ئەمەل بار
بىر باشلىقنىڭ بايانى
(كىتاپ ئوقۇش خاتىرىسى )


مىنى ئەمدى خار كۆرمە ،مەندە ھازىر   ئەمەل  بار ،
بىر كويچەنگە زار  كۆرمە ،پۇل  تىپىشقا  ئامال    بار .

كونا دوست  دەپ  تەمەدە ، «چاقچاق»  قىلما   ھەرگىزمۇ ،
ئوخشىمايمەن مەن ساڭا ،مەندە  ھازىر  ئەمەل  بار .

سورۇن ماڭ كام ئەمەس ،  كونا   دوستۇم   سەنسىزمۇ ،
«نامرات »سۇرۇن يۇقالسۇن ،مەندە  ھازىر  ئەمەل   بار.

قوي باقماستىن گۆش يەيمەن، قىز كام ئەمەس يارسىزمۇ،
ئوخشىمايمەن مەن ساڭا، چۈنكى مەندە  ئەمەل  بار .

باشلىقلارنى   كۆرگەندە  ،مەنمۇ  سەندەك  ھالسىزمۇ؟
توغرا چۈشەن مىنىمۇ ، چۈنكى  مەندە   ئەمەل   بار .

گىدىيىمەن  ئالدىڭدا ،  بۇرۇنقى   ئىش    يادىمدا ،
خار- زارچىلىق يۇقالسۇن، ھازىر  مەندە ئەمەل بار .

خار بولساممۇ بەش ئوندىن ،ئەزىزدۇرمەن تۆت بەشتىن،
مەن ياشايمەن ئۈمىدۋار ،ھازىر  مەندە ئەمەل بار .

مۇئاشىمغۇ  تايىنلىق ،پۇل  كەم  ئەمەس   لازىملىق ،
قۇرو- دۇكان ئاز ئەمەس، چۈنكى  مەندە  ئەمەل بار .

ھارام -ھالال ئارمىدىم ،راھەت سۈرۈپ ھارمىدىم ،
مەنمۇ بىر چاغ ياشايمەن ،مەندە ھازىر ئەمەل بار .

ھەق ناھەقتىن خەۋەر يوق ،پارا بىلەن قۇرساق توق .
كۈندە «ئوقەت»بار ھازىر ،چۈنكى  مەندە  ئەمەل بار .

كەسپىمنىمۇ تاشلىدىم ،كامالەتكە يەتكەچكە ،
ئالدىراشمەن ،كۆپ چىپىپ ،چۈنكى مەندە ئەمەل بار.




ئوتقاش ئەرقۇتى 2012-يىلى 6-ئاينىڭ 26-كۈنى
مەنبە: ئىجادىيەت