنياسى ئۈستىدىن غەلبە قىلغانلىقىمىزدىن ھەددىدىن زىيادە خۇشال بولۇپ كەتمەسلىكىمىز لازىم . ھەر قېتىمقى مۇشۇنداق غەلبىمىز ئۈچۈن تەبىئەت دۇنياسى بىزدىن ئۆچ ئالىدۇ  .  (ئېنگىلىس  ) (2)مايكىل جىكسوننىڭ«دۇنيانى قۇتقۇزايلى»ناملىق ناخشىسى قويۇپ بېرىلىپ، ئىنسانلار تەبىئەت دۇنياسىغا قەدەم بېسىشتىن ئىلگىرىكى ھالەت بىلەن ئىنسانلارنىڭ تۈمۈر تاپىنى بېسىلغاندىن كىيىنكى ھالىتى روشەن سېلىشتۇرما قىلىنىدۇ.       تەھلىل قىلىڭ :  2 ) . تەييارلانغان مىساللار ۋە بۇ ئارقىلىق ھەل قىلماقچى بولغان مەسىللەر  1)«ھايۋاناتلار دۇنياسى »پىروگىراممىسى نېمە ئۈچۈن «ئادەم ۋە تەبىئەت»  پىروگىراممىسىغا ئۆزگەرتىلدى؟   2) ئىلگىرى ئىنسانلار «بىز- تەبىئەت دۇنياسىنىڭ خۇجايىنلىرى»دەيتتى.ھازىر «بىز -تەبىئەت دۇنياسىنىڭ پەرزەنتلىرى»دەيدىغان بولدى.ئەمەلىي مېساللار ئاساسىدا ئىنسانلارنىڭ ئاچچىق ساۋاقلار بەدىلىگە يۇقارقىدەك يەكۈن چىقىرىشىنىڭ سەۋەبلىرىنى كۆرسىتىپ بېقىڭ.    3) قانداق قىلغاندا تەبىئەتنىڭ بىزدىن ئۆچ ئىلىشىنى تۇسۇپ تەبىئەتنىڭ بىشىمىزنى سىلايدىغان ھەقىقىي تەبىئەت ئانا بۇلۇشىنى قولغا كەلتۈرگىلى بولىدۇ؟    ئەجداتلىرىمىز قەدىمدىن تارتىپ تەبىئەتنى قۇغداشقا ئەھمىيەت بېرىپ كەلگەن . «بىر تال دەرەخ كەسسەڭ،ئون تال تىك» قاتارلىق ماقاللارنى ھەمدە ئافرىقا خەلق  ناخشىسىدىكى «ئاخىرقى دەرەخ كېسىۋىتىلگەن،ئاخىرقى دەريا زەھەرلەنگەن،ئاخىرقى بىلىق تۇتۇلغان،ئاخىرقى تامچە يېشىڭ قالغان چاغدا پۇلنى يېگىلى بولمايدىغانلىقى بىلەرسەن شۇندا.» قاتارلىق مەزمونلارنى مېسال قىلىش ئارقىلىق ئۇقۇغۇچىلار دەرىسنىڭ مەركىزى لىنيەسىگە باشلاپ كىرىلدۇ .جىياڭ رۇڭنىڭ « بۆرە توتىمى » ناملىق ئەسىرىدىن ئىچى مۇڭغۇلنىڭ قۇملىشىشى سۆزلىنىپ دەلىل سۈپىتىدە  تىڭگىرنىڭ « جەننەت » ناملىق ناخشىسى كۆرسىتىلىدۇ .    دەرستىن ئىلگىرى ئوقۇغۇچىلار ئۈچ باسقۇچقا ئايرىلىپ تەكشۈرۈپ ئىزدىنىشكە ئورۇنلاشتۇرۇلغان.   1-باسقۇچ؛ئۆزى تۇرۇشلۇق يېزىنى تەپسىلىي كۈزۈتۈپ خاتىرە قالدۇرىدۇ.   2-باسقۇچ- نېمە سەۋەپتىن مۇشۇ خىل ھالەتنىڭ كېلىپ چىققانلىقىنىڭ سەۋەبىنى ئىزدەيدۇ.       3-باسقۇچ ؛يېزىنىڭ ئىكولوگىيىلىك مۇھىتىنى قوغداشنىڭ  دەسلەپكى چارە-تەدبىرلىرىنى ئىزدىنىپ رەتلەپ كېلىدۇ. بو ئارقىلىق ئوقۇغۇچىلار بىۋاستە جەمىيەت تەكشۈرۈش ۋە قول سېلىپ ئىشلەش پۇرسىتى بېرىلىپ دەرسنىڭ مەقسىدىگە ئەڭ زور دەرىجىدە يېقىنلاشتۇرىلىدۇ.   يۇقارقى مەزمونلار ئارقىلىق ھەل قىلماقچى بولغان مەسلە ئوقۇغۇچىلارنىڭ تەبىئەتنى قۇغداش روھىنى يېتىلدۈرۈشتىن ئىبارەت مەركىزى ئىدىيەنى يورۇتۇپ بېرىشتىن ئىبارەت .       6 . دەرس خۇلاسىسىنى ئۇتتۇرغا قۇيۇش       مەزكۇر دەرسلىك ئارقىلىق  ئېكلوگىيلىك تەڭپۇڭلىقنى قۇغداشنىڭ زۆرۈرلىكى بىزگە بەدىئى يوسوندا كۆرسىتىپ بېرىلگەن ئېنگىلىسنىڭ سۆزىنى نەقىل كەلتۈرۈش ئارقىلىق بۇ نۇقتا تېخىمۇ گەۋدىلەندۈرۈلدۇ ..    7 . دەرسنىڭ ئومۇمى مەزمون سىخىمىسى ( دوسكا لايىھەسى ) نى ئۇتتۇرغا قۇيۇش     8 . تاپشۇرۇق بېرىش لايىھەسىنى ئوتتۇرغا قۇيۇش    1)    . تاپشۇرۇق مەزمونى : « بۇ يەردە كېيىنكىلەرنىڭمۇ ھەققى بار » ناملىق كىتابنى ئوقۇپ كىلىڭلار .   2)    . تاپشۇرۇق لايىھەلەشتىكى مۇددىئا : ئقوقۇغۇچىلارنىڭ ماتىريال توپلاش ، مۇستەقىل ئىزدىنىش ، ياخشى بولغان كىتاب ئوقۇش ئادىتىنى يېتىلدۈرۈشتىن ئىبارەت . يەتمەكچى بولغان ئۈنۈم :  ئوقۇغۇچىلارغا ئۆزلىرىنىڭ تەبىئەت ئالدىدىكى مەسئولىيىتىنى چوڭقۇر تۇنۇتۇشتىن ئىبارەت    3)     . تاپشۇرۇقنى باھالاش ئۆلچىمى : توپلىغان ماتىرياللىرى دەرسلىك مەزمونى بىلەن باغلىنىشلىق  ، تولۇق ، قايىل قىلارلىق بۇلىشى ، يەر جاي ناملىرى ، تۈرلۈك سانلىق مەلۇماتلار ئېنىق ، تۇغرا بۇلىشى كېرەك   . 9 . دەرستىن كىيىنكى ئانالىزنى ئوتتۇرغا قۇيۇش   دەرستىن كىيىنكى ئانالىز ئادەتتە بىر سائەتلىك دەرسنى ئۆتۈپ بولغاندىن كېيىن يېزىلىدۇ . ئەگەر دەرستىن بۇرۇن ئوتتۇرغا قۇيۇش تۇغرا كەلسە ئەسكەرتىش يېزىلىدۇ -   10 . ۋاقىت تەقسىماتىنى ئوتتۇرغا قۇيۇش    يېڭى دەرسكە باشلاپ كىرىش (      مېنوت )   نىشان (     مېنوت ) جەريان (      مېنوت ) خۇلاسە(   مېنوت)  تاپشۇرۇق (       مېنوت )

nadiraay 2013-07-06 01:47 ئايبىكەنىڭ  دەرس لايىھەسىنى كۆرۈپ ئۆزۈمنىڭ تولۇقلاشقا تېگىشلىك  نۇرغۇن جايلىرىمنىڭ بارلىقىنى ھېس قىلدىم. مۇنبەردىكى دەرس لايىھەلىرىنىڭ بىر قىسىملىرىدىن ياخشى پايدىلىنىشقا بولسىمۇ ئەمما  يەنە بىر قىسىملىرىنىڭ لايىھەلىنىشى بەك ئاددىي. سوئاللا بار ئەمما جاۋابلار يوق دېيەرلىك. مۇناسىۋەتلىك ناخشا، قىستۇرما سۇرەتلەرمۇ يوق. بۇنداق بولغاندا بەزى نەزىرىيىۋى بىلىملەرنى ۋە يىغىنچاقلانغان جاۋابلار يوق بولۇپ قالىدىكەن. ھەممەيلەننىڭ كومپىيۇتېر سەۋىيەسى دېگەندەك ياخشى بولۇشى ناتايىن. شۇڭا بەزىلەر توردىن ئۈنۈملۈك پايدىلىنالىسا ، بەزىلەر پايدىلىنالماي سىنىپلاردىكى زامانىۋى ئەسلىھەلەر توپا بېسىپ تۇرماقتا. ئىشلىتىش خاتىرىلىرى يالغاندىن تولدۇرۇلماقتا.   تەكلىپىم: 1. ھەر قايسى جايلاردىكى ئوخشاش يىللىققا دەرسكە كىرىدىغانلار ھەمكارلىشىپ دەرسلىكتىكى مەزمۇنلارنى بۆلۈشۈپ مۇكەممەلراق بولغان دەرس لايىھەسى تۇزۇپ چىقساق. ماس ھالدىكى دەرسلىك دېتالىمۇ تۈزۈلسە. 2. دەرسلىك تەھلىلى ئۈچۈن چىقىرىلغان سوئاللارنىڭ  يىغىنچاقلاش خاراكتىردىكى  جاۋابىمۇ ئىمكانقەدەر يېزىلسا. ( بۇ بەزىلەر ئۈچۈن يېتەكلەش خاراكتېردىكى كۆرسەتمە بولالايدۇ.) 3. دەرس لايىھەسىدە ئوتتۇرىغا چىققان مۇناسىۋەتلىك  قويۇلمىلار ( يۇقارقى دەرس لايىھەسىدە دېيىلگەن مايكىل جىكسوننىڭ«دۇنيانى قۇتقۇزايلى»ناملىق ناخشىسى، تىڭگىرنىڭ « جەننەت » ناملىق ناخشىسى ) مۇ قوشۇپ يوللانسا. بۇنداق بولغاندا شۇ ناخشىنى ئوقۇغۇچىلارغا شۇنداق قويۇپ بەرگۈسى بولسىمۇ ئەمما  كومپىيۇتېر سەۋىيەسى تۆۋەن بولغانلىقى سەۋەبىدىن توردىن چۈشۈرەلمەيدىغانلارمۇ خۇشاللىق بىلەن پايدىلىنالايتتى.

گۈلچىمەن 2013-07-06 08:48         تىرىشچان  ئايبىكە   ھارمىغايسىز.

koksangun 2013-07-06 09:50 ئايبىكەنىڭ مۇنبىرىمىزدىكى پائالىيەتلىرى تولىمۇ كۆزگە كۆرىنەرلىك بولماقتا ، يوللانمىلىرىنىڭ سەۋىيىسى يۇقىرى ، دەرس لايىھىلىرى يېتەكلەش خاراكتېرىگە ئىگە . ئايبىكەنىڭ پائالىيەتلىرىگە نەتىجە تىلەيمەن .

gulhan 2013-07-06 12:10 http://tawpek.cn/bbs/read.php?tid=7982 بۇ ھەمكارلىشىش  ناھايىتى ياخشى چىقىرلغان چاقىرىق ئىكەن. ئايبىكەنىڭ دەرس لاھىيەسى تىخىمۇ مۇكەممەل چىقىپتۇ. يۇقۇردىكى  بۇرۇن مېنىڭ تەۋپىق تورىغا يوللىغان  مۇشۇ دەرسنىڭ دەرس دىتالىم، ھەمدە دەرس لاھىيەم. بەزى جايلىرى ئايبىكەنىڭ لاھىيەسىگە بەك ئۇخشاش چىقىپتۇ. تەڭرىتاغ قارغايلىرىنىڭ يىلتىزى بىر تۇتاش ئەمەسمۇ....

uzqak 2013-07-06 13:09 مەنمۇ ھەمكارلىشىشنى خالايمەن، ئەپسۇس دەرس بەرمەيمەندە !!!

nadiraay 2013-07-06 14:15 دەرس بېرەلمىسىڭىزمۇ مەسلىھەت بېرىپ تۇرارسىز.

گۈلزىبا 2013-07-07 19:10 مېنىڭمۇ  ھەمكارلاشقۇم بار .

ozqan 2013-07-08 14:21 بەك ياخشى تېما بوپتۇ ، تەۋپىق تورىمىزنىڭ مەقسىتىمۇ دەل ھەمكارلىشىش ئاساسىدا ئورتاقلىقنى ، ئىلغارلىقنى تېپىش ، ئوقۇتۇش بايلىقلىرىمىزنى مۇكەممەللەشتۈرۈش.. مەنمۇ ھەمكارلىشىشىنى قوللايمەن . ئەمما ، مەنمۇ تولۇقسىزغا دەرس بەرمەيمەن . بولسا بۇ تېمىدا ھەر بىر دەرسنىڭ ئاۋال دەرس تېكستى ، ئاندىن دەرس لايىھەسى بېرىلسە ، باشقىلار شۇ دەرس تەييارلىقىدىكى ئۇسۇللارنى ھەم بايلىقلارنى مۇكەممەللەشتۈرسە ، كۆپچىلىك تەڭ ئاۋاز قوشۇپ كوللىكتىپ دەرس تەييارلىقى بارلىققا كەلگەن بولسا بەك ياخشى بولاركەندۇق .

gulhan 2013-07-08 18:25 مەنمۇ ئۆزقاندەك  ئويلىغان.  ھىچ بولمىسا ھەر بىر دەرس نامى بېرىلسە، باشلاپ كىرىش ئۇسوللىرى ئوتتۇرغا قويۇلسا، دەرس لاھىيەسى يېزىلسا، تەپەككۈر، ئىزدىنىش سۇئاللىرى لاھىيلەنسە ، پايدىلىنىش ماتىرياللىرى بېرىلسە نەقەدەر ياخشى ئىش بولاتتى - ھە. ئاللا بويرىسا بۇنىمۇ باشلىۋالارمىز...

ئايبىكە 2013-07-08 19:13 تامچە سۇلار قۇشۇلۇپ دەريا بۇلۇر.تىرشساقلا ئۆلچەملىك تولۇقسىز تىل-ئەدەبىيات جەۋھەرلەر توپلىمى بارلىققا كېلىشى چوقۇم.

تىلداش 2013-07-08 19:40 مەندەك دەرس ئۆتمەيدىغان <<قېرىلار>> قوشۇلسا بولارمۇ مەنچە بولغاندا <<ئوقۇتۇش تىلسىنىدىن(گرامماتىكىسىدىن): ماس قەدەمدىكى تىل بىلىملىرى ۋە تىنىش بەلگىلىرىگە دائىر <كۆرسەتمە سوئاللىرى ۋە مەشىقلىرى>لىرى قىستۇرۇلسا تېخىمۇ مۇكەممەل بولارمىكىن دەيمەن...    جۇشقۇن ياشلىرىمىزنىڭ پەرزەنتلەر ئۈچۈن باسقان قەدەملىرىنىڭ مەدىتى بىلەن ئۆمىلەپ يۈرۈپ بولسىمۇ قاتنىشىشقا تىزىملاتتتۇق...   نىيەت-ئىقبالىڭلارغا بەركەتلەر ياغسۇن...

koksangun 2013-07-08 20:03 مەنمۇ ئۆزقاننىڭ پىكرىگە قوشۇلىمەن.

مەرىپەت0999 2013-07-10 10:31 مەنمۇ قوشۇلىمەن.ئورتاق تىرىشايلى!!!.........

nadiraay 2013-07-10 13:33 كۆپچىلىكنىڭ قوللاپ، قۇۋۋەتلىگىنىگە كۆپ رەھمەت.

گۈلزىبا 2013-07-10 13:35 دەرسلىك  كىتاب  ئۆزگىرەمدىكەن، ياقمۇ ؟ ئىنىق بىلىۋالساق بولاتتى .

تىلداش 2013-07-10 15:08 گۈلزىبا نىڭ دېگىنىنى مەنمۇ ئاڭلىغاندەك قىلغان.شۇڭا دەرسلىك كىتاب قاينىتىدىغان قازان بېشىغا يېقىراقلار بولسا، ئۇقۇشۇپ باقسا بولغۇدەك. بولمىسا، قىلغان ئەمگەك نەتىقىسى يىلىغا يەتمەيلا <شاگاڭ> بوپ كەتمىسۇن، يەنە.

mazargojam 2013-07-10 18:45 ياخشى تەكلىپ ئىكەن.ئۆز-ئارا ھەمكارلىشىپ،دەرسىڭلارنىڭ ئۆزلىشىش نىسبىتىنى يۇقۇرى ككتۈرۈڭلار.

nadiraay 2013-07-21 11:52 بىز ھازىرغىچە بۇرۇنقى دەرسلىكنى ئوقۇۋاتىمىز. شۇڭا بۇرۇنقى دەرسلىك بويىچە تەييارلىقنى باشلىماقچى. ھەممەيلەن قىزغىن قوللايمىز دەپتۇ-يۇ، ئەمما نەرگىزەدىن باشقا 7- يىللىققا دەرسكە كىرىدىغانلاردىن بىرەرسى مەنمۇ قاتنىشاي دەپ ئۆزىنى تېخىچە مەلۇم قىلمىدى. بوپتۇلا، مۇشۇ بىر قانچە كۈن ئىچىدە ئىش باشلاپ باقاي. ھەمكارلىشىشنى خالايدىغانلار قوشۇلۇپ قالار.

مېھرىبان 2013-08-01 14:54 7-يىللىق 1- مەۋسۈم 1- دەرس << سىزگە ئىشىك ئېچىلدى >> دىگەن دەرسنى <<پەرھات-شېرىن>> نى سۆزلەپ بېرىش ئارقىلىق باشلاپ كىرەيمىكىن،(ئابلىز ھەسەننىڭ ئوقۇتۇش ئۇسۇلىدىن ئۈلگە ئېلىپ) ،سىزچۇ؟

查看完整版本: [-- ھەمكارلىشايلىچۇ --] [-- top --]

Powered by PHPWind v7.3.2 Code © 2003-08 PHPWind
Gzip disabled

You can contact us