查看完整版本: [-- ئۇنۋان ئالمايمەن --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ئۇنۋان ئالمايمەن [打印本页] 登录 -> 注册 -> 回复主题 -> 发表主题

2439431817 2013-05-30 00:13 بولدى، ئۇنۋان ئالمايمەن   ئۇنۋان سېنىڭ ، ئېلىۋال ! بولدى ،ئۇنۋان ئالمايمەن ، سەنلا ئېلىپ بېيىۋال ! بولدى، ئۇنۋان ئالمايمەن ، نىكاھلىنىپ تېگىۋال! بولدى ،ئۇنۋان ئالمايمەن، يۈرىكىڭگە تېڭىۋال ! بولدى ئۇنۋان ئالمايمەن ، راست گېپىم بۇ بىلىۋال! بولدى،ئۇنۋان ئالمايمەن . . يىگىرمە يىل ئۆتۈپتۇ تالاشقانغا يول قويۇپ ، يۈرمەپتىمەن بىراۋغا خوش-خوش ئېيتىپ دوڭغۇيۇپ ، توخۇ سويسام تەپمىدى ،ئالدى خەقلەر قوي سويۇپ ، ئالدى ھەتتا بەزىلەر ئاقچا قويۇپ - پۇل قويۇپ ، سەنمۇ دەرھال سېتىۋال ! بولدى ،ئۇنۋان ئالمايمەن . . سالالمايمەن داستىخان ،پاقلان ،قېتىق زاغرام يوق ، مەن بىر قوپال ئەركىشى ،سېنىڭكىدەك ياڭزام يوق ، ئۇتالمايمەن كۆڭۈلنى ،تولغان بەدەن -ساغرام يوق ، ئۈنسىز تۆھپە قوشىمەن ،چالىدىغان ناغرام يوق ، سەن ناغراڭنى چېلىۋال ! بولدى ،ئۇنۋان ئالمايمەن . . ئۇنۋان ئۈچۈن ساتمايمەن پەزىلەتنى-قىممەتنى ، تالىمايمەن ئىت كەبى ئۆز قەۋمىمنى -مىللەتنى ، كولىمايمەن ئۆزگىنىڭ يېغىرىنى -ئىللەتنى ، يېزىپ بېرەي پۈتمىسەڭ بەش مىنۇتتا ھۆججەتنى ، ئېلىپ ئابروي تېپىۋال! بولدى ،ئۇنۋان ئالمايمەن . . ئەۋلاد غېمى قىپقويدى مېنى خىزمەت تەلۋىسى ، ئۆتۈپ كەتتى شۇنچە يىل قىلماي نومۇر غەلۋىسى ، توشسا ئەمدى ئامال يوق يۈرىكىمنىڭ سەبرىسى، چۈنكى ، ئۇنۋان ساڭا باپ - سەن باشلىقنىڭ نەۋرىسى ، مۇرادىڭغا يېتىۋال ! بولدى، ئۇنۋان ئالمايمەن . . ماڭغان ھەر بىر ئىزىمدىن نىشان قالسا كۇپايە ، تۆككەن ئەجىر -تەرىمدىن ئەل نەپ ئالسا كۇپايە، بىر يۇتۇم داغ چاي بىلەن دوسقان سالسا كۇپايە ، شادلىنىپ ئۆز بەختىدىن سۇناي چالسا كۇپايە ، نېمە قىلساڭ قىلىۋال  ! بولدى ،ئۇنۋان ئالمايمەن . مەنبە :ئۆز قەلەم 2013-يىل 5-ئاينىڭ20-كۈنى     ئېلىۋال   ئالاھىدىن ئابدۇرېشىت ئۇنۋان دېمەك-پۇل دېمەك، قىلىپ ئامال، ئېلىۋال، قېيداپ يۈرمەي، كۆڭلۈڭنى قىلىپ خۇشال، ئېلىۋال، رەقىبىڭنى بوش قويماي قىلىپ ئوسال، ئېلىۋال، ئۆكتەملىكنى، زورلۇقنى قىلىپ قورال، ئېلىۋال، كېچە-كۈندۈز ئۇخلىماي قىلىپ خىيال ئېلىۋال. ئۇنۋان ساڭا كەلمەيدۇ تالاشقانغا يول قويساڭ، بولالمايسەن ئىتچىلىك، قاۋاشقانغا يول قويساڭ، باشلىق بىلەن يۇندىنى يالاشقانغا يول قويساڭ، دوڭغۇيۇشۇڭ بىھاجەت باشلىقىڭغا پۇل قويساڭ، نېمە قىلساڭ بوپتۇلا، قىلىپ دەرھال ئېلىۋال. سالالمىساڭ داستىخان، ئۇنۋان تۈگۈل پوقمۇ يوق، ۋىجدانىڭغا پەشۋا بار، خۇشامەتكە دوقمۇ يوق، ئۈمىد كۈتمە «بار» دىن سەن، ساڭا ھەتتا «يوق» مۇ يوق، ئۆلەي دېسەڭ نومۇستىن، يەنە بىكار ئوقمۇ يوق، ھارام ئالماي نەدە بار ساڭا ھالال، ئېلىۋال؟ بىلىپ قويغىن ئۇنۋان يوق تارتقان جاپا-جەۋرەڭگە، پەرۋا قىلماس ھېچكىشى قانائىتىڭ-سەۋرەڭگە، يامغۇرمۇ يوق تۆھپەڭگە يانتاق ئۈنسە قەۋرەڭگە، مىراس قالسۇن ئۇنۋانىڭ ئەۋلادىڭغا-نەۋرەڭگە، خالايىقنىڭ ئالدىدا سېلىپ تامبال ئېلىۋال! 2013-يىلى، 5-ئاينىڭ 21-كۈنى، يېڭىسار.

ئەكبەرنىياز 2013-05-30 12:16 نىمىدىگەن ئېسىل ساتىرا ! بەزى جايلاردا ئۈنۋان ئېلىش خوتۇن ئېلىشتىنمۇ تەس دەپ ئاڭلىغان ئىدىم ، راست ئوخشىمامدۇ !؟

eltugh 2013-05-30 23:43 نېمە دىگەن جايىغا چۈشكەن مىسرالاربۇ؟

سۈبھى 2013-05-31 01:03 بەك ئىسىل شېئىركەن.

tursungul 2013-06-03 10:02 شېئىرىڭىزنى ئوقۇپ قەۋەتلا سۆيۈنۈپ كەتتىم.پىكىر شۇنداق راۋان،مىسرالار  شۇنداق ئورۇنلۇق .سەھەردىلا كۆڭلۈمدىكىدەك بىر پارچە ئەسەر ئوقۇۋالغىنىمدىن  خوشالمەن.رەھمەت سىزگە! بىراق ز ىياليلىرىمىزدىكى قىيداش پىسخىكىسى  يامان ئەھۋال.قۇدۇقنى سىز قېزىپ  سۈيىنى ئىچەلمەسلىكىڭىز   نورماللىق ئىچىدىكى بىنورماللىق. يەنىلا ‹‹ئالىمەن›› دېيىشلىرىڭىزنى ئۈمىد قىلدىم.ئارمان يار بولسۇن سىزگە،ئۈمىدسىزلىككە شەيتان!

مەرىپەت0999 2013-06-04 12:56 جىنىم قىرىندىشىم،نىمانداق كۆڭلۈمدىكىنى تىپىۋالدىڭىز دەيمەن.نىسىپ بولسا بۇ نۆۋەت ،ئونۋان ئىمتىھانىغا 5-قىتىم تىزىملىتىپ ئىمتىھان بىرىمەن.بۇ قىتىملا ئالالمىسام سىزنىڭ مۇشۇ شىئېرىڭىزنى يىزىپ ،ئىشخانامغا رامكىغا ئىلىپ ئىسىپ قويىمەن-تازا!

گۈلزىبا 2013-06-04 13:51 دېمىسىمۇ مۇشۇ ئۇنۋاننى ئالماي تىخى چېدىغىلى بولمايدىغان ، ئېلىپ تىخى چېدىغىلى بولمايدىغان نەرسە جۇمۇ .

ibrahim 2013-06-13 14:42 ئارمان يار بولسۇن سىزگە،ئۈمىدسىزلىككە شەيتان!

خۇشناز 2013-06-18 20:26 ئۈمىدۋارلىق ھەممىمىزگە يار بولسۇن............ھازىرىقى قىزىق نۇقتىدە بۇ

ئەنۋەرچەرچەن 2013-06-21 23:39 خوتۇن دىگەننى ئۆزىڭىز تونۇشۇپ ياكى باشقىلار تونۇشتۇرۇپ ،پۇلىڭىز بولسىلا(بەك بولمىسا بانكىدىن قەرىز ئالىسىز)ئاللايسىز،لېكىن ئۇنۋاننى پۇلنى دەل ئىگىسىگە بېرەلمىسىڭىز ئالامايسىز.

uzqak 2013-06-21 23:50 پۇل كەلمىسىمۇ ئوقۇتقۇچىغا ئاۋام - خەلىقنىڭ بەرگەن  «ئۇنۋانى  » مۇھىم! بۇمۇ باش چۈكۈرۈپ ئىشلەپمۇ ، ئىگىلىپ سالام قىلالماي قېلىپ ،ئۇنۋان ئالالمىغاندا ئۆزىمىزگە تەسەللى بولىدىغان قالتىس گەپ! باھالاش ئۆلچىمىمۇ توغرا بولمىسا ئادەم بۇزىدىغان ئىشكەن بۇ. بەزىدە تىرناقچىلىق مەنپەتتىن ئۈتۈپ بولالماي قىيداپ يۈرۈپ ئادەم ئۆزىنىمۇ بۇزۇۋالىدۇ. ئەمىليەتتە قىلىۋاتقان ئىشىمىزنىڭ كىر كۆتۈرەلمەيدىغان ،ساپ ئىش ئىكەنلىكى بىلەن شۇ مەنپەتنى سېلىشتۇرساق  قىيداشنىڭ قىلچە زۆرۈريىتى يوق! شۇنداقتىمۇ ھەممىڭلارنىڭ ئىشلىگەنگە يارىشا ئۇنۋان ئېلىشىڭلارنى ئۈمىد قىلىمەن!

tutya 2013-06-21 23:58 ئۇنۋان ئىلىش ئەمىلىيەتتە قىيىن بىر مەسىلە..

ئەكبەرنىياز 2013-06-22 00:12 راست دەيسىز ، راست دەيسىز ! لېكىن خوتۇن ئالماقمۇ ئاسان ئەمەسكەن ! ھېلىمۇ دانا پارتىيىمىز بىر خوتۇن ئالساڭ بولدى ، دەپتىكەن قانونىدا ، ئىككى بولسىمۇ بولىدۇ دېگەن بولسا كارامەت شۇ يەردىكەن ... مىنىڭ « تۇرپاندا ھەممىدىن خوتۇن ئالماق تەس » ناملىق تېمامنى كۆرسىڭىز ، خوتۇن ئېلىشنىڭمۇ ئاسان ئەمەسلىكىنى چۈشىنىپ قالىسىز !

tawpek 2013-08-04 11:39 يەنىلا خوتەندە ئاسان ئوخشايدۇ. يىل چەكلىمىسى توشسا ،كومپىيۇتىر، خەنزۇتىلى دىگەنلەردىن كىنىشكا ئۆلچەمگە يەتسە.4-5 يۇزنى خەجلەپ ئىككى پارچە ماقالىڭىز چىقسا ئارخىپنى تەلەپ بويچە ئىشلەپ ئاپارسىڭىزلا چىقىدۇ. يانا ئىككى يىلدىن كىيىن ئالى ئۈنۋاننى ئىلىۋالسامغۇ 10 يىل ئىچىدە ھەممە ئۈنۋاننى ئىلىپ بولغان بولىدىكەنمە. ئازراق يولىڭىز بولسا خىزمەتكە چىقىپلا ئىككى-ئۈچ يىل ئىچىدە ئالى ئۈنۋاننى ئىلىپ بولالايسىز  بىزنىڭ شۇجىدەك.

akkax 2013-08-04 13:14   بىزنىڭ باشلىقلار نەچچە قېتىم سوراپ بولدى« ئۇنۋان ئالمامسەن؟ » دەپ. « ئوتى بار يەرنىڭ سۈيى يوق، سۈيى بار يەرنىڭ ئوتى يوق » دېگەن راست ئوخشايدۇ. مەن تېخى ئاپتۇرنىڭ يازمىسىنى ماڭا ئوخشايدىغانلارغا ئاتالغان ئوخشايدۇ، دېسەم ئۇنداق ئەمەسكەن.     شۇ ئۇنۋاننى ئېلىشنى ئەسلا ئويلىشىپ باقماپتىمەن.   « ئۆزۈڭ يېمىسەڭ غېمىڭنى، قاغا چوقۇر تېنىڭنى » دېگەن گەپكە ئەمەل قىلالمىغاننىڭ بىرىمەن .

查看完整版本: [-- ئۇنۋان ئالمايمەن --] [-- top --]

Powered by PHPWind v7.3.2 Code © 2003-08 PHPWind
Gzip disabled

You can contact us