查看完整版本: [-- ياتاق ۋە مەن---(زىيەك باخشى) --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ياتاق ۋە مەن---(زىيەك باخشى) [打印本页] 登录 -> 注册 -> 回复主题 -> 发表主题

زىيا 2012-12-10 20:54



ياتاق ۋە مەن


ياتاقتىكى ھەربىر بۇلۇڭ،
مەنىسىز تۇرار .ئۆز بوشلۇقىنى ئىگەللەپ.
سۈكۈتتە ئەمەس
توختاۋسىز رېتىم،
چېكىلدايدۇ تامچىغان سۇدەك.

مەن ...
يىراقلارغا كۆزسىز باقىمەن.
ۋۇجۇدۇم ياتاقتىن پارتىلاپ چىقتى،
سۇسىز شۇ كۆلدە چەكسىز لەيلەپ.
قانچە شۇڭغۇپمۇ ھىچ كىرەلمىدىم.
بولدىلا...
بولدى قايتاي قەدىم دەرياغا،
كارىۋىتىمنى قىلىپ مەن قېيىق.
تور كەبى كىرلىكىمدە،
تۇتاي دەيمەن ئەڭ يوغان بېلىق .

2007-يىل

ئەكبەرنىياز 2012-12-11 02:14
بەك ياخشى چىقىپتۇ ، بولۇپمۇ :

بولدى قايتاي قەدىم دەرياغا،
كارىۋىتىمنى قىلىپ مەن قېيىق.
تور كەبى كىرلىكىمدە،
تۇتاي دەيمەن ئەڭ يوغان بېلىق .

دېگەن مىسرالىرىڭىز بەك ياخشى چىقىپتۇ . ھارمىغايسىز !!!
كىچىككىنە تەكلىپ :

چېكىلدايدۇ تامچىغان سۇدەك.

مەقسىدىڭىزنى چۈشەندىم ، ئەمما چىكىلدايدۇ دېگەن سۆزنى ئېلىشىڭىز سەل جايىغا چۈشمىگەنمۇ قانداق ؟ ئويلىشىپ باقارسىز !!!

2439431817 2012-12-11 10:48
يوشۇرۇن مەزمۇننى بەك ياخشى ئىپادە قىپسىز. رەھمەت سىزگە ! ئىجادىيىتىڭىزگە ئۇتۇق تىلەيمەن!

ئۇيغۇرجان 2012-12-11 22:02
ياخشى................... داۋاملىق مۇشۇنداق ياخشى تىمىلار بىلەن تەمىن ئەتكەيسىز.

زىيا 2012-12-12 00:46
نەقىل
引用第1楼ئەكبەرنىياز于2012-12-11 02:14发表的 :
بەك ياخشى چىقىپتۇ ، بولۇپمۇ :

بولدى قايتاي قەدىم دەرياغا،
كارىۋىتىمنى قىلىپ مەن قېيىق.
تور كەبى كىرلىكىمدە،
.......

رەھمەت، ماڭىمۇ بىر ئاز كەلمىگەندەك تۇيۇلغان، ۋاقىتنىڭ بىر تىمىمدىن بىر تىمىمدىن ئىنتايىن ئاستا ئۆتۋاتقانلىقىنى ئىپادىلىمەكچى ئىدىم ئەينى چاغدا...ھازىر قارىسام سۆز تاللاشقا دىققەت قىلماپتىمەن... تەكلىپ پىكىرلىرىڭىزنى ئايىمىغايسىز..

ئەكبەرنىياز 2012-12-12 01:14
مەقسىدىمنى چۈشەنگىنىڭىزدىن خۇرسەنمەن ، يەنىمۇ تىرىشايلى ، مۇكەممەللىك ياشىسۇن !!!ئورتاقلىق ياشىسۇن !!!

arzu 2012-12-14 23:54
ۋاقىت بىر تېمىم، بىر تېمىمدىن ئۆتەمۇ يا بىر دەقىقە، بىر دەقىقىدىن ئۆتەمۇ؟

ئىشقىلىپ ياخشى يېزىپسىز. ئەكبەر مۇئەللىم ھەم ئۆزىڭىز دېگەندەك سۆز تاللاشقا تېخىمۇ ئەھمىيەت بەرسىڭىز بولغۇدەك.

زىيا 2012-12-15 14:46
ۋاقىتنىڭ بىر دەقىقە بىر دەقىقىدىن ئۆتۈشى ئىنسانلارنىڭ  ئۆلچىمى بويىچە ئىلىپ بىرىلغان. بەلكىم ئۆلچەمنى بىر تىمىم بىر تىمىم قىلغان بولساق شۇ پىتى ئوخشاش ئۆتىۋىرەر بولغىيىتتى، ياكى بىر سىقىم بىر سىقىم قىلساقمۇ، بىر چامدام بىر چامدام قىلساقمۇ، ھەتتا بىر تال بىر تال قىلساقمۇ بولىۋىرىدۇ، بولۇپمۇ شېئىرى مەنتىقىدە بۇ تامامەن ئۇيغۇن دەپ ئويلايمەن.
نۇرغۇن نەرسىلەر قىلىپقا چۈشۈپ قالغانلىقى ئۈچۈنلا سۈنئىيلىشىپ كىتىدۇ.

ak gul 2012-12-15 15:23
ئىجادىيەتلىرىڭىز نەتىجىلىك بولسۇن!

تۆتتاش 2012-12-15 15:34
شېئىر ياخشى چىقىپتۇ.مەن بەكلا ياقتۇردۇم.

凶蛇 2012-12-15 17:35
ياتاقتىكى ھەر بىر بۇلۇڭغا،
مەنا بىرىڭ بوشلۇق قىسقارتىپ.
چەكلەش بىرىپ ھەممە رېتىمغا،
توينى قىلىڭ مىھمان قىچقارتىپ.

لەيلەپ يۇرمەي سۇسىز شۇ كۆلدە،
ئېقىن بويلاپ مېڭىڭ ئاستىلا.
قايتىپ كەتمەي قەدىم دەرياغا،
بېلىق تۇتۇڭ تىزدىن غاچچىلا.

قېيىق بۇلۇپ كەتمىسۇن كارۋات،
كىرلىكىڭىز قالسۇن تېچ -ئامان.
يوغان بېلىق بەلكىم شۇتاپتا،
ئاللىياققا بوپ كەتتى راۋان.
.........................................
شېئىرىڭىزدىن سۈيۈنۈپ ئىككى ئېغىز چاقچاق قىلىپ قويدۇم ،ئەيىبكە بۇيرىمايسىز. ئىجادىيىتىڭىزگە بەركەت،ئىشلىرىڭىزنىڭ ئۇڭۇشلۇق بۇلىشىغا نۇسرەت تىلەيمەن.

زىيا 2012-12-15 17:43
قەبېھ يىلانغا:
ياخشى تىلەكلەر تىلىگىنىڭىزگە رەھمەت، شېئىرى چاقچاقلىرىڭىز ئۈزۈلۈپ قالمىغاي!

tumar406 2013-07-21 18:42
ياخشى تىما.

tawpek 2013-08-04 11:13
ھەقىقەتەن ياخشى يىزىلغانكەن، قەبىھ يىلاننىڭمۇ ئوبدان كەپتۇ.

ئىسىل لىرىكىللىرىڭىزنى تەۋپىقداشلاردىن ئايىمىغايسىز.

akkax 2013-08-04 13:22
سىقىلغان يۈرەك ھەرقاچان پارتىلاشنى ئىستەيدۇ . پارتىلىغان ھامان يا شېئىر چىقىدۇ ياكى ئىنقىلاب، ياكى تەلۋىلىك .
  باخشى بولغاندىكىن ئەڭ قالتىس پېرە چىقامدىكىن دېسەم ، مەلۇم چوڭقۇرلۇقتا ئۈزۈپ يۈرۈشنى تاللىۋالغىنى.


查看完整版本: [-- ياتاق ۋە مەن---(زىيەك باخشى) --] [-- top --]


Powered by PHPWind v7.3.2 Code © 2003-08 PHPWind
Gzip disabled

You can contact us