查看完整版本: [-- دوستۇمغا ........(ئوتقاشئەرقۇتى ) --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> دوستۇمغا ........(ئوتقاشئەرقۇتى ) [打印本页] 登录 -> 注册 -> 回复主题 -> 发表主题

ئوتقاشئەرقۇتى 2013-07-05 17:15 كۆزلىرىڭدىن ئاقمىسۇن ھەسرەت ، تەقدىر ھەر چاغ سىنايدۇ سېنى . مىڭ كۈلكىگە بىر يىغا ھەمرا، تۇرمۇش  تاۋلار سېنى ھەم  مېنى . بەش قول ئوخشاش كەلمەيدۇ ھەرگىز ، ھەربىر يىلنىڭمۇ باردۇر قىش يېزى . ئازاپلارنى يۇشۇر يۈرەككە ، پەلەكنىڭمۇ بار ئىمىش كۆزى . ئازاپلارغاھەمرا خۇشاللىق ، كىتەر ھەسرەت يىراققا نېرى . تەقدىم ئېتەي تەسەللى ساڭا ، ھەسرىتىڭنى  كۆرگەندىن بېرى . كۆرگۈم يوقتۇر سىنىڭ يىشىڭنى ، يەردە قالمىغاي «كۈڭۈل»لەر سۆزى ، چىن دوستلۇق ساڭا بەرسۇن قۇۋەت، نەملەنمىسۇن ئاشىقنىڭ كۆزى . ئوتقاشئەرقۇتى 2008-يىلى 5-ئاينىڭ 7-كۈنى شەھىرى لۈكچۈن

ئەكبەرنىياز 2013-07-05 17:21 ئېسىل لېرىكا بوپتۇ ، ھارما بۇرادەر ، ياشىسۇن ئىزچىللىق !!!

ئايبىكە 2013-07-05 19:37 «بولغىن ئۈمۈدۋار ،سۈرتكىن يىشىڭنى ، زىيانلا قىلماس  دوستۇڭنىڭ سۆزى ، پەقەت سەن ئۈچۈن قىلاي مەن خىتاپ ، ياشقا تولمىسۇن ئاشىقنىڭ كۆزى.» بەكمۇ ياقتۇردۇم.

تىلداش 2013-07-05 20:39 <<سىنى ،  مىنى ،كىتەر،يىشىڭنى، ئۈمۈدۋار>>لارنىڭ ئىملاسىنى<<سېنى، مېنى،كېتەر،يېشىڭنى،ئۈمىدۋار>> قىلىپ قايتا تەھرىرلەپ قويۇشقا بولارمۇ؟ مەنمۇ ئالدىنقى قېتىمقى بىرنەچچە يوللانمىدا بەزى سۆزلەرنىڭ ئىملادا خاتا كەتكىنىنى ھېس قىلغان بولساممۇ، <<تەھرىرلەش>>كۆزنىكى چەكمە قوبۇل قىلمىغاچقا شۇ پېتىچە قېلىۋىرىپ، ھازىرغىچە ئوڭايسىزلىق ھېس قىلماقتىمەن. مەزكۇر مۇنبىرىمىز مائارىپچىلارنى ئاساس قىلغاچقا، ئىمكان بولسا مۇشۇ ئىملادا بولسىمۇ، ئۆزئارا بىر بىرىمىزنىڭ ئىملادا كەتكۈزۈپ قويغان تەرەپلىرىمىزنى سەمىمىيلىك بىلەن ئەسكەرتىپ تۇرۇشساق، ياخشى ئىش بولغان بولاتتى. بولمىسا،<<ۋاي ئانا تىل! ئۇنداق ھۆرمەت قىلايلى، مۇنداق ئاسرايلى!!>>دەپ توۋلاۋېتىپ، ئۆزىمىزنى كاچاتلايدىغان ئىش بوپ قېلىۋاتىدۇ...   ئوتقاشئەرقۇتىنىڭ مەزكۇر ئەسىرى پىكىر جەھەتتە خېلى مۇكەممەللىككە ئىگە بوپتۇ.مۇئەللىپنىڭ ئىجادىيەت مېھنىتىگە بەركەتلەر تولغاي...     ئەسەرنى كۆرۈش جەريانىدا تۇراقلاردا مەسىلە باردەك ھېس قىلىپ قالدىم. يەنى، 1-كۇبلىتتىكىدەك4\5 بولۇشى كېرەكمۇ ياكى 2-كۇبلىتىكىدەك 5\5 بولۇشى كېرەكمۇ؟ مۇئەللىپ ياكى ئەكبەر نىياز ئەپەندىمدەك شائىرلىرىمىز بولامدۇ _كۆرۈپ باقسا بولغۇدەك. پېقىر ئازتولا نەزمىچىلىك قىلغىنىم بىلەن شېئىرىيەتتە مۇكەممەل ئەمەس. قىسقىسى، بىز شائىر ئەمەس، بەلكى نەزمىچى بولۇشىمىز مۈمكىن.شۇڭا مۇئەللىپنىڭ ئەۋزەيلىرىمنى كۆرۈپ، توغرا چۈشىنىشىنى سەمىمىي ئۈمىد قىلىمەن.

gulhan 2013-07-05 20:48 كۆزلىرىڭدىن ئاقمىسۇن ھەسرەت ، تەقدىر ھەر چاغ سىنايدۇ سېنى . مىڭ كۈلكىگە بىر يىغا ھەمرا، تۇرمۇش  تاۋلار سېنى ھەم  مېنى . بۇ مىسرالىرىڭىزنى ياقتۇردۇم.

ئەكبەرنىياز 2013-07-05 22:10 تىلداش قېرىندىشىمىزنىڭ دېگەنلىرى ئورۇنلۇق ئوتقاش بۇرادەر ! ئاۋۋال پۇرسەتنى ساڭا بېرەي ، ئەگەر ۋاقتىڭ قىس بولسا ئۆزۈملا تەھرىرلىۋەتسەممۇ بولىدۇ !؟

koksangun 2013-07-05 23:14 شېئىرىلىرىڭىزغا بەرىكەت ياغسۇن.

ئوتقاشئەرقۇتى 2013-07-06 09:49 تىلداشنىڭ تەكلىپ-پىكىرلىرىگە كۆپتىن- كۆپ رەھمەت !مۇنبەرداشلارمۇشۇنداق ئىلمي تەكلىپ -پىكىرلەرئارقىلىقلا ئۆزىنى يۈكسەلدۇرەلەيدۇ!

查看完整版本: [-- دوستۇمغا ........(ئوتقاشئەرقۇتى ) --] [-- top --]

Powered by PHPWind v7.3.2 Code © 2003-08 PHPWind
Gzip disabled

You can contact us