查看完整版本: [-- ھايات دېگەن ئەركەكمۇ، چىشى؟ --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ھايات دېگەن ئەركەكمۇ، چىشى؟ [打印本页] 登录 -> 注册 -> 回复主题 -> 发表主题

kok-sultan 2012-06-12 12:19 ھايات دېگەن ئەركەكمۇ، چىشى؟ سوراپ قالدى بىر گەپدان كىشى. چوڭقۇر ئويلاپ تاپقۇچە جاۋاپ، كىردى دىلغا زۇلمەتلىك قىشى.   ھايات دېگەن ئەركەكمۇ، چىشى؟ سوراپ قالدى مەيپۇرۇش قايناپ. شۇنچە سۆزلەپ قىلالماي قايىل، تۇرۇپ قالدىم تىلىمنى چايناپ.   ھايات دېگەن ئەركەكمۇ، چىشى؟ سوراپ قالدى شەرەنداز ئايال. پەيلى يۇمشاق ئەركەكلەر كەلدى، چىشى بولۇپ ئۆتمەستىن ھايال.   ھايات دېگەن ئەركەكمۇ، چىشى؟ سوراپ قالدى ئاق چاچلىق موماي. جاۋاپ بەردى يېنىمدىن ئۆتكەن، «ئەركەك» دەپلا چار ساقال بوۋاي.   ھايات دېگەن ئەركەكمۇ. چىشى؟ سوراپ قالدى تولمىغان جۇۋان. ھەيران قالدىم كۆزىگە قاراپ، لېۋىم چىشلەپ سۈرمەستىن زۇۋان. ھايات دېگەن ئەركەكمۇ، چىشى؟ سوراپ قالدى نەۋقىران يېگىت. جاۋاپ بەردىم ئۈمىدتە مەغرۇر، «ئەركەك» دەپلا چاقماستىن چېگىت.   ھايات دېگەن ئەركەكمۇ چىشى؟ سوراپ قالدى قوشنامنىڭ قىزى. سىزمۇ، غەيۇر تەڭداشسىز ئەركەك،  دېدىم، چاقنار نۇزۇگۇم ئىزى...     ھايات دېگەن ئەركەكمۇ، چىشى؟ بىلىپ ياشار ئۆزىنى كىشى. ئۇلۇغ ئەلگە نامايەن قىلار، بېسىپ كەلگەن ھايات كەچمىشى.

tursun 2012-06-12 16:34 ئەسسالامۇ ئەلەيكۇم،كوكسۇلتان، يازغان بۇ«ھايات دېگەن ئەركەكمۇ، چىشى؟» تىمىلىق شىئىرلىرى كىشىنى تازا ئويلاندۇرىدىغان چۇڭقۇر پەلسەپىۋىلىككە ئىگە، يەڭگىل،قۇرۇلمىسى پۇختا،بىرخىل كۇي چەشمىسى ئادەمنى سويۇندۇرىدىغان ئەسەر بولۇپتۇ،ئوزلىرىگە ئالىي ئىھتىرام!

kok-sultan 2012-06-12 17:56 ھۆرمەتلىك تۇرسۇن ھۈسەيىن ئەپەندى ياخشى تىلەكلىرىگە تەشەككۈر! سىلىنى كۆرمىگىلى توپ-توغرا 26 يىل بولدى. 1986-يىلى سىلى ئوقۇش پۈتتۈرۈپ كەتكەندىن بۇيان كۆرۈشۈش نىسىپ بولمىدى. مەن سىلىنى سېغىنىپ ئەسلەپ تۇردۇم. مەن ئاۋات ناھىيىلىك 3-ئوتتۇرا مەكتەپتىن تۇرسۇنجان ھەسەن بولىمەن. 1987-يىلى قەشقەر پىداگوگىكا ئىنىستىتوتى ئەدەبىيات فاكۇلتېتىنى پۈتۈرگەن.

پەزىليەم 2012-06-12 20:28 ئىنتايىن ياخشى يىزىلىىپتۇ  ئادەمنى ھايات توغرىسىدا ئويلاندۇرىدىكەن.

akkax 2012-06-12 22:04   ھايات سىزنى نېمىگە كۆندۈرسە شۇنىڭغا كۆنۈپ ياشىسىڭىز ئۇ ھايات « ئەركەك ». ئەگەر سىز ھاياتىڭىزدا قانداق بولۇشنى خالاپ، شۇنداق ياشىيالىسىڭىز ، ئۇ ھايات « چىشى » .

ئۇيغۇرئاي 2012-06-13 12:56 شۇنداق تېمىلارمۇ چىقىۋاتىدۇ دىسە،كىشىنىڭ ئەقلىنى ئاچىدىغان-ھە!!!

danix 2012-06-13 13:20      << ھايات دېگەن ئەركەكمۇ ، چىشى ؟>>  مېنىڭچە ، ھاياتتا ئەركەكتەك ياشىغان ئادەمنىڭ ھاياتى <<ئەركەك >>، ھاياتتا ھەممىدە << خوش ، خوش >> دەپ ياشىغان ئادەمنىڭ ھاياتى << چىشى>>!

maxal 2012-06-14 19:30       ھەقىقەتەن كىشىنى ئويغا سالىدىكەن.ئەدەپسىزلىك بولسىمۇ ياندىشىپ باقاي: ھايات دېگەن ئەركەكمۇ،چىشى؟ سورىدىم مەن بوۋامدىن شۇ ئان، دېدى بوۋام: بولساڭ سەن قانداق، بولىدۇ ئۇمۇ خۇددى سەن تامان. ھايات دېگەن ئەركەكمۇ،چىشى؟ سورىدىم يەنە دادامدىن بۈگۈن. دېدى دادممۇ بوۋامغا ئوخشاش، قالدى يەنە يېشىلمەي تۈگۈن . ھايات دېگەن ئەركەكمۇ،چىشى؟ سوراپ قالسا بىر كۈنى بالام، تۇرامدىمدىمەن غادىيىپ ياكى ، بىرەمدىمەن ئېگىلىپ سالام...

kamalat 2012-06-17 09:33 ھاياتنىڭ ئەركەك چىشىلىقى قانداق ياشاشنى بىلگەن ئىنساننىڭ قولىدا.

ئابدۇرۇسۇل 2012-06-18 12:10      << ھايات دېگەن ئەركەكمۇ ، چىشى ؟>>  مېنىڭچە ، ھاياتتا ئەركەكتەك ياشىغان ئادەمنىڭ ھاياتى <<ئەركەك >>، ھاياتتا ھەممىدە << خوش ، خوش >> دەپ ياشىغان ئادەمنىڭ ھاياتى << چىشى>>!

tawpek 2012-06-18 12:29 ئابدۇرسۇلجاندەك تەييار ئىنكاسنى كۆچۆرۆپ دوللار تاپقاننىڭ ھاياتى نىمىدۇ ئەمدى؟ ھايات دىگەن ئەركەكمۇ چىشى؟ بىر جۈپ بولسا راھەت ياز قىشى چىشىنى تىللاپ قاقساق گەر چەتكە بۇ بولامدۇ ئاقىلنىڭ ئىشى؟ ئەركەك چىشى بۇ بىر جىنسىيەت ئەمەس ھەرگىز ۋىجدان سۈپىتى ئادىمىيلىك روھتا چاقنايدۇ تەن گۇناھسىز دىگەن ھىرقىتى

gulhan 2012-06-19 00:24 تەۋپىققا بارىكاللا...

查看完整版本: [-- ھايات دېگەن ئەركەكمۇ، چىشى؟ --] [-- top --]

Powered by PHPWind v7.3.2 Code © 2003-08 PHPWind
Time 0.261234 second(s),query:3 Gzip disabled

You can contact us