| gulhan | 2013-06-06 17:49 |
|
سەن ۋە مەن گۈلخان تەقدىر سېنى ئۇت قىلىپ قويدى، مېنى پەرۋانە. سەن بىر ئوتقا ئايلىنىپ قالغان ئىدىڭ، مېنى كۆيدۈرۈش ئۈچۈنلا يارالغان. كۈيۈش سېنىڭ قانونيىتىڭ ئىدى.مېنى ھالاك قىلىشنى ئەسلا خالىماس ئىدىڭ. مەن بىر پەرۋانە بولدۇم ، پەقەت ساڭىلا كۈيىدىغان ،سەن ئۈچۈنلا يارالغان .ھالاك بولۇشۇمنى بىلىپ تۇرۇپمۇ بىئىختىيار ئۆزەمنى ئاتىدىغان. سېنى باغاشلاش ئۈچۈن قانات يېيىپ كەلگىنىمدە ، يالقۇنلىرىڭنى قاچۇرساڭمۇ مەندىن، ئىنتىزار بولۇپ قوينىڭغا ئاتتىم ئۆزەمنى. ئاھ، ئاتەش قوينىڭدا ۋۇجودۇم، ۋۇجودۇڭغا قۇشۇلۇپ كۆيدى چاراسلاپ. سەن نەرە تارتتىڭ، كۈيۋاتقان تېنىمگە چىدىيالماي يالقۇنلاپ.ئاچچىق تۇلغاندىڭ ئوت بولۇپ يارالغىنىڭدىن بۇ قىسمەتكە چىدىماي . غەزەپلەندىڭ ھەممىگە، غەزىپىڭدىن چاچىرتىپ ئۇچقۇن،كۆيدۈرمەكچى بولدۇڭ دۇنيانى . غەزەپ بىلەن ھۆكىرەپ ، ئاچچىقتا ئايلانغانتىڭ ئوت دىڭىزىغا. ئىلاھىي يامغۇر ياغدى تامچىلاپ. تامچىلاردىن خىسلەتلەر تاراپ بىز بىر-بىرىمىزگە سىڭىشىپ كۈلگە ئايلاندۇق ئۈمۈتكە ئىنتىلىپ. تامچىلاردىن سۈيۈنگەن كۈل بولغان ۋۇجودىمىز باھار چىللىدى ،چىلان رەڭ تۇپراققا ئايلىنىپ. باھار كەلگەندە بىخ سۈرۈپ چىقارمىز مايسا بولۇپ، ئەتراپقا سۆيگۈ چېچىپ. |
|
