| تۆتتاش |
2012-06-27 11:12 |
سۆزلەپ يۈر
تىكەن
دوقمۇشلاردا يېنېپ تۇرغان چىراقتەك،
گۇۋاھ بولدى تۇرمۇشۇمغا ئىس-تۈتەك.
شورپىلاردەك قىزىق قايناق جېدەللار،
بوي سۇندۇردى مىنى قىلىپ پاي-پېتەك.
تۇيغۇن بولۇپ چاپچىپ تۇرغان ھەۋەسلەر،
قېچىپ كەتتى كۆز يېشىمغا قارىماي.
قۇلۇم تىترەپ كېكەچ بولدى قەلەملەر،
ئىجادىيەت باغلىرىداسايرىماي.
ئويناپ تۇرغان كۆز قارچۇقۇم يوقالدى،
شىرىن سۆھبەت داستىخىنىم يىرتىلدى.
نىكاھ بولدى، بۈگۈن ماڭا زىنداندەك،
شىر يۈرەكتىم، تاپانلىرىم قايرىلدى.
ماڭماي ئەمدى تىكەنلىك شۇ تۇرمۇشتا،
ئاسمىنىمنى ئاستا يىرتىپ بۆك قىلىپ.
كىيىۋېلىپ مەشرەپلەردە مەيلىم بار،
يارىشىملىق ئەتلەسلەرنى گۈل بىلىپ.
چۈكۈپ كەتسەم پاتقاقلارغا ،قۇلۇمنى،
تۇتالمىسا،يۇرۇتمىسا يۇلۇمنى؟.
چولپان كەبى چاقناپ تۇرغان قەلبىمنى،
ئىتىۋالسا نۇرغا تەشنا گۈلۈمنى.
ھامىلدارچە كۈندە ماڭا بۇ تۇرمۇش،
تۇغۇپ قويدى پەرىشانلىق قىسمەتلەر.
ھەمساناقتا پەيمانىمدۇر پارتىلاش،
بۇ تىنىمگە كەلمىسە شۇم كېسەللەر.
كۈمۈپ قويدۇم ئەقىدىلىك كۈڭۈلنى،
نەچچە مىڭ يىل چاقناپ تۇرغاچ تۇرۇپ تۇر.
بىر كۈنلەردە ئەۋرىلەر يا چەۋرىلەر،
پەرھات بۇلۇپ <<شىرىن>>لارغا سۆزلەپ يۈر.
توقسۇ
2012.6.26 |
|
