| danix | 2012-06-28 10:51 |
|
مۇئەللىم ئويلاپ بېقىڭ (1 ) ( دانىش) "ئا ... ئا ...ئانا " ، " ئا...ئا ... ئاتا" دەپ تىلىڭىزنىڭ چىققىنى ، " ئا ... ئا ...ئا "دەپ ساۋادىڭىزنىڭ چىققىنى يادىڭىزدىمۇ ، مۇئەللىم ؟ يەنە نېمە دەپ نېمىڭىز چىققاندۇ ؟ئاتا – ئانىڭىز سىزنىڭ تىلىڭىزنى چىقارغان بولسا ، مۇئەللىمىڭىز سىزنىڭ ساۋادىڭىزنى چىقارغان . ئاتا – ئانىڭىز سىزگە ئەدەپ ئەخلاقنى ئۈگەتكەن بولسا ، مۇئەللىمىڭىز سىزنى ئەجدادلاردىن تەۋەرۈك قالغان مەدەنىيەتلەر جۇغلانمىسى بولغان كىتادبلارنى ئوقۇش ئىقتىدارىغا ئىگە قىلغان . شۇڭىمىكىن سىز ئايال مۇئەلىمەلەرنى بەزىدە "ئانا "دەپ سالسىڭىز ، ئەر مۇئەللىملەرنى " ئاتا " دەپ قوياتتىڭىز . بۇنى سىز ئالماشتۇرۇپ قويۇش سەۋەنلىكى دەپ قارامسىز ؟ مېنىڭچە بۇ ئاللانىڭ دىلىڭىزغا شۇنداق دېيىشنى سالغانلىقىدىن بولغان . ئاللا سىزگە شۇنداق دېگۈزۈش ئارقىلىق سىز ئۈچۈن مۇئەللىمنىڭ ئاتا- ئانىڭىزغا ئوخشاشلا ئۇلۇغ ئىكەنلىكىنى ئىپادىلىگەن ! مۇئەللىم ، ساۋادىڭىز چىقىپ بولا – بولمايلا مەھەلىڭىزدىكى تايتاڭلاپ يۈرگەن ئوماقلارنى رەت- رەت ئولتۇرغۇزۇپ ، ئۇلارغا ئاتىڭىز ياساپ بەرگەن قارا تاختايغا " ئا"نى يېزىپ ئوقۇتقىنىڭز يادىڭىزدا بارمۇ ؟ " چوڭ بولغاندا نېمە ئىش قىلىسەن ؟ " دېسە ، قىلچە دۇدۇقلىماي " مۇئەللىم بولىمەن !" دېگىنىڭىزچۇ ؟ چۈشىڭىزدىمۇ " سىز ئوقۇڭە ، ھە سىز ئوقۇڭە " دەپ كەتكەنلىرىڭىزچۇ تېخى ؟ ئالىي مەكتەپ ئىمتىھانىنى تۈگىتىپ ، << ئارزۇ تولدۇرۇش >> قوللانمىسىنى قولىڭىزغا ئالغىنىڭزدا باشقا كەسپلەرگە ئائىت شۇنداق ئوبدان مەكتەپ ۋە تۈرلەرگە كۆز قىرىڭىزنىمۇ سېلىپ قويماي ، ئەڭ ئالدى بىلەن ئوقۇتقۇچىلىق كەسپىگە ئائىت مەكتەپ ۋە تۈرلەرنى تاللاپ تولدۇرغىنىڭىز يادىڭىزدا باردۇ – ھە ؟ ئالىي مەكتەپنى پۈتتۈرۈپ ئوقۇتقۇچىلىققا قەدەم قويغىنىڭىزدا ، شۇ سەبىي چاغلىرىڭىزدا دىلىڭىزغا پۈككەن ئارزۇنىڭ ئەمەلگە ئاشقانلىقىدىن شادلىنىپ ، سەكرەپ كەتكىنىڭىز يادىڭىزدا باردۇ – ھە ؟ سىزنىڭ شۇ سەبىي چاغلىرىڭىزدىن تارتىپ دىلىڭىزغا پۈككەن شۇ ئۇلۇغۋار ئارزۇيىڭىز ئازغىنە قىيىنچىلىق ۋە قىيداش سەۋەبىدىن يوقۇلۇشقا يۈزلىنىدىغان مۇشۇنچىلىكلا ئارزۇمىدى ؟ مۇئەللىم بىر ئويلاپ بېقىڭ .  |
|