查看完整版本: [-- ئاچ قالغان تۇيغۇلار --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ئاچ قالغان تۇيغۇلار [打印本页] 登录 -> 注册 -> 回复主题 -> 发表主题

ablatmuhamma 2013-06-20 00:56 ئاچ قالغان تۇيغۇلار 1 كۈلكەمنىڭكۈلكىسى بولدى قار- بوران ، ماتەمگە چۆممەكتە شەھرى تۇران. قەۋمىمنىڭ قۇرتلىغان چىشى ساقىيار، ئېزىققان جانلارنى قىلسا تاش بوران . 2 سەتلەشكەن سەنئەتنىڭ شۆلگىيى باركەن ، رەڭلىرى كۆرۈمسىز، ھەركىتى مازكەن . ئەخلاق ئوچىقىدا ھۆل ئوتۇن كۆيەر ، ئېتىقاد چوققىسى تېخچە تازكەن . 3 ساۋاتسىز  يىڭناغۇچ ۋەتەنسىز كېلەر ، كور ۋىجدان بۇلغىنىپ نىجاسەت سۆيەر . سەتلەشكەن بۈگۈننىڭ  بەدەللىرىنى ، ئەقلى بۇلغانغان ئەۋلاتلار تۆلەر . 4 ئاي يۈزلۈك قىزلارنىڭ خۇلقى ئەخلاق ، ئانلار ۋۇجۇدى قۇرىماس بۇلاق  . چولپانلار يۈزىگە يېيلسا   سەپكۈن ، قىلىدۇ   چىرايلىق سۈبھىنى يىراق . 5 بىر دانە خىيالنىڭ ئۇرىقى دانسىز ، ئۇ تاقىر زەيلىكتە ئۆسىدۇ جانسىز . شاكاللار چاپلاشقان ھۆرمەت  ئىچرە، داتلاشقان قەھرىمان ياشايدۇ نامسىز . 6 غەيۋەت چىۋىنلىرى نازاكەت كېلەر ، قەۋىمنىڭ ئىپپىتىنى غاجىلاپ كۈلەر. ناتوغرا جىسمىنى سىن ئەينەك بىلىپ، ئەڭ ئالىي رەۋىشتە نىجاسەتنى يەر . 7 نىقابلىق نىشاننىڭ ئەگرى شېخى كۆپ ، ناتىۋان دولقۇننى تۇرىدۇ سۆكۈپ. چۈشەلگەن جىسمىغا  ئالماي تاھارەت ، مىڭ  شېشە «زەمزەم» نى قويىدۇ تۆكۈپ. 8 ۋەدىلەر قارا يۈز كەلسە بۇزىلار ، ئىشەنىچ ئېزىلىپ مەخپى سوزىلار . تەمىدىن كەتكەندە سۆيگۈ مېغىزى، بىتەلەي ياشايدۇ سەبىي قوزىلار . 9 پاينەكباش تۇرمۇشنىڭ غېمى تۈگىمەس ، سىغدالغان سايىدىن چىن ۋاپا كەلمەس . ساداقەت تىلىغا چۈشكەندە كۈيە . كۈلكىلەر چىرمىشىپ دىلنى سۆيەلمەس . 10 قىپ- قىزىل شەربەتنىڭ تەمى ناۋاتمۇ ؟ چاڭقىغان دوقمىشىم بۈگۈن ئاۋاتمۇ؟ قارايغان قەلىبنىڭ يىرتىلسا ئېغى  ، ئەيبىنى ياپماق تەس دائىم ياماپمۇ. 11 ئىشرەت  ئەۋجىدە جان ئۈزدى ۋاقىت ، سىلكىنگەن ئەجەلدىن بولمايمىز ۋاقىپ. بىر بىغەم داڭگالنىڭ ئىسكەنجىسىدە ، دۇنيانىڭ سىرىتىغا تۇرىمىز ساقىپ . 12 ئەنئەنەم ئاقىرىپ كەتتى تومۇزدا ، قارچۇقۇم قاتماقتا ئېزىتقۇ نۇردا . ۋىجدانىم يالاڭاچ كىردى سۈرەتكە ، بىر دانە ئاق رەڭلك سىپايە بوردا. ئاپتۇرى : ئا.مۇھەممەت باغۋەن

ئەكبەرنىياز 2013-06-20 10:07 رۇبائىيلارنىمۇ قالتىس يازىدىكەنسىز ، ھارماڭ بۇرادەر ، ياشىسۇن ئىزچىللىق !!! كىچىككىنە تەكلىپ : 1. بىر دانە خىيالنىڭ ئۇرىقى دانسىز ، ئۇ تاقىر زەيلىكتە ئۆسىدۇ جانسىز . شاكاللار چاپلاشقان ھۆرمەت  ئىچرە، داتلاشقان قەھرىمان ياشايدۇ نامسىز . بۇ كوبلىتنى مۇنداق ئوقۇپ باقتىم : بىر دانە خىيالنىڭ ئۇرىقى دانسىز ، «ناتۇنۇش» زەيلىكتە ئۆسىدۇ جانسىز . شاكاللار چاپلاشقان ھۆرمەت  ئىچىدە، داتلاشقان قەھرىمان ياشايدۇ نامسىز . 2. غەيۋەت چىۋىنلىرى نازاكەت كېلەر ، قەۋىمنىڭ ئىپپىتىنى غاجىلاپ كۈلەر. ناتوغرا جىسمىنى سىن ئەينەك بىلىپ، ئەڭ ئالىي رەۋىشتە نىجاسەتنى يەر . بۇ كوبلىتنى مۇنداق ئوقۇپ باقتىم : غەيۋەت چىۋىنلىرى ناز قىلىپ كېلەر ، قەۋمىمنىڭ ئىپپىتىنى غاجىلاپ كۈلەر. تەتۈر جىسمىنى سىن ئەينەك بىلىپ، ئەڭ ئالىي رەۋىشتە مەينەتنى سۈيەر . ھىسسىيات جەھەتتە ئورتاقلىشالماي قالغان جايلىرىم بولسا ئۆزرىلىكمەن !!! ۋەدىلەر قارا يۈز كەلسە بۇزىلار ، ئىشەنىچ ئېزىلىپ مەخپى سوزىلار . تەمىدىن كەتكەندە سۆيگۈ مېغىزى، بىتەلەي ياشايدۇ سەبىي قوزىلار . 9 پاينەكباش تۇرمۇشنىڭ غېمى تۈگىمەس ، سىغدالغان سايىدىن چىن ۋاپا كەلمەس . ساداقەت تىلىغا چۈشكەندە كۈيە . كۈلكىلەر چىرمىشىپ دىلنى سۆيەلمەس . 10 قىپ- قىزىل شەربەتنىڭ تەمى ناۋاتمۇ ؟ چاڭقىغان دوقمىشىم بۈگۈن ئاۋاتمۇ؟ قارايغان قەلىبنىڭ يىرتىلسا ئېغى  ، ئەيبىنى ياپماق تەس دائىم ياماپمۇ. 12. ئەنئەنەم ئاقىرىپ كەتتى تومۇزدا ، قارچۇقۇم قاتماقتا ئېزىتقۇ نۇردا . ۋىجدانىم يالاڭاچ كىردى سۈرەتكە ، بىر دانە ئاق رەڭلك سىپايە بوردا. بۇ 4كوبلىت بەكلا ياخشى چىقىپتۇ بۇرادەر !!!

nadiraay 2013-06-20 12:23 روبائىيلىرىڭىزدىكى چوڭقۇر مەنالار كىشىنى ياشاش ئۈستىدە ئويلاندۇرىدىكەن. ئەجرىڭىزگە تەشەككۈر.

ئەكبەرنىياز 2013-06-21 10:10 ئابلەت مۇئەللىم رەنجىپ قالمىغانسىز،- ھە ؟!

ablatmuhamma 2013-06-21 21:35 قەدىرلىك قېرىندىشىم ، سىزنىڭ  ھەربىر باھايىڭىزنى كۆرگىنىمدە قەلبىم ئېيتقۇسىز خۇشاللىققا چۆمىدۇ . ئەرزىمەس مىسرالىرىمنىڭ ئۆتكۈر قەلمىڭىزنىڭ بىسلىرى ئاستىدا تېخىمۇ پىششىقلىنىۋاتقانلىقىنى كۆرگىنىمدە مەسئۇلىيىتىمنىڭ بەكمۇ ئېىغىر ئىكەنلىكىنى ھېس قىلىمەن . راس گەپنى دىسەم ، مەن سىزگە ئوخشاش ئويغاق پىكىرلىك زىيالىيلارنىڭ تەنقىدىي پىكىرلىرگە موھتاج

ablatmuhamma 2013-06-21 21:37 سىزدىن رەنجىش ئەمەس ، زامان خىجالەتلىرىنىڭ ئىسكەنجىسىدە سوئاللىرىڭىزغا پەقەت دىلىمدا تەستىق سېلىۋاتىمەن . ئاللاھ دىدارلىشىشقا نىسىپ قىلغاي ....

uzqak 2013-06-21 21:40 «داتلاشقان قەھرىمان ياشايدۇ نامسىز .» بۇ مىسرا بەك ئۆزگىچىكەن. ..

ئايبىكە 2013-06-21 23:08 «ساۋاتسىز  يىڭناغۇچ ۋەتەنسىز كېلەر ، كور ۋىجدان بۇلغىنىپ نىجاسەت سۆيەر . سەتلەشكەن بۈگۈننىڭ  بەدەللىرىنى ، ئەقلى بۇلغانغان ئەۋلاتلار تۆلەر » ئاتا گۈل تېرىسا ،ئەۋلادىنىڭ باشىغا سانچىلۇر، ئاتا تىكەن تېرىسا،ئەۋلادىنىڭ پۇتىغا سانچىلۇر. ئەجدادلىرىمىزنىڭ قايسى گۇناھلىرىغا بىز ئەۋلادلار بەدىلىنى تۆلەۋاتقاندىمىز؟مۇقەررەركى ،بىزنىڭ ئەۋلاتلىرىمىز بىزگە تېخىمۇ ئېغىر گۇناھلارنى قۇيىدۇ.بەختى قارىلىق - مىللەتنىڭ تارىخىدىكى  بۇرۇلۇش نۇقتىسى،تېخىمۇ قەيسەر ،تېخىمۇ ئۈمىدۋار،تېخىمۇ تىرىشچان بۇلىشىدىكى ھەركەتلەندۈرگۈچ كۈچ،ياشاش مۇھىتىمىز بارغانسىرى مۇرەككەپلىشىۋاتقان بۈگۈنكى كۈندە بىز مائارىپچىلارنىڭ مەسئولىيىتى ھەم مەجبورىيىتىنىڭ ئىنتايىن ئېغىرلىقىنى ھېس قىلىپ قالىمەن.

گۈلچىمەن 2013-07-01 11:30     7-قەۋەت    ئايبىكەنىڭ  يازمىسىغا ئەجدادلىرىمىزنىڭ قايسى گۇناھلىرىغا بىز ئەۋلادلار بەدىلىنى تۆلەۋاتقاندىمىز؟   سەۋەبە  بەك  كوپ  ،  پەقەت  نىگىزلىك  بىرىنىلا دەپ  ئوتسەك،  كوپ  ساندىكى  ئاۋام  خەلق  ئوقۇشنى  سۆيمەيدۇ.قاراپ  باقساق ، ھازىر  ئوقۇش  يېشىدىكى بالىلارنىڭ  85٪ى بىكار  تەلەت  بولۇپ  لاغايلاپ  يۈرمەكتە.    مەكتەپلەرنى قوشۇۋېتىپ  ،سىنىپ  يېتىشمەسلىك سەۋەبىدىن  تېخىمۇ  كوپ  بالىلار  مەكتەپ  سىرتىدا  قېلىۋاتماقتا.

گۈلچىمەن 2013-07-01 13:06      ئىشرەت  ئەۋجىدە جان ئۈزدى ۋاقىت ،      سىلكىنگەن ئەجەلدىن بولمايمىز ۋاقىپ.      بىر بىغەم داڭگالنىڭ ئىسكەنجىسىدە ،      دۇنيانىڭ سىرىتىغا تۇرىمىز ساقىپ .      بۇ  مىسرالاردا  بىزنىڭ   ۋاقىتنى قەدىرلىمەيدىغان ،ئوقۇشقا  ئۆچ  ،ئويۇنخۇمارلىقىمىز  ، پەرۋاسىزلىقلېرىمىز  تۈپەيلىدىن  تارتىۋاتقان  خورلۇقلېرىمىز ئېنىق  ئېچىپ  بېرىلىپتۇ.

گۈلزىبا 2013-07-15 00:05 بارىكاللا مۇئەللىم ، ياخشى يازمىلار ئۈزۈلمىسۇن .

查看完整版本: [-- ئاچ قالغان تۇيغۇلار --] [-- top --]

Powered by PHPWind v7.3.2 Code © 2003-08 PHPWind
Gzip disabled

You can contact us