查看完整版本: [-- ئە.نىياز:ھىجرانلىرىڭ لىپمۇ-لىق دىلدا(شەكىللىك) --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ئە.نىياز:ھىجرانلىرىڭ لىپمۇ-لىق دىلدا(شەكىللىك) [打印本页] 登录 -> 注册 -> 回复主题 -> 发表主题

ئەكبەرنىياز 2013-06-19 19:03     ھىجرانلىرىڭ  لىپمۇ  –  لىق   دىلدا      سەن     قەلبىمدە      پارلىغان      قۇياش ...    قۇياش    چىقسا    سەھەر    ئۇپۇقتىن ،    تەلمۈرىدۇ    مىسكىن     ئۈمىدىم .         يوللىرىدا   ۋېسال   دەملەرنىڭ ،        ۋادەرىخا،بىررەت كۈلمىدىم .        سەن  كۆزۈمدىن  سىرغىپ   چىققان   ياش ...         شىۋىرلايدۇ كارىزسۇلىرى،                 يالقۇنتاغنىڭ دەردىنى بىلىپ.         نازىركومغا  دەسسەيدۇ   ھىجران ،     مەن   ئاشىقنىڭ  جېنىنى   ئېلىپ     سەن يۈرەككە ئېسىلغان  قاشتاش ...   تۈن   تىۋشى   كەلسە   باستۇرۇپ ،    دېمىق  ئارمان  يۇلتۇز  سانايدۇ .     ھىجرانلىرىڭ لىپمۇ-لىق دىلدا ،      ۋېسال ئىزدەپ كۆزۈم قانايدۇ . سەن   ھازىرىمدا   نىسى   قالغان   ئاش ...      سالام يېزىپ ئاينىڭ كۆكسىگە،    ئەۋەتمەكنى   ئەيلىدىم   خىيال . يەنە  جىمجىت   ئۆتسە  بۇ  كېچە ،   مەن   ئاشىققا   بولمامدۇ      ئۇۋال . سەن   ئەتەمگە     مۇقەددەس   ئالداش ...  2013-يىل 6-ئاينىڭ 19-كۈنى . لۈكچۈن . مەنبە : ئۆز ئىجادىيىتىم .

ئەكبەرنىياز 2013-06-19 19:27 ئەسلىسى :    ھىجرانلىرىڭ  لىپمۇ  –  لىق   دىلدا سەن قەلبىمدەپارلىغان قۇياش ...   قۇياش چىقسا سەھەر ئۇپۇقتىن ،   تەلمۈرىدۇ مىسكىن ئۈمىدىم .     يوللىرىدا ۋېسال دەملەرنىڭ ، ۋادەرىخا، بىررەت كۈلمىدىم .                                  سەن كۆزۈمدىن سىرغىپ چىققان ياش ... شىۋىرلايدۇ كارىز سۇلىرى،                                         يالقۇنتاغنىڭ دەردىنى بىلىپ. نازىركومغا دەسسەيدۇ ھىجران ،   مەن ئاشىقنىڭ جېنىنى ئېلىپ . سەن يۈرەككەئېسىلغان قاشتاش ... تۈن تىۋشى كەلسەباستۇرۇپ ، دېمىق ئارمان يۇلتۇزسانايدۇ . ھىجرانلىرىڭ لىپمۇ-لىق دىلدا ، ۋېسال ئىزدەپ كۆزۈم قانايدۇ . سەن ھازىرىمدا نىسى قالغان ئاش ... سالام يېزىپ ئاينىڭ كۆكسىگە، ئەۋەتمەكنى ئەيلىدىم خىيال . يەنە جىمجىت ئۆتسەبۇ كېچە ، مەن ئاشىققا بولمامدۇ ئۇۋال . سەن ئەتەمگەمۇقەددەس ئالداش ...

tursungul 2013-06-19 22:32 مۇبارەك ئۇستاز! بۇ لىرىكىڭىزمۇ شۇنداق ياخشى يېزىلىپتۇ.  بىر  نەچچە رەت ئوقۇپ چىقتىم.ئازاپ ئېڭى بەكلا يۇقۇرى...

ئۇيغۇر 2013-06-19 22:51    « ھىجرانلىرىڭ لىپمۇ-لىق دىلدا ،      ۋېسال ئىزدەپ كۆزۈم قانايدۇ .» شئېرىڭىزنىڭ جېنى بوپتۇ بۇ مىسرالار. قولىڭىزغا دەرت بەرمىسۇن. بۇگۇن بۇنى كۆرۇپ مۇنبەرگە كىرگىنىمدىن رازى بولدۇم...

gulhan 2013-06-19 22:55 مىسرالىرىڭىزدىكى تىنىپ قالغان ھىجراننى ئىپادىلگەن سۆزلەر بەكمۇ ياخشى تاللىنىپتۇ.  پىشۋاتقان قەلىمىڭىزگە ئاپرىن! تىخىمۇ بەركەت تىلەيمەن قەلىمىڭىزگە !

ئايبىكە 2013-06-19 23:02 خانىمىڭىز نېمە دېگەن بەختلىك،ھېسسىيات قايناملىرىدىن ئۇخچۇپ چىققان  ئارامبىەخش كۈيلىڭىز  ئىلكىدە ئەللەيلىنىپ تۇرىدۇ دائىملا.

ئەكبەرنىياز 2013-06-20 08:45 ئىلھام ۋە مەدەت بەرگىنىڭىزگە كۆپ رەھمەت تۇرسۇنگۈل ، ياشىسۇن قوللاش !!!

ئەكبەرنىياز 2013-06-20 08:46 كۆپ رەھمەت ئويغۇرجان ، سىزنى رازى قىلالىغىنىمدىن ئىنتايىن خۇشالمەن !!!

ئەكبەرنىياز 2013-06-20 08:50 كۆپ رەھمەت ھەدە ، ئۇزۇن بوپتىكەن مېڭىۋاتقان يولۇمدا ماڭالمىغىلى ، تاس قاپتىمەن دەيمەن ئىلھاملىرىمنى يۈتتۈرۈپ قويغىلى ! ھەر قايسىڭىزلاردەك ئۇستازلارنىڭ ئىلھام-مەدەتلىرى بىلەن يەنە ئەسلىمگە قايتقىلىۋاتىمەن مانا ! قىممەتلىك تەكلىپ - پىكىرلىرىڭىزنى ئايىماسلىقىڭىزنى ئۈمىد قىلىمەن ! ھەممىمىزگە ئىزچىللىق يار بولغاي !!!

ئەكبەرنىياز 2013-06-20 08:54 كۆپ رەھمەت ئايبېكە ، بەزىدە شۇنداق ئويلاپ قالىمەن ، ئەگەر خانىمىممۇ شىئېر يازالىغان بولسا ئۆزۈمنى نەقەدەر بەختلىك ھېس قىلاتتىم دەپ !!! ئەپسۇس ...

مەمەتسالى 2013-06-20 10:23 سەن قەلبىمدەپارلىغان قۇياش ... سەن كۆزۈمدىن سىرغىپ چىققان ياش ... سەن يۈرەككەئېسىلغان قاشتاش ... سەن ھازىرىمدا نىسى قالغان ئاش ... سەن ئەتەمگەمۇقەددەس ئالداش ... بۇ ئۇسۇلمۇ بولىدىكەن !

ئەكبەرنىياز 2013-06-20 10:30 ياقتۇرغىنىڭىزغا كۆپ رەھمەت !!!قىممەتلىك تەكلىپ-پىكىرلىرىڭىزنى ئايىمىغايسىز !!!

مەمەتسالى 2013-06-20 10:48 مۇڭلانغان كۆزگە ئوخشامدۇ -نىمە ؟

tursunjan 2013-06-20 12:16 تەشنالىق ئىلكىدە كۆيدۈم مەن ساڭا بىلمەيمەن ئۆزۈمنى شۇنىڭدىن بىرى، ئۆتىنـەي سۆيگۈمنـى قىلغـىـنا قوبـۇل يىشىلسۇن قەلبىمنىڭ كۆيگەن بۇسىرى. سىغىنىش ئوتـلىرى تىلـغانـدا دىلـنـى شۇقـەدەر يۈرۇكـۈم يىغـلايـدۇ تارام، خارلىما سۆيگۈمنىي بولما رەھىمسىز بىزار بـوپ تاشلـىما يولـلىسام سالام.

ئەكبەرنىياز 2013-06-20 12:36 ئەقىللىقكەنسىز بۇرادەر !مەنمۇ شۇنداقراق تەسەۋۋۇردا قەلەم تەۋرەتكەن ئىدىم ئەسلى !

ئەكبەرنىياز 2013-06-20 12:37 كۆپ رەھمەت ، بەك ياخشى ئەگىشىپسىز !!!

ئوتقاشئەرقۇتى 2013-06-21 00:47 تۈن تىۋشى كەلسەباستۇرۇپ ، دېمىق ئارمان يۇلتۇزسانايدۇ . ھىجرانلىرىڭ لىپمۇ-لىق دىلدا ، ۋېسال ئىزدەپ كۆزۈم قانايدۇ . بۇبىركوپلىتنى بەك ياقتۇردۇم!

ئەكبەرنىياز 2013-06-21 00:56 كۆپ رەھمەت بۇرادەر ، ساڭا يارىغان بولسىلا مەن شۇنىڭدىن خوش ! بىللە تىرىشايلى ، ھەممىمىزگە ئىزچىللىق ۋە مۇۋاپپىقىيەت يار بولغاي !!!

ak gul 2013-06-21 09:11 ئىلھاملىرىڭىزغا  قۇرىماس بۇلاقلار تىلەيمەن. تېخىمۇ بەرىكەتلىك بولۇپ،تېخىمۇ ئېسىل شېئىرلىرىڭىزدىن ھوزۇرلاندۇرغايسىز.بەكمۇ ياقتۇردۇم بۇ لېرىكىنى.

ئەكبەرنىياز 2013-06-21 10:03 كۆپ رەھمەت ئاق گۈل ، ھەر قايسىڭلاردەك كەسپداشلارنىڭ ئىلھام - مەدەتلىرىلا بولىدىكەن مەن چوقۇم تىرىشىمەن !!! ھەممىمىزگە ئىزچىللىق ۋە مۇۋاپپىقىيەت يار بولغاي !!!

تۆتتاش 2013-06-21 11:28 بۇرەدىرىم دەرتكە تۇلۇپ كەتكەن ھىجران مۇڭلىرىدىن مۇشۇنداق ئىسىل  نەزمىلەر چىقىدۇ. ئاپىرىن سىزگە داۋاملىق مۇشۇنداق ئىجادى تېمىللىرىڭىزنى كۆرسەم دەيمەن.

ئەكبەرنىياز 2013-06-21 11:44 رەھمەت قېرىندىشىم ، سىزنىڭ مەدەتلىرىڭىز مەن ئۈچۈن ئەڭ زور تەسەللىي !!!ياشىسۇن چۈشىنىش !!!

sebure 2013-06-21 14:01 ھىجرانلىرىڭ لىپمۇ-لىق دىلدا ،      ۋېسال ئىزدەپ كۆزۈم قانايدۇ . يېڭىچە تۇيغۇدىكى يېڭىچە پىكىر،يېڭىچە ھېسيات،ئىپادىلىنىشىمۇ ئۆزگىچە،مۇنبەرگە كىرمىگىلى ئۇزۇن بوپتۇ،ئۇستازنىڭ خاسلىقى ئىپادىلەنگەن بۇ نەزمىنى ئوقۇپ ھاردۇقۇممۇ چىققاندەك بولدى.كارىزدىن باشلانغان ئىلھاملار تەڭرىتاغقا ئۇلاشسۇن ئۇستاز.قەلىمىڭىزگە ئىزچىللىق تىلەيمەن.

ئەكبەرنىياز 2013-06-21 14:44 ئىلھام-مەدەتلىرىڭىزگە كۆپ رەھمەت ، بىللە تىرىشايلى ، مۇۋاپىقىيەت ۋە ئىزچىللىق ھەممىمىزگە يار بولغاي !!!

مېھمان 2013-06-22 01:47 ئاخىرقى كۇبلىتى بەك ياخشى چىقىپتۇ،بۇلۇپمۇ <سەن ئەتەمگەمۇقەددەس ئالداش> مانا بۇ مېسىرا پۈتۈن شېئىرغا تەم كىرگۈزۈپتۇ،ھارمىغايلا...!

ئەكبەرنىياز 2013-06-22 01:58 ياقتۇرغىنىڭىزغا كۆپ رەھمەت ! بىللە ئىلگىرلەيلى !!!

nawbar 2013-08-25 20:37 ئەسسەلامۇ ئەلەيكۇم .ئەكبەر نىياز ئەپەندىم . لىرىكىڭىزنى ئۇقۇپ ناھايتىمۇ تەسىرلەندىم ، ھەم بەخىت ۋە بەخىتسىزلىك ئوتۇرسىدىكى دوقمۇشتا تۇرۇپ خىيال ئىچىدە شۇلارنى  يېزىۋاتمەن . بەلكىم  خانىمىڭىزنىڭ شئېىر يازماسكىقى سىزنىڭ بەختىڭىزدۇر، چۇنكى مۇۋاپىقيەت قازانغان بىر ئەرنىڭ كەينىدە ئۇزىنى قۇربان قىلىۋاتقان مۇرۇۋەتلىك بىر خانىمنى، بىر ئانىنى ۋە بىر ۋاپادار ئايالنى  كورگەندەك بولدۇم ،

查看完整版本: [-- ئە.نىياز:ھىجرانلىرىڭ لىپمۇ-لىق دىلدا(شەكىللىك) --] [-- top --]

Powered by PHPWind v7.3.2 Code © 2003-08 PHPWind
Gzip disabled

You can contact us