查看完整版本: [-- گۈلخاننامە1 --]

تەۋپىق مۇنبىرى -> نەسىرى ئەسەرلەر -> گۈلخاننامە1 [打印本页] 登录 -> 注册 -> 回复主题 -> 发表主题

gulhan 2012-06-20 22:19
گۈلخاننامە 1

     2011-يىلىق 25- ئاۋغۇسىتتىكى مەن مۇنبەردىكى يىڭى باھارىمنى باشلىدىم. ھەر قىتىم 7-يىللىقا قۇبۇل قىلىنغان ئۇماق ئوقۇغۇچىلارنى كۆرگەندە، مەندە ئۇقۇتقۇچىنىڭ يىڭى باھارى باشلانغاندەك ھاياجان تويغۇسى باشلىنىدۇ. مانا كۆز ئالدىمدا مەن مەسئول بولغان قوش تىللىق 7-يىللىق 8-سىنىپتا باش باھاردىكى نوتىلارنى ئەسلىتىدىغان قاپقارا كۆزلىرىنى ھۈرمەت بىلەن تىكىپ، مەندىن نۇرغۇن ئۈمۈتلەرنى كۈتۋاتقان بىر-بىرىدىن چىچەنلىكى چىقىپ تۇرغان  37 نەپەر ئوقۇغۇچۇم، ئانا قۇش ئاغزىغا تەلمۈرگەن قۇش بالىلىرىدەك ماڭا تەلمۈرۈپ ئولتۇرماقتا.
ئۇلارنى بىر تەرەپتىن كۈزەتكەچ، بىر تەرەپتىن ئۇلار بىلەن تۇنۇشتۇم. بۇ جەرياندا ئۇلارنىڭ ئىسىمى بىلەن بىللە چىرايىدىكى ئالاھىدىلىكنىمۇ قوشۇپ تۇتۋىلىشقا كۈچىدىم . ئۇلارغا  « مەن سىلەرنىڭ مەكتەپتىكى ئاناڭلار ، ھەرقاچان قانداقلا ئىش بولىشىدىن قەتئىنەزەر مىنى ئىزدەڭلار. سىلەر مىنىڭ ئەڭ ياخشى كۆرىدىغان  بالىلىرىم...» دىگەن ئىكەنمەن ئۇلارنىڭ ئىسىمنى ئەڭ تىز سۈرئەتتە تۇتۋىلىشىم كېرەك. نەدىمۇ ئانا بالىلىرىنىڭ ئىسىمنى ئالماشتۇرۇپ چاقىرسۇن؟ نەدىمۇ  ھەي كۈك چاپان ، كەينىدە ئولتۇرغىنى دىسۇن؟...
بۇ باغچامغا قويۇلغان سورتلۇق كۈچەتلەرنى پەرۋىش قىلىپ يىتىشتۈرۈش مىنىڭ ۋەزىپەم ئىدى.3يىلدىن كىيىنكى ئۇلارنىڭ مىيۋە بېرىش پەسلى مىنىڭ لاياقەتلىك باغۋەن ياكى ئەمەسلىكىمگە ئەڭ توغرا باھا بېرەتتى.  مەن بۇنىڭ ئۈچۈن ئۈزۈكسىز ھالىدا ھېرىپ چارچاشنى ئۇنتۇپ ئۇلارغا مېھرىمنى بېرىشىم كېرەك.
بۇ يىڭى ئوقۇغۇچىلىرىمدىن دىلىم بەكمۇ سۈيۈنۈپ كەتتى.كۆز ئالدىمدا 17 نەپەر ئوغۇل، 20 نەپەر قىز ئولتۇراتتى.  (ھازىرغىچە  تاللانغان سىنىپ دىسە قىزلارنىڭ سانى بەك كۆپ، ئوغۇللارنىڭ سانى ئاز بولۇپ قالاتتى. بۇ ئەھۋالدىن بىز ئوقۇتقۇچىلار بەكمۇ بىئارام بۇلاتتۇق. نىمە ئۈچۈن ئوغۇللار تىرىشمايدىغاندۇ؟ جەمىيىتىمىزدە ئوغۇللارنىڭ ساپاسى تۈۋەنلەپ كەتسە قانداق بولىدۇ ؟  دىىيىشىپ ئۆزىمىزچە بۇنىڭ سەۋەبىنى تەھلىل قىلىشىپ كىتەتتۇق.) مەن شۇ ھاياجىنىم بىلەن ئۇلارغا بولغان سۈيىنىشىمنى ئىزھار قىلدىم:
سىلەرنىڭ مەكتەپتىكى ئاناڭلار، تەربىيچىڭلار بولغىنىمدىن بەكمۇ خوشمەن. بولۇپمۇ ئوغۇللىرىمنىڭ جىقلىقىدىن ناھايىتى سۈيۈندۈم. ھازىرغا قەدەر كۈچەيتمە سىنىپ،  قوش تىل سىنىپ دىسە  ئوغۇللار بەكمۇ ئاز ئىدى. نىمە ئۈچۈن ھازىر ئوغۇللىرىمىزغا ئۈگىنىش خوش ياقمايدىغاندۇ دەپ بىز ئوقۇتقۇچىلارنىڭ كۈڭلى يېرىم بولاتتى. سىلەرنىڭ تىرىشچانلىقىڭلاردىن، ئۆگىنىشنى ئالدىنقى ئورۇنغا قويغىنىڭلاردىن بەكمۇ پەخىرلىنۋاتىمەن. ئوغۇل دىمەك ئەر دىمەك.  ھەقىقى ئەرلەر ئائىلىنىڭ، جەمىيەتنىڭ غۇرورى، پەخرى، تۈۋرىكى. ئائىلە ، جەمىيەت ئەزالىرىنى بەخىتكە مۇيەسسەر قىلغۇچىدۇر. ھەقىيقى ئەر_ بىلىمنى دوست تۇتقان، ئىزچىل تىرىشىپ ئۆزىنى بىلىم ئارقىلىق كۈچەيتكەن، ھالال ئەمگىكى ئارقىلىق تەرتۈكەلەيدىغان، ئىسىل ئەخلاق پەزىلەتنى ئۆزىدە يىتىشتۈرگۈچىلەردۇر.
بۇ يەردە ئولتۇرغان تىرىشچان قىزلىرىمدىنمۇ بەكمۇ خوش بولدۇم. تىرىشچان قىزلارنىڭ قەدىمىدىن كىلەچەك يارىلىدۇ...
سۆزلىرىمدىن ئۇلارنىڭ كۆزلىردە چاقنىغان ئۆز- ئۆزىدىن پەخىرلىنىشنى كۆرگەندەك بولدۇم.ئۆز-ئۆزىدىن پەخىرلىنىش تويغۇسىنى يىتىشتۈرۈش ئوقۇغۇچىلاردا ئۆزىگە بولغان ئىشەنچنى ئاپىردە قىلىدۇ. ئىشەنچ بىلەن بىسىلغان قەدەم ئۇتۇققا ھامىلداردۇر.
مەن ئۇلار بىلەن تەڭ ئىشەنچ بىلەن بىرىنچى قەدىممنى ئالدىم بۈگۈن مۇنبەردىكى يىڭى باھارىمدا...
  مۇنبەردىكى ھاياتىمدا يەنە قانچە قىتىم بۇنداق باھارنى كۈتۋالالايدىغان پۇرسەتكە نائىل بۇلالۇرمەن. مىللىتىمنىڭ سۈيۈملۈك نوتىلىرىنى ئۆزلۈك، كىملىك سۈيى بىلەن سوغۇرۇپ ، ئەخلاقتىن ھۈسۈن ، بىلىمدىن كۈچ بېرىپ تەربىيلەش شەرىپىگە مۇيەسسەر بولغان ھەر بىر مىنوتنى چىڭ تۇتۇشۇم ،ئۆزەمنى تار مەنىدىكى ئىلغارلىقنىڭ موڭلىرىدىن قۇتۇلدۇرۇپ بالىلىرىمنىڭ قەلبىدىكى ئىلغارلىق ئۈچۈن تىرىشىشىم كېرەك.

koksangun 2012-06-20 22:25
ئوقۇتۇش ئەمەلىيىتىنىڭ يارقىن خاتىرىلىرىدىن دۇردانىلەر تىزىپ بىزنىڭ ھۆزۇرىمىزغا سونۇش نىيىتىدە بۇ قىممەتلىك «گۈلخاننامە» نى باشلاپسىز-دە . باشلىنىش مۇھىم ، كىچىك كىچىك ئېقىنلارنىڭ باشلانمىلىرى ئۇلۇغ ئېقىنلارنى ۋۇجۇدقا كەلتۈرىدۇ ، بىزدىكى بىر قىممەتلىك روھنىڭ جۇلاسى دەل ئاز بولسىمۇ يېزىپ تۇرۇشلاردىن رەڭلىنىدۇ ، ئۇلۇغ گۈلخانلارغا ئايلىنىدۇ .
قەلىمىڭىزگە ئۇزاق مۇددەتلىك قۇۋۋەت تىلەيمەن ، ھەر ۋاقىت ئۆز قاراشلىرىڭىزدىن پۈتكەن قىممەتلىك سەمەرىلەرنى تەۋپىق مۇنبىرى ئارقىلىق سۇنۇپ تۇرۇڭ ، مەن ھەر بىر يازمىڭىزنىڭ ھېرىسمەن ئوقۇرمىنى ...

gulhan 2012-06-20 22:28
مىنى دائىم ئىلھاملاندۇرۇپ تۇرغىنىڭىزغا رەخمەت، كۆك سانغۇن مۇئەللىم.

سۈيۈملۈك تەۋپىقداشلىرىم، مەندە ھېس قىلغاننى، قىپ ئۈتكەننى خاتىرلىمەيدىغان بىر يامان ئادەت بار ئىدى. بۇ مۇنبەرگە كىرگەندىن كىيىن بىر- بىرىدىن پەزىلەتلىك ، مەسئولىيەتچان مۇنبەرداشلىرىم مىنى ئاستا-ئاستا يىتەكلىمەكتە.
  مەندىمۇ دەرس مۇنبىرىگە قەدەم قويغان 15يىلدىن بۇيانقى تەجرىبە، ساۋاقلىرىم ئەسلىملىرىمگە تىنىپ قالغان ئىدى. تەربىيەڭلار ئاستىدا تىخىمۇ يىتىلىشنى ئىزدەپ بۇ تېمما ئاستىدا تەتىل ۋاقتىمدىن پايدىلىنىپ مۇنبەرگە سۇنۇپ باقاي دىدىم.
    مىنىڭچە ھەر بىرىمىزدە تىنىپ قالغان تەجرىبە كۆپ. بىر- بىرمىزنى زەررەتلىشىپ، مائارىپىمىز ئۈچۈن تەڭ تىرىشساق دىگەن ئۈمۈتتە مەن.

uzqak 2012-06-20 23:46
ھارمىغايسىز ئەزىز! ياخشى باشلىنىش بولۇپتۇ .گۈلخاننامىنىڭ كىچىك - كىچىك يالقۇنلىرىدىن ئۇلۇغ بىر گۈلخانغا يول ئېچىلغۇسى .    مائارىپ مۇنبەرلىرىمىز ھەر بىرىمىزنىڭ يوللىغان  <<تامچىلىرى >> بىلەن تېخىمۇ گۈللەپ روناق تاپقۇسى!

ak gul 2012-06-20 23:49
گۈلخاننامىنى ناھايىتى ئۇتۇقلۇق باشلىۋاپسىز،ئەمدى ئوتلۇق تىلەكلەرنىڭ ئۇلغىيىپ گۈلخانغا ئايلانغانلىقىنى كۆرۈشكە تەشنامىز.

tawpek 2012-06-20 23:51
تېمىنىڭ ماۋزۇسىنى كۆرۆپلا سىزنىمۇ ئۇزچاقتەك بىرەر خاسلىقنى ئاساس قىلىپ ئۆز ئەمەلىيتى ئارقىلىق باشقىلارنى زەرەتلەپ يورۇقلۇق ئاتا قىلغۇچى ھەقىقى بىر گۈلخانغا ئايلانماقچى بولىۋاتقان ئوخشايدۇ دەپ قارىغانتىم.

ئويلىغىنىمنىڭ خاتا ئەمەسلىكىنى تېمىنى ئوقوپ ھىس قىلدىم.

مىنىڭمۇ بىر ئۇسلۇبنى كۆڭلۆمگە پۈكۈپ مۇشۇنداق داۋاملاشتۇرۇش خىيالىدا بولىۋاتقىنىمغا خىلى بولدى.لىكىن ئۆزۆمگە ئۆزۆم تازا ھەيدەكچىلىك قىلىپ بولالمايۋاتىمەنغۇ تاڭ.

بولسا ھەممىمىز مۇشۇنداق زۆرۆر دەپ قارىغان نوختىلاردا ئۆزىمىزگە خاس يول تۇتۇپ بىر-بىرىمىزنى زەرەتلىشىپ ئۆتسەك تەۋپىق روھىدىن تۇتاشقان قەلىبلەر سەيناسى بولغان بۇ مەۋھۇم دۇنيا تىخىمۇ رەڭدارلىققا ۋە مول مەناغا تولغان بولاتتى دەپ قارايمەن.

danix 2012-06-21 13:18
        << گۈلخاننامە >> ! نېمە دېگەن جايىدا قويۇلغان تېما - ھە !
  بۇ ماۋزۇ بۇ تېمىدا ئىپادىلەنگەن مەزمۇنغا شۇنداق باپ كەپتۇ !
مەزمۇندىن ئەۋلاد تەربىيىسىگە ، مائارىپىمىزغا  يالقۇنجاپ كۈيىۋاتقان گۈلخانلار توپى بولغان ئاجايىپ بىر قەلبنى ھېس قىلدىم. << گۈلخاننامە >> ئەنە شۇ گۈلخانلار توپىدىن تەركىپلەنگەن  شۇ قەلبنىڭ ياڭراتقان ياڭراق ساداسى ! شۇ گۈلخانلار توپى بولغان قەلبتىن  چاچرىغان يالقۇن شۇ قەلبكە
تەلمۈرۈپ تۇرغان 37 قەلبكە تۇتىشىپ ، شۇ قەلبلەردە تېخىمۇ يالقۇنلۇق گۈلخانلارنى ئاپرىدە قىلغۇسى ! قەلب گۈلخانلىرى قەلبتىن - قەلبكە تۇتىشىپ ،
مەڭگۈ يالقۇنجاپ تۇرغۇسى ! گۈلخانلىق قەلبلەرنىڭ ساداسى مەڭگۈ ياڭراپ تۇرغۇسى !

danix 2012-06-21 13:30
          گۈلخاننىڭ بۇ قېتىم ئاجايىپ كۈچلۈك  يالقۇنجىغىنىغا مۇبارەك
بولسۇن ! گۈلخاننىڭ دىللارنى يورۇتقۇچى يالقۇنىغا بارىكەتلەر تىلەيمەن !

kok-sultan 2012-06-21 16:16
دەرس مۇنبىرىنىڭ مېھرىگە نېمە يەتسۇن!

ozqan 2012-06-23 19:30
گۈلخان :
« گۈلخاننامە » نى ئۇتۇغلۇق ھالدا باشلىۋالغانلىقىڭىزغا مۇبارەك بولسۇن . . .
باشلىماق تەس.  باشلاندىمۇ يول ئېچىلىشقا باشلىدى، زىممىدىكى مەسئۇلىيەت كۈچەيدى دېگەن گەپ ، سىزنىڭ مەزمۇنغا ھەم ئۆز نامىڭىزغا ماس ھالدا قويۇلغان بۇ تېما ئاستىدا ئوقۇتقۇچىلىقنىڭ ئىشقىدا گۈلخان بولۇپ كۆيۈپ تۇرغان يۈرىكىڭىز بىلەن تەجىربە ساۋاق ھەم ئىزدىنىشلىرىڭىز بىلەن سالماق پىكىرلىرىڭىز بىلەن كۆپچىلىككە رىغبەت ئىلھام ، ئىزدىنىش روھى ئاتا قىلالايدىغانلىقىڭىزغا ئشىنىمەن . . .

凶蛇 2012-06-24 14:15
  مەنمۇ  گۇلخانغا ئوخشاشلا 7-يىللىقنىڭ يېڭى،ئۇماق ئۇقۇغۇچىللىرىنى كۆرگەندە سۇيىنىدىغان ئادەت بار ئىدى،ئەمما بۇيىللاردا 7-يىللىققا يېڭىدىن قۇبۇل قىلغان 60نەچچەئۇقۇغۇچىنى كۆرۈپ ئەرۋاھىم قىرىق گەز ئۆرلەپ كەتتى،چۈنكى بۇ ئۇقۇغۇچىللىرىمنىڭ يېرىمى دېگۈدەك ساۋاتسىز ،چالا ساۋات ئۇقۇغۇچىلار بۇلۇپ ،ئۇقۇش قىزغىنلىقى تۇلىمۇ سۇس،داۋامى تۆۋەن.....
بۇ بىر يىل مۇشۇ بالىلارنى تەربىيلەپ بولغىچە چاچنىڭ يېرىمى چۈشۈپ،مىجەزىم ئۇساللىشىپ ، پۇت-قۇلۇم چىنجىننىڭكىدىن بەك ئىتتىكلىشىپ كەتتى دېسە...

gulhan 2012-06-25 00:13
凶蛇مۇئەللىمنىڭ ئىنكاسىغا قايناپ قالدىم...
ھەي بىز تەربىيلەيدىغان ئوبىكىت ئادەم ، يەنى كىلىپ كەلگۈسى ئىز باسارىمىز تۇرسا ئۇلاردىن 60-70مىشنى بىر سىنىپقا تىقىپ قۇيۋاتقان مائارىپ باشقۇرغۇچىلىرىغا ھەيرانمەن.  ئۇلار يە  قۇرسىقى تويسىلا بۇلىدىغان قۇي- كالا بولمىسا، ياكى بىزمۇ ئۇلارغا ئەلەپ بەرمىسەك....
  مائارىپتىكى بۇ يۈزلىنىشكە ئەقلىم بەكمۇ ھەيران..... باشقۇرغۇچىلار  زادى نىمنى ئويلايدىغاندۇ؟
ھىلىمۇ بىزنىڭ مەكتەپ بۇ خىل قىسمەتتىن يىراق تىخى...

akbarmuallim 2012-06-28 11:43
گۇلخاننامە نىمەدىگەن جايدا قۇيۇلغان ئىسىم . گۇلخاندىن چىققان ئوت  بارلىق
قاراڭغۇلۇقنى يۇرۇتۇپ خۇددى دانكونىڭ يۇرىگىدىن چىققان ئۇتدەك زۇلىمەت قاراڭغۇلۇقنى يۇرۇتقاي ،.ئاداشقان يول تاپالمىغانلارغا يۇرۇقلۇق ئاتاقىلىپ ئۇلارنڭ
قەلبىنى ئىلىتقاي .

tawpek 2012-06-30 18:48
بىزدە ئەللىك ئاتمىشنى بىر تىقىدۇ.

ئوقوغۇچىلار ئادەمگە يا چىنجىن بولوشنى يا يۇمشاقباش  بولوشنى مەجبۇرى تاڭىدۇ.

ئامال يوق كۆزىمىزنى يۇمۇپ تۇرۇپ مۇشلاپ پەشۋا ئاتماي.

gulhan 2012-06-30 22:21
نەقىل
引用第13楼tawpek于2012-06-30 18:48发表的  :
بىزدە ئەللىك ئاتمىشنى بىر تىقىدۇ.

ئوقوغۇچىلار ئادەمگە يا چىنجىن بولوشنى يا يۇمشاقباش  بولوشنى مەجبۇرى تاڭىدۇ.

ئامال يوق كۆزىمىزنى يۇمۇپ تۇرۇپ مۇشلاپ پەشۋا ئاتماي.

  ھەي....  ھەسرەت  چەكمەي  ئامال يوق  بۇنداق مۇھىتتىن. دەرتنى ئاڭلايدىغان ئورۇن يوقتىمۇ؟
<< ھەممە ئەۋلاتلار ئۈچۈن >>دەپ شۇئار تۇۋلايمىزيۇ، بىراق 70-60-50نى  بىرسىنىپقا  تىقىپ قويساق  بۇ قانداق بولغىنى؟...  بۇنداق تۈزۈمنى قايسى مائارىپ تەتقىقاتچىسى چىقارغاندۇ_ھە!!!
  

tawpek 2012-07-01 16:59
بىزدە كەلسە كەلمىسە كارى يوق مۇھىتتا ئوقويدىغانلار ئوقوغاچقا ئوقوتقۇچى ساۋاىقداشلار ئوتورسىدا ئانچە زىددىيەت كىلىپ چىقمايدۇ.

لىكىن باشلىق كىلىدۇ دىسە ئاندىن يىزىلىق ھۆكۆمەت بىر كۈن كەلمىسەڭ 80 كوي دەپ بۇيرۇقنى بىر بىرىدۇ، شۇنىڭ بىلەن 80 كوي ئىغىر كىلىپ كەلمىەىلى بىر يىل بولغان بالىمۇ مۇئەللىم ئۇرغانغا ئارتىدۇ. جىم تۇرساق تاسلا قالىمىز 80 كوينى بىز تۆلىگىلى .

ئىشەككە كۈچۈڭ يەتمىسە ئۇر قاپتالنى دىگەندەك ئىشلار بولىۋاتىدۇ.

شۇڭا كەلگەننى ئوقوتوپ كەلمىسە نەگە باردىڭ دىگەن گەپنىمۇ قىلماس بوپ كەتتۇق.
مۇقىملىق مۇھىم ئەمەسمۇ.

باشلىقلارغا ئەھۋال مەلۇم قىلىپ بالىنى چاقىرساق مۇئەللىمگە مەن تەربىيە قىلاي خاپا بولماي سىنىپقا قايىت دەپلا ھەيدەيدۇ.

شۇنىڭ بىلەن ئوقوتقۇچىلارنىڭ بالىلار بىلەن كارى بولمايدىغان، باشلىقلار مەكتەپ مۇھىتىدىن ھەيران قىلىپ يىغىندا قان بىسىمى ئۆرلەپ كىتىدىغان ئەھۋاللار كۆرلىۋاتىدۇ.

قىسقىسى مائارىپقا ئىگە بولىدىغان ئادەم يوقكەن. باشلىقلىرىمىز يۇمشاقباشمۇ ياكى قولىدا ھوقوق يوقمۇ بىلمىدۇق.


查看完整版本: [-- گۈلخاننامە1 --] [-- top --]


Powered by PHPWind v7.3.2 Code © 2003-08 PHPWind
Time 0.079879 second(s),query:3 Gzip disabled

You can contact us