|
مۇنبەر ئارزۇنى سېغىندى (سالامنامە)
ئە.نىياز سالام ئۇستاز ئاچىمىز قەيەرلەردە يۈرىسىز ؟
كىملەر بىلەن نىمىنى ئارزۇ قىلىپ تۇرىسىز ؟
سىز بولمىغاچ مۇنبەردە بەكلا غىرىبسىندۇق بىز ،
بىزنى تاشلاپ قەيەردە ، قانداق سۆھبەت قۇرىسىز ؟
ياخشى يازساق ماختاشتا ، ناچىرىنى ساۋاشتا ،
سىز ئۈندىگەن بىزلەرنى مۇكەممەللىك قاراشقا .
ئەجرىڭىزدىن مۇنبەر گۈل ، شىئېرىيەت گۆھەردى ،
تەلەپچان بوپ ھەر ۋاقىت ماھىردىڭىز تاللاشقا .
مۇكاپاتلار ئالغان بىز سەمرىپ ئىلھام يازمىدا ،
ئالتۇن -تۇچنى ئايرىغان پەقەت سىزلا قازمىدا .
بارمىقىڭىز تەيياردى ئەركەكلەرچە گەپ قىلساق ،
مانا ئەمدى سىزنىڭسىز شىئېر ئەھلى ھازىدا .
تېتىكتىڭىز ، شوختىڭىز شائىرلارغا مەشرەپتە ،
چاخچىقىڭىز ياقاتتى ھەر بىر ئىنكاس ، ھەر بەتتە .
كىچىكىگە كىچىكچە ، چوڭغا چاخچاق چوڭچىدى ،
مەشرەپلىرمىز سىزنىڭسىز بويۇن قىستى غۇربەتتە .
ئېيتىڭ ئۇستاز ئۆي غېمى يەلكىڭىزنى باستىمۇ ؟
ياكى تۇرمۇش بارمىقى تىنماي سىزنى قاستىمۇ ؟
سالامەتلىك يار بەرمەي ، دوختۇر ئاسما ئاستىمۇ ؟
ۋەيا مەكتەپ ئېغىر ئىش يۈكلەپ دارغا ئاستىمۇ ؟
كۆرۈنمەيسىز مۇنبەردە ، سىز ئاتامان تۇرۇقلۇق ،
شۇڭا ھەر بىر يازمىمىز ئۇسسۇغانغا قۇرۇقلۇق .
چەۋەندازغا ئات كېرەك بۇنى ئوبدان بىلىسىز ،
ئىشەنمەمسىز مۇنبەرنىڭ دىلىغا سىز ئويۇقلۇق ؟
سىز مۇنبەردە كۆرۈنمەي ، مۇنبەر ئاغرىپ قاپتۇدەك ،
تۆتتاش كۆڭلى بەك يېرىم ، كۆز يېشىدا ئاققۇدەك .
ئوتقاش سىزنى تاپالماي بىتاپ بولۇپ نەزمىدە ،
تىۋىبەمىز گۈلخانمۇ دورا يېزىپ باققۇدەك .
ياشار مۇدىر ئۇھسىنىپ چ چ توپتا دانىشقا ،
دېرىكىڭىز قىلىشقا ئۇزۇن مەكتۇب سۇنغۇدەك .
كۆكسانغۇن ھەم تەۋپىقمۇ سىزنى ئىزدەپ تاپالماي ،
تولا قاشلاپ بېشىنى تازچاق بولۇپ قاپتۇدەك .
ھە ،يېڭى گەپ ئاڭلىسام ئۆز قان ، ئۇزچاق ئىزدەپتۇ ،
ئاڭلاپ قويۇڭ ئارزۇ قىز يېقىنىڭىز بىز دەپتۇ .
بۇژغۇن بىلەن مەسلەتتە گۈلنار قۇشۇق تۆتىسى ،
ھەيۋە قىلىپ باغۋەنگە ئۇنى تاپقىن تېز دەپتۇ .
سىز بولمىغاچ مۇنبەردە ئارسلانمۇ مۈگدىدى ،
ئىلھام بېرىپ ئەقىدە مۇشتۇمىڭنى تۈگ دېدى .
ناتىۋانىم ئۆكسۈسە سىزسىز دىلى قاغجىراپ ،
ئاتەشقىزنىڭ يالقۇنى يەنە قىيناپ ئۈكلىدى .
پات-پات سوراپ قالىدۇ يېڭى كىرگەن «مېھمان»لار ،
شەبنەم ھەمدە گۈلزىبا يولىڭىزغا قارايدۇ .
نادىرە ئاي ، كۆكسۇلتان تەسەللىيدە ئۇلارغا ،
ئەمما ئىچى تىتىلداپ تاتلىق -تاتلىق قاغايدۇ .
ئۇنداق قىلماي ئارزۇخان قايتىپ كېلىڭ مۇنبەرگە ،
بېرىپ تېزراق خاتىمە ئۇلۇغ-ئۇششاق گەپلەرگە .
مۇنبەر سىزنى سېغىندى ، سېغىنمامسىز مۇنبەرنى ؟
قېنى ئىسسىق قولىڭىز قوشۇلمامسىز سەپلەرگە ! ؟
ئە.نىيازى يەتكۈزدى ئاغرىنىشلىق سالامنى ،
بولدى ئەمدى ھاي بېرىپ تۈگىتىمەن كالامنى .
ئالتىنچاينىڭ پاقىسدەك يەنە يوقاپ كەتسىڭىز ،
ئەۋەتىمەن ئىزدەشكە «ھەجۋىي» ئاتلىق بالامنى !
2013-يىل 24-ماي شەھىرى قومۇل . مەنبە : ئۆز ئىجادىيىتىم .
|
