查看完整版本: [-- سەن كېچە قوينىدا ھەمراھ بولغان چۈش(ئاق گۈل) --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> سەن كېچە قوينىدا ھەمراھ بولغان چۈش(ئاق گۈل) [打印本页] 登录 -> 注册 -> 回复主题 -> 发表主题

ak gul 2012-06-16 14:12
سەن كېچە قوينىدا ھەمراھ بولغان چۈش
 
سەن كېچە قوينىدا ھەمراھ بولغان چۈش،
شەپىلەر بېرىسەن تاتلىق تۇيغۇدىن.
مۇڭلانغان ھۇجراممۇ كۈلەر قاقاقلاپ،
بىشارەت بەرگەندەك شېرىن ۋىسالدىن.
 
سەن كېچە قوينىدا ھەمراھ بولغان چۈش،
بىر تاتلىق ئارمانلار كۆكلەيدۇ سەندە.
چاڭقىغان دىلىمغا تامدۇرساڭ سۆيگۈ،
كۈلىدۇ بېغىمدا ئەتىرگۈل،سەبدە.
 
سەن كېچە قوينىدا ھەمراھ بولغان چۈش،
روھىمدا بىخ يارار يېڭى تۇيغۇلار.
سەن بولغاچ يىقىلماي ياشايمەن مەغرۇر،
يۈرەكتىن يۈرەككە تامىدۇ نۇرلار.
 
 
 

koksangun 2012-06-16 18:18
تاتلىق لىرىكىلىرىڭىز ئۈزۈلمىگەي ، سىزنىڭ شېئىرلىرىڭىزغا بەرىكەت تىلەيمەن .

kamalat 2012-06-16 20:50
قەلەملىرىڭىزگە قۇد بولسۇن.

ak gul 2012-06-16 21:02
كوكسانغۇن مۇئەللىم،كامالەت مۇئەللىمە،سىلەرنىڭ ماڭا مەدەت بەرگىنىڭلارغا كۆپ رەھمەت !

yaxar 2012-06-16 23:59
كىشىگە ئۈمىتتىن بىشارەت بىرىدىغان لىرىكا بوپتۇ. قەلىمىڭىزگە بەرىكەت يار بولسۇن ئاق گۈل.

danix 2012-06-17 09:46
       ياشلىق دېگەن قەلبتىن ئۇرغۇپ تۇرغان چىن مۇھەببەت ،
دىلدىن ياڭرىغان لېرىك كۈيلەر بىلەن بالىلىق ۋە قېرىلىقتىن پەرقلىنىپ
تۇرىدىكەن جۇمۇ ! ئەنە قاراڭ ئاق گۈلدىكى ياشلىقنى ! ئۇنىڭ لېرىكىلىرى
ئادەمدىكى ياشلىق ھېسلىرىنى ۋېلىقىدە كۈلدۈرىدىكەن !
    ئاق گۈل بىزدىكى ياشلىق ھېسلار سىزنىڭ لېرىكىلىرىڭىزنىڭ ۋېلىقلاپ
كۈلدۈرۈپ تۇرىشىغا تەشنا !

ak gul 2012-06-17 10:40
رەھمەت دانىش مۇئەللىم،ياشار مۇئەللىم.سىلەر داۋاملىق ماڭا مەدەت بېرىپ،ياخشى تىلەكلىرىڭلار ھەمراھ بولۇپ تۇرغاچقا،بارغانسېرى يازغۇم كېلىدىغان بولۇپ قالدى دېسە

tursun 2012-06-20 11:22
«سەن كېچە قوينىدا ھەمراھ بولغان چۈش،

روھىمدا بىخ يارار يېڭى تۇيغۇلار.

سەن بولغاچ يىقىلماي ياشايمەن مەغرۇر،

يۈرەكتىن يۈرەككە تامىدۇ نۇرلار.»
بۇ تولىمۇ يىقىملىق ياشلىق مىلودىيىسى بولۇپتۇ، بىر گۇزەل مەنزىرە ئىچىدە
ئاجايىپ يىقىملىق كۇي ئاڭلىغاندەك بولدۇم،رەھمەت!

ak gul 2012-06-20 18:43
رەھمەت سىزگە تۇرسۇن مۇئەللىم.سىزنىڭ بىز ياشلارغا ئىلھام بېرىش ئۇسۇلىڭىزمۇ خۇددى شېئىرلىرىڭىزدەكلا ئۆزگىچە.
سىزنىڭمۇ تېتىملىق ئەسەرلىرىڭىزدىن دائىم ھوزۇرلىنىپ تۇرغايمىز.

kok-sultan 2012-06-21 16:52
شېئىرىدىكى يارقىن ھېسىيات، گۈزەل شېئىرىي مۇھىت، لىرىك كەيپىيات شائىرەنىڭ تۇيغۇلىرىنى سەنئەتلىك قىممەتكە ئىگە قىپتۇ.

ak gul 2012-06-21 19:30
شېئىرغا قىممەتلىك تەكلىپىڭىزنى بەرگىنىڭىزدىن خۇرسەنمەن.رەھمەت سىزگە!

tawpek 2012-06-21 23:09
سەن كېچە قوينىدا ھەمراھ بولغان چۈش
تاتلىقتۇر سەن بىلەن ئازاپلىق ئۆتمۆش

ak gul 2012-06-21 23:46
تونۇيمەن مەن سېنى تىنىقلىرىمدا،
ھېدلىرىڭ ھەممىدىن ماڭا بەك تونۇش.

گۇليار 2012-06-23 22:44
شېئىرىدىكى يارقىن ھېسىيات، گۈزەل شېئىرىي مۇھىت، لىرىك كەيپىيات شائىرەنىڭ تۇيغۇلىرىنى سەنئەتلىك قىممەتكە ئىگە قىپتۇ.

ak gul 2012-06-23 23:32
نەقىل
引用第13楼گۇليار于2012-06-23 22:44发表的 :
شېئىرىدىكى يارقىن ھېسىيات، گۈزەل شېئىرىي مۇھىت، لىرىك كەيپىيات شائىرەنىڭ تۇيغۇلىرىنى سەنئەتلىك قىممەتكە ئىگە قىپتۇ.

يازمامنى ئەستايىدىل ئوقۇپ كۆز قارىشىڭىزنى ئوتتۇرىغا قويغىنىڭىزغا رەھمەت!


查看完整版本: [-- سەن كېچە قوينىدا ھەمراھ بولغان چۈش(ئاق گۈل) --] [-- top --]


Powered by PHPWind v7.3.2 Code © 2003-08 PHPWind
Time 0.233558 second(s),query:3 Gzip disabled

You can contact us