查看完整版本: [-- ئۇزچاقنىڭ كۈندىلىك خاتىرسى 18 --]

تەۋپىق مۇنبىرى -> نەسىرى ئەسەرلەر -> ئۇزچاقنىڭ كۈندىلىك خاتىرسى 18 [打印本页] 登录 -> 注册 -> 回复主题 -> 发表主题

uzqak 2012-08-07 11:17
ئۇزچاقنىڭ كۈندىلىك خاتىرسى 18

2012 –يىلى 7 – ئاينىڭ 22- كۈنىدىكى  دەرس باشلىنىشتىن ئىلگىركى تەجىرنە تۇنۇشتۇرۇشنى ئەسلەپ ئولتۇرۇپتىمەن. 7 – ئوتتۇرا ( 9 يىللىق تۈزۈمدىكى مەكتەپ )مەكتەپنىڭ تىل –ئەدەبىيات ئوقۇتقۇچىسى ئاينۇرەنىڭ كىچىك پئېل ، سەمىيمى ھالىتى كۆز ئالدىمدىن يالت قىلىپ ئۆتتى .

شۇ ۋاقتتا ئۇ پىشقەدەم  ئوقۇتقۇچىلارنىڭ ئالدىدا مەن تەجىربە تۇنۇشتۇرۇشقا لايىق ئەمەس دەپ تۇرۇۋالدى . لېكىن مەنمۇ گەپ بەرمىدىم ؛« بىرەر ئادەمنىڭ ئىلگىرلىشىدە بەزىدە سەھنىلا كەم بولۇپ قالىدۇ .كىم بىلىدۇ بۈگۈنكى بۇ سەھنە، سىزنى تېخىمۇ چوڭ سەھنىلەرگە باشلاپ قۇيامدۇ ؟ ئۆزىڭىزنى بىر سىناپ كۆرۈڭ .ئەتىگىچە ياخشى تەييارلىق قېلىڭ – ھە؟ » ئۇنى مۇشۇنداق ئىلھاملاندۇرۇپ قويدۇم .

ئەتىسى پىلانىمىز بويىچە ئۇنى مۇنبەرگە تەكلىپ قىلدىم . ئۇنىڭ ئورنىغا بېرىپ ئولتاردىم .

ئۇ سۆزىنى باشلىدى .

-      بۈگۈنكى پۇرسەتتە چوڭلارغا بىزنى مۇشۇ كۈنلەرگە ئېرىشتۈرۈش ،باشلاپ كېلىش جەريانىدا رىيازەت چەككەن ، پىشقەدەملەرگە ئالىي ئېھتىرام بىلدۈرىمەن .

سەنئەتلىك  ۋە سىپايە تازىمدىن ،ھەممەيلەن ئىختىيارسىزلا چاۋاك سوقۇشۇپ كەتتى.

-مەندە تەجىربە يوق .ئىشلىگەنلىرىمنى ، ئويلىغانلىرىمنى سۆزلەپ باقماقچىمەن . «كىمدۇر بىرى ماختىغان سۆزىڭىز بولمىسىمۇ ، قوللاش نىيىتىڭىزنىڭ بارلىقىغا ئىشىنىمەن دەپتىكەن » كۆپچىلىكنىڭ قوللايدىغانلىقىغا ئىشىنىمەن . (چاۋاك )

بىرنەچچە يىل بىرىنچى يىللىققا دەرس بەردىم . باشلانغۇچنىڭ بىرىنچى يىللىقىدىكى ساۋاد چىقىرىشنىڭ تەسلىكىنى بىلىمەن . 8 يىللىق خىزمەت تارىخىمدا بىرنەچچە قېتىم دەرس ئۆتۈش مۇسابىقىلىرىگە قاتنىشىپتىمەن .بۇ جەرياندا  دەرس ئۆتۈش مۇسابىقىسى بىر ئوقۇتقۇچىنى تاۋلاشتا كەم بولسا بولمايدىكەن دەپ ئويلىدىم .شۇڭا ياشلارنىڭ دەرسىنى كۆپرەك تىڭشاپ باھالاپ تۇرۇش، ياشلارمۇ بۇ ئىشقا ماسلىشىشى زۆرۈركەن دەپ ئويلىدىم .
مەكتەپلەر قۇشۇۋېتىلگەندىن كېيىن ئانا تىلدا ئۆتىلىدىغان بىر قىسىم دەرسلەرنى ئاڭلاش ،باھالاش سۇزلىشىپ كەتتى . بۇمۇ ئوقۇتقۇچىنىڭ تەرەقىياتىغا  پايدىسىزمىكىن دەپ ئويلىدىم . يەنى كېلىپ مەكتەپنىڭ خەنزۇ تىلىدا ئۆتكىزىلىدىغان پائالىيەتلىرىنى تولۇقلاش خارەكتىرلىك خاسلىقنى ئىپادىلەيدىغان ،ئوقۇغۇچىلار تەرەقىياتىغا پايدىلىق پائالىيەتلەرنىڭ ئازلاپ كېتىشىنىمۇ پات – پات ئويلاپ قالىمەن. شۇنداق قېلىپ ما مەۋسۈمدە« شېئىريەت باغچىسىدىن شىرنە يىغىش » تېمىسىدىكى ئونۋېرسال پائالىيەتنى ئوقۇتۇش تەتقىقات گۇرۇپىسىدىكى ۋە مۇناسىۋەتلىك رەھپەرلەرنى چاقىرىپ كەڭ – كۆلەمدە ئۆتكىزىپ بېقىشقا تەييارلىق قىلدىم .ئالدى بىلەن دەرس ئۆلچىمىگە بىرلەشتۈرۈپ بۇ قېتىمقى ئونۋېرسال پائالىيەتنىڭ ئوقۇتۇش نىشانىنى بەلگىلەپ چىقتىم . شۇ قېتىم دەرس ئۆلچىمىنى كۆرۈش جەريانىدا بۇ ئۆلچەمنى قايتا – قايتا كۆرۈشنىڭ دەرسخانىدا ئادىشىپ قالماسلىققا ئاساس سالىدىغان ئاساسلىق ئامىللىقىنى ھېس قىلدىم .ئوقۇش ، يېزىش ، سۆزلەش، ھۇزۇرلىنىش، ئويلاش دېگەندەك كۆپ خىل ئامىللار بىرلىككە كەلگەن پائالىيەتنى لايىھىلەش، بىر تېمىغا ماسلاشقان ئىدىيۋىلىكى كۈچلۈك دەرسنى يارتىش خىلى مۇرەككەپ جەريانكەن.  ئاتاقلىق شائىرلارنىڭ شېئىرلىرىنى يادلاش، ئۇلارغا سالام خەت، ياكى يۈرەك سۆزىنى يېزىش ، تېز سۈرئەتتە جۈملە تۈزۈش ، رەسىملىرىنى يىغىش دېگەندەك تۈرلەردىن باشقا ئۇلارغا ئاتالغان مەدىھيە قۇرلىرىنى تېپىپ ئۈلگە ئۈچۈن ئوقۇغۇچىلارنىڭ قولىغا تارقىتىپ بەردىم . كۆرۈپ باقمىغان يازغۇچى ،شائىرلىرىمىزنى تەسەۋۇر قىلىپ سىزىپ بېقىشقا بەردىم .شېئىر توغۇرسىدا ئىپىزوت يېزىپ ئورۇنلاشقا تاپشۇردۇم . بۇ جەريانلارغا سۆزلەش ئۈچۈن ئىككى مىنوتمۇ ۋاقت كەتمىدى ،لېكىن تەييارلىق جەريانى خېلى مۇرەككەپكەن . رىياسەتچىلەرنى تاللاپ بولۇپ بارلىق ئورۇنلاشتۇرۇشلار تۈگۈدى . باشلىقلارنى تەكلىپ قىلىپ بۇ قېتىمقى پائالىيەتنى خېلى داغ- داغۇلۇق ئۆتكۈزدۇق . ئوقۇغۇچىلارنىڭ ياخشى ئىشلىگەن گېزىت ،سىزغان  رەسىم قاتارلىقلىرىنى سىنىپ تاملىرىغا چاپلىۋەتتۇق . شۇ قېتىمقى پائالىيەتتىن كېيىن سىنىپ ئىچىدە خېلى جانلىنىش كۆرۈندى . مەكتەپ باشلىقلىرىمۇ بۇ ھەركىتىمنى قوللىدى . ... بۇ قېتىمقى پائالىيەتتە مېنى ئەڭ ھەيران قالدۇرغىنى ئوقۇغۇچىلار تەسەۋۇرىغا ئاساسەن سىزغان رەسىملەرنىڭ ھەممىسى بەكلا ياخشى چىقىپتۇ . تەسەۋۇرىدىكى يازغۇچىلارغا ئۇلار چىرايلىق دوپپىلارنى كىيگۈزۈپ . ناھايىتى گەۋدىلىك سىزىپتۇ . .. گەرچە بۇ كىچىك ئىشتەك قىلسىمۇ ئۇلارنىڭ شۇ يازغۇچى ، شائىرلارنى ھۆرمەتلەش تۇيغۇسى ئىپادىلىنىدىكەن.....بۇ قېتىمقى پائالىيەتتىن كېيىن ،

ئادەم ئۆز ئىدىيەسىنى شەكىللەندۈرۈپ ئۇنى دەرسخانە بىلەن  بىرلەشتۈرۈش بەكلا تەسكەن ، شۇڭا مۇستەقىل ئوقۇتۇش ئىدىيەسى شەكىللەنگەن كىشلىرىمىزنىڭ تەشۋىقاتلىرىغا، قارارلىرىغا ، يېتەكلىشىگە ھۆرمەت قىلىش ئۇلارنى قوللاش مۇھىمكەن  دېگەن خۇلاسىگە كەلدىم .

 ئونۋېرسال پائالىيەت توغۇرلۇق بۇ قىسقىغىنە تەجىربە تۇنۇشتۇرۇش  ئىچىدە دەرسكە تەييارلىق قىلىش بىلەن دەر لايىھىسىنىڭ مۇناسىۋىتى، مەكتەپ رەھپەرلىكىنىڭ خىزمەتتىكى كەمچىلىكلىرىنى تولۇقلاشقا ياردەم بېرىش ئۇسۇلى ، كىيىنكى ئوقۇغۇچىلارنىڭ ئىشلەكلىرىنى قانداق باھالاش ئۇسۇلى ، قۇشۇۋېتىلگەن مەكتەپلەردە ئوقۇغۇچىلارنىڭ خاسلىقىنى قانداق يېتىلدۈرۈش ھەققىدىكى ھەسلەپكى ئويلار دېگەندەك نۇرغۇن مەزمونلار گىرەلىشىپ كەتكەن ئىدى .

ئاينۇرەنى قىزغىن ئالقىشلار بىلەن مۇنبەردىن ئۇزاتتۇق . ئىشىنىمەنكى بۇ قېتىمقى ئالقىش ئۇنى تېخىمۇ يېڭى بولغان مەنزىللەرگە ئۇزۇتىدۇ .

 يېزىپ مۇشۇ يەرگە كەلگەندە ئاندۈشۈكۈر مۇھەممەدئىمىننىڭ «كاككۇكنامە » ناملىق ئەسىرىدىكى  مۇنۇ قۇرلارنى ئەسلەپ قالدىم . «گۈلگە مەپتۇن بولساڭ ئۇنى ئۆز پايىسىدىن جۇدا قىلما. گۈزەللىككە مەپتۇن بولساڭ ، ئۇنىڭ ئىختىراچىلىرىنى ئاسرا! »  بىز پەرزەنتلەرگە ، بالىلارغا ، ئوقۇغۇچىلارغا مەپتۇن .ئۇلارنى ئۆز پايىسىدىن ئايرىپ قويماسلىق مەجبۇريىتىمىز. ئەۋلادنى ،ئەۋلادقا تۇتاشتۇرۇپ ئەمگىكىمىزدىن گۈزەللىك ياراتقۇچىلار ، بىز ئۆزئارا ئاسراشقا مۇھتاج! بۇ قۇرلار بىلەن شۇ كۈنى دەرسخانىدا دېگەنلىرىم بىرلىشىپ كەتتى .

 كەسىپداشلىق تەغدىرداشلىق ، بۇ تەغدىرداشلىقنىڭ ئىچىدە بىر -بىرىمىزگە ئۆتەشكە تىگىشلىك مەجبۇريەت بار. سورۇنلاردا ، يىغىلىشلاردا كەسىپدىشىڭىزنىڭ ياخشىلىقلىرىنى تارتىنماي سۆزلەڭ! ئوقۇتقۇچىلارنى ھۆرمەتلەش ۋە مائارىپنى سۆيۈشنى تىنماي تەشۋىق قىلىڭ ! بۇ بىر بىرىمىزنىڭ ئۈستىدىكى ھەققىمىز!

ئەمىن رەيھانى ؛«بەخىتسىزلىكتىكى تەسەللى ۋە تەسەللىدىكى بەختسىزلىك » ناملىق ئەسىرىدىن  مۇنداق قۇرلارنى ئوقۇغان ئىدىم  ؛« ئەقىل بىلەن چىن كۆڭۈلدىن قىلغان ياخشىلىق ئەڭ ياخشى ۋە ئەڭ گۈزەلدۇر » « ماڭا قانداقلا بولمىسۇن تاماق بەرسەڭ مەن يەپ قويىمەن. ئەمما بىر پەستىن كېيىن يەنە شۇ بايىقىدەكلا، ياخشىلىققا ئېرشىشتىن ئاۋالقىدەكلا بولۇپ قالىمەن.(ئىدىيەمدە يېڭىلىنىش بولمايدۇ )ئەمما سەن ماڭا گۈزەل ۋە يۈكسەك پىكىرنى بەرسەڭ  –  ئۇ مېنىڭ قەلبىم ۋە ئەقلىمگە سېڭىپ ،مېنىڭ جىنىم بىلەن بىر بولۇپ قوشۇلۇپ ،مېنىڭدىن دەۋىرلەرگە مىراس بولۇپ ئۆتىدۇ. ھەر بىر ئىنسانپەرۋەرلىك كۈچىدە يەنى مەنىۋى ۋە روھى كۈچتە ، ساپ ۋە ھەقىقىي  ياخشىلىقنىڭ زەررىسى بار. » بىر چىنە تاماقنى بېرىش بىلەن شۇ تاماقنى قانداق ئېتىشنى ئۆگىتىشنىڭ ئارلىقى قانچىلىك؟ بىرى تەييار نەرسىلەرگە ئىنتىلدۈرىدۇ . بىرى  يېڭى نەرسىلەرنى ھازىرلايدۇ . ئوقۇغۇچىلارغا ھەقىيقى ياخشىلىق قىلىمىز دەيدىكەنمىز ئۇلارغا ئۆگىنىش ئۇسۇلىنى ئۆگىتىشىمىز ،ياشاشنىڭ قانۇنيەتلىرىنى ئۆگىتىشىمىز، ئېڭىنى ئويغۇتىشىمىز  كېرەك ! پەقەت مۇشۇ نىشانلا  ئوقۇتقۇچىنىڭ روھىدىكى ساپ ۋە ھەقىيقى ياخشىلىقنىڭ زەرىچىسىنى تېخىمۇ نۇرلاندۇرىدۇ! ....

tawpek 2012-08-07 11:47
18-سىنىمۇ ئوقوۋالدۇق مانا.

نىمىدىگەن ئىلغار قاراشلار، ئۇزچاق مۇئەللىمنىلا شۇنداق مائارىپ سۆيەر ئوخشايدۇ دىسەك ئۇ تەرەپتىكىلەرنىڭ ھەممىسى شۇنداق ئوتتەك قىزغىنمۇ نىمە.

بىزدە ئۇنداق تەھلىللەردە تىخى ھازىرغىچە باشقىلارغا بىر ئىستاكاننى بىرىش ئۈچۈن بىر چىلەك، بىر قۇدۇق، دەريا...........بىلىم بولوش كىرەك دىگننى تالىشىپ.

ozqan 2012-08-07 14:48
كەسىپداشلىق تەغدىرداشلىق ، بۇ تەغدىرداشلىقنىڭ ئىچىدە بىر -بىرىمىزگە ئۆتەشكە تىگىشلىك مەجبۇريەت بار. سورۇنلاردا ، يىغىلىشلاردا كەسىپدىشىڭىزنىڭ ياخشىلىقلىرىنى تارتىنماي سۆزلەڭ! ئوقۇتقۇچىلارنى ھۆرمەتلەش ۋە مائارىپنى سۆيۈشنى تىنماي تەشۋىق قىلىڭ ! بۇ بىر بىرىمىزنىڭ ئۈستىدىكى ھەققىمىز!

..................................................................
  
   بۇ قۇرلارنى بەكمۇ ياقتۇردۇم . ئۇزچاق بىلەن كەسىپداش ، تەقدىرداش بولۇۋاتقانلار ئۇنىڭ ئۆز مەجبۇريىتىنى ئادا قىلىش جەريانىنى كۆرۈپ مېڭىۋاتىدۇ ھەم ئۇنىڭدىن ئۈلگە ئېلىۋاتىدۇ . ئۇ ئۆز مەجبۇريىتىنى كۆڭۈلدىكىدەك ئادا قىلىۋاتىدۇ . كەسپداشلىرىنىڭ ياخشىلىقىنى تىنماي سۆزلەۋاتىدۇ . ئۆزى ئارقىلىق ئەتراپىدىكى كەسىپداشلىرىنى شۇنداقلا « تەۋپىق» تىكى كەسىپداشلىرىنى زەرەتلەۋاتىدۇ .

تەشۋىق قىلساق ، ئەتراپىمىزدا جىمجىت ئېقىندەك  تىنىمسىز ھالدا قاقاسلىقلارغا سىڭىپ ، بالىلارنىڭ روھىنى سۇغۇرۋاتقان ، ئەزەلدىن ئۆزىنىڭ  جاپالىرىدىن چۇقان سالمايدىغان ، زارلانمايدىغان ، ئاغرىمايدىغان ، ئۆز كەسپىنى سۈكۈت ئىچىدە قىزغىن سۆيۈپ ، تىنىمسىز ئىزدىنىۋاتقان نۇرغۇن ئوقۇتقۇچى بار . ئۇلار ھەقىقەتەنمۇ ئاز ئەمەس . بالىلىرىمىز ئەنە شۇلار بىلەن بەختلىك ، ئاتا-ئانىلار ئەنە شۇلار بىلەن خاتىرجەم .. .

راست :بالىلىرىمىزنى ، كەسپىمىزنى چىن ئىخلاس ، ئەقىدىمىز بىلەن سۆيەيلى ھەم شۇنداق قىلىشنى  ئۇزچاقتەك ئەمەلىي مىساللار ، ئەمەلىي ئۈلگىلەر ئارقىلىق ئەمەلگە ئاشۇرايلى .

ھارمىغايسىز  ، ئۇزچاق ...

uzqak 2012-08-07 14:56
ئۆزقان سىزنىمۇ سېغىندۇق. .. سالامەت بولۇڭ! داۋاملىق تەربىيىدىكى خاتىرلەرنى تېزراق يېزىۋەتمىسەم ،مەكتەپمۇ ئېچىلىپ قالغۇدەك ... شۇڭا سەل ئالدىراپ قالدىم ... مەزمون قايتىلانغان ياكى ئەھمىيەتسىز بىلىنگەن يەرلىرى بولسا تەنقىدى پىكىر بېرىشىڭلارنى ئۈمىد قىلىمەن!

turkinaz0992 2012-08-07 16:27
نەقىل
引用第2楼ozqan于2012-08-07 14:48发表的 :
كەسىپداشلىق تەغدىرداشلىق ، بۇ تەغدىرداشلىقنىڭ ئىچىدە بىر -بىرىمىزگە ئۆتەشكە تىگىشلىك مەجبۇريەت بار. سورۇنلاردا ، يىغىلىشلاردا كەسىپدىشىڭىزنىڭ ياخشىلىقلىرىنى تارتىنماي سۆزلەڭ! ئوقۇتقۇچىلارنى ھۆرمەتلەش ۋە مائارىپنى سۆيۈشنى تىنماي تەشۋىق قىلىڭ ! بۇ بىر بىرىمىزنىڭ ئۈستىدىكى ھەققىمىز!

..................................................................
  
   بۇ قۇرلارنى بەكمۇ ياقتۇردۇم . ئۇزچاق بىلەن كەسىپداش ، تەقدىرداش بولۇۋاتقانلار ئۇنىڭ ئۆز مەجبۇريىتىنى ئادا قىلىش جەريانىنى كۆرۈپ مېڭىۋاتىدۇ ھەم ئۇنىڭدىن ئۈلگە ئېلىۋاتىدۇ . ئۇ ئۆز مەجبۇريىتىنى كۆڭۈلدىكىدەك ئادا قىلىۋاتىدۇ . كەسپداشلىرىنىڭ ياخشىلىقىنى تىنماي سۆزلەۋاتىدۇ . ئۆزى ئارقىلىق ئەتراپىدىكى كەسىپداشلىرىنى شۇنداقلا « تەۋپىق» تىكى كەسىپداشلىرىنى زەرەتلەۋاتىدۇ .
.......



مەنمۇ يۇقىرىقىدەك ئۈمىدتىمەن ،  ئۇزچاق ، خاتىرىلىرىڭىزنىڭ ئىخلاسمەن ئوقۇغۇچىسى بولۇپ قالدۇق . شۇ تاپتا مېنىڭمۇ ئەشۇ سۆھبەتلەرگە نەق مەيداندا قاتنىشىپ ھەمسۆھبەت بولغۇم  كېلىپ كەتتى ............

tawpek 2012-08-08 17:15
داۋاملىق تەربىيەنىڭ ئوقوتقۇچىللىرىنى تەربىيلىسىمۇ بوپتىكەن ئۇزچاق ھەممىنى ئاپتۇنۇمغا يىغىپ.

تەبىيلەشتىكى تەسىراتلارنى تولوق ئوقوپ مىڭىپ تەربىيلىنىشكە مەنمۇ قاتناشقاندەك بوپ كەتتىم.

gulhan 2012-08-11 01:27
  يەنە بىر قىممەتلىك قاراشلار بىلەن تولغان خاتىرىڭىزنى ئۇقۇغىنىمدىن بەختىيارمەن.
مۇنبەرداش بولۇپ زەررەتلىنىش پۇرسىتىگە ئېرىشكىنىمدىن خۇشالمەن.

tawpek 2012-08-11 01:37
ماۋسۇم باشلانسا بۇ تېمىللىرىڭىزنىڭ ئەمەلى ئۈنىمىنى ھەركىتىمىزدە كۆرىمىزغۇ دەيمەن.

ak gul 2012-08-15 11:07
ئۇزچاقنىڭ بۇ خاتىرىلىرى تەۋپىقداشلار ئۈچۈن ياخشى بىر ئۈزلۈكسىز تەربىيە پۇرسىتى يارىتىپ بېرىۋاتىدۇ.تەپەككۇرغا باي،ئۆتكۈر پىكىرلىرىڭىزگە كۆز تەگمىسۇن!

tawpek 2012-08-15 11:14
كۆزگە ھەربىر چىلىقسا بىر كۆرىدىغان تېما بوپ كەتتى بۇ

رەيھانگۇل 2012-11-04 04:46
نەقىل: ئادەم ئۆز ئىدىيەسىنى شەكىللەندۈرۈپ ئۇنى دەرسخانە بىلەن  بىرلەشتۈرۈش بەكلا تەسكەن ، شۇڭا مۇستەقىل ئوقۇتۇش ئىدىيەسى شەكىللەنگەن كىشلىرىمىزنىڭ تەشۋىقاتلىرىغا، قارارلىرىغا ، يېتەكلىشىگە ھۆرمەت قىلىش ئۇلارنى قوللاش مۇھىمكەن  دېگەن خۇلاسىگە كەلدىم

 

ئىدىيەنى ھەرىكەتكە ئايلاندۇرۇش بەك تەس. يۈكسەك غايە،  كۈچلۈك ئىرادە، زور تىرىشچانلىق، قان-تەر، ئەجىر، ۋاقىت سەرىپ قىلغان كىشىلا بۇ مەقسەتكە يىتەلەيدۇ.

رەيھانگۇل 2012-11-04 04:56
 كەسىپداشلىق تەغدىرداشلىق ، بۇ تەغدىرداشلىقنىڭ ئىچىدە بىر -بىرىمىزگە ئۆتەشكە تىگىشلىك مەجبۇريەت بار. سورۇنلاردا ، يىغىلىشلاردا كەسىپدىشىڭىزنىڭ ياخشىلىقلىرىنى تارتىنماي سۆزلەڭ! ئوقۇتقۇچىلارنى ھۆرمەتلەش ۋە مائارىپنى سۆيۈشنى تىنماي تەشۋىق قىلىڭ ! بۇ بىر بىرىمىزنىڭ ئۈستىدىكى ھەققىمىز!

 

بۈگۈنكى دەۋىر تەرەققىياتىنىڭ يەنە بىر «مېۋىسى» بولغان ياتلىشش، كارى بولماسلىق، كۆرەلمەسلىك، ھەسەتخورلۇق، بىر-بىرىنىڭ پىينى قىرقىش، تاماششاسىنى كۆرۇش، ئۆزنىڭ مەسئۇليەت، مەجبۇرىيتىنى ئونتۇش قاتارلىقلارنى ئۆزىگە «ئۇزۇق» قىلۋالغانلارغا  يۇقارىقى جۈملىنى يوغان لوزۇنكا قىلىپ، مەكتەپنىڭ كۆزگە ئەڭ چىلىقىپ تۇردىغان چوڭ تامغا ئېسىپ قۇيغۇم كېلىۋاتىدۇ...

رەيھانگۇل 2012-11-04 04:59
ئەمىن رەيھانى ؛«بەخىتسىزلىكتىكى تەسەللى ۋە تەسەللىدىكى بەختسىزلىك » ناملىق ئەسىرىدىن  مۇنداق قۇرلارنى ئوقۇغان ئىدىم  ؛« ئەقىل بىلەن چىن كۆڭۈلدىن قىلغان ياخشىلىق ئەڭ ياخشى ۋە ئەڭ گۈزەلدۇر » « ماڭا قانداقلا بولمىسۇن تاماق بەرسەڭ مەن يەپ قويىمەن. ئەمما بىر پەستىن كېيىن يەنە شۇ بايىقىدەكلا، ياخشىلىققا ئېرشىشتىن ئاۋالقىدەكلا بولۇپ قالىمەن.(ئىدىيەمدە يېڭىلىنىش بولمايدۇ )ئەمما سەن ماڭا گۈزەل ۋە يۈكسەك پىكىرنى بەرسەڭ  –  ئۇ مېنىڭ قەلبىم ۋە ئەقلىمگە سېڭىپ ،مېنىڭ جىنىم بىلەن بىر بولۇپ قوشۇلۇپ ،مېنىڭدىن دەۋىرلەرگە مىراس بولۇپ ئۆتىدۇ. ھەر بىر ئىنسانپەرۋەرلىك كۈچىدە يەنى مەنىۋى ۋە روھى كۈچتە ، ساپ ۋە ھەقىقىي  ياخشىلىقنىڭ زەررىسى بار. » بىر چىنە تاماقنى بېرىش بىلەن شۇ تاماقنى قانداق ئېتىشنى ئۆگىتىشنىڭ ئارلىقى قانچىلىك؟ بىرى تەييار نەرسىلەرگە ئىنتىلدۈرىدۇ . بىرى  يېڭى نەرسىلەرنى ھازىرلايدۇ . ئوقۇغۇچىلارغا ھەقىيقى ياخشىلىق قىلىمىز دەيدىكەنمىز ئۇلارغا ئۆگىنىش ئۇسۇلىنى ئۆگىتىشىمىز ،ياشاشنىڭ قانۇنيەتلىرىنى ئۆگىتىشىمىز، ئېڭىنى ئويغۇتىشىمىز  كېرەك ! پەقەت مۇشۇ نىشانلا  ئوقۇتقۇچىنىڭ روھىدىكى ساپ ۋە ھەقىيقى ياخشىلىقنىڭ زەرىچىسىنى تېخىمۇ نۇرلاندۇرىدۇ! ....

 

دەل ئۇزچاق مۇئەللىمگە ماس كېلىدىغان گەپ. يەنى  ئۇ بىزنى ئەمەلىي ھەركىتى بىلەن يىتەكلەپ، ئۈلگە بولۇپ كېلىۋاتىدۇ...

tawpek 2013-08-05 00:06
سورۇنلاردا ، يىغىلىشلاردا كەسىپدىشىڭىزنىڭ ياخشىلىقلىرىنى تارتىنماي سۆزلەڭ! ئوقۇتقۇچىلارنى ھۆرمەتلەش ۋە مائارىپنى سۆيۈشنى تىنماي تەشۋىق قىلىڭ ! بۇ بىر بىرىمىزنىڭ ئۈستىدىكى ھەققىمىز!



يۇقارقى ئاددى ھەم ئۇلۇغۋار روھ بىلەن ئالدى بىلەن ئوقوتقۇچىلارنىڭ جەمىيەتتىكى ئوبرازىنى يۇقىرى كۆتۆرۆش ھەقىقەتەن زۆرۆر.

بىر يىلدىن كىيىنكى بۈگۈنكى كۈندىمۇ قايتا ئوقوپ ئۈتمۈشنى ئەسلەشمۇ بىر ھۇزۇركەن.

ئەنۋەرچەرچەن 2013-08-05 21:44
قىممەتلىك،ئۆتكۈر پىكىرلىك خاتىرىڭىزنى ئوقۇغىنىمدىن خۇشالمەن.


查看完整版本: [-- ئۇزچاقنىڭ كۈندىلىك خاتىرسى 18 --] [-- top --]


Powered by PHPWind v7.3.2 Code © 2003-08 PHPWind
Gzip disabled

You can contact us