| aktorna |
2012-06-16 22:58 |
يامغۇر لىرىكىسى
aktorna]
ئەركىلىتىپ ھىسلىرىمنى غىدىقلاپ،
سىم-سىم يامغۇر سۈيۈپ ئۆتتى جىسمىمنى.
گۈل-چىمەنمۇ ئاستى مۇنچاق يامغۇردىن،
يېقىپ مەھكەم نەم تۇپراققا باغرىنى .
شۇ تاپ سىنى ئەسلەپ قالدىم ئەزىزىم،
شەھرىڭدىمۇ ياغدىمىكىن كۆك يېغىن.
ئىزدەپ يۈرسەڭ باغچىلاردىن تۆتقۇلاق،
چۈچۈتتىمۇ تۇيۇقسىزلا يا چېقىن.
سەنمۇ شۇ چاغ بەت ئاچقانسەن ئەسلىمىگە ،
چىللاپ يەنە دىل خانەڭگە ۋىسالنى .
چوغلاتقاندۇر كۆك يېغىنمۇ ئېھتىمال ،
قەلبىڭدىكى ئۈچەي دېگەن گۈلخانىنى.
رەڭدار كۈنلۈك ئاستىدىكى جۈپ گەۋدە ،
سايە تاشلاپ ئۆتكەندۇر ھەم كۆزۈڭگە .
ئويغانغاندا يۈرىكىڭدە شىرىن ھىس،
ئوخشاتقانسەن بىراۋلارنى بىر كىمگە.
شۇتاپ بەلكى ئويلىغانسەن بىر كىمنى ،
تۇنجى سۆيگۈ ، نىسىۋىسىز بەختىڭنى .
يامغۇر ياققان ئاشۇ كۈندە ئۇچراتقان ،
يۈرۈكىڭنى ئوغۇرلىغان جاناننى .
ئويلىغانسەن بەلكى يەنە بىر قېتىم ،
يامغۇر بۇلۇپ تازا قاتتىق يېغىشنى.
يۈرىكىڭنى ئوغۇرلىغان سەنەمنىڭ،
دېرىزىسىنى تۇيدۇرماستىن چىكىشنى.
شەھىرى توقسۇ
پەيشەنبازار ئوتتۇرا مەكتەپ |
|
ئىجادىيىتىڭىزگە يەنىمۇ بەرىكەت تىلەيمەن