查看完整版本: [-- ئاتا(ئاق گۈل) --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ئاتا(ئاق گۈل) [打印本页] 登录 -> 注册 -> 回复主题 -> 发表主题

ak gul 2012-06-08 20:54
مۇنبىرىمىزدىكى بارلىق جاپاكەش،مېھرىبان ئاتىلارنىڭ ئاتىلار بايرىمىنى قىزغىن تەبرىكلەيمەن،بايرىمىڭلارغا مۇبارەك بولسۇن!
ئاتا
گۈلباھار مۇھەممەد
 
ئاتا ئۇ تاش يېرىپ چىققان قارىغاي،
قادىردۇر تېرەشكە تاغ باسسا سېنى.
ئاتا ئۇ بارخاندا يېشىل بىر توغراق،
سايىۋەن بولىدۇ ئۇنتۇپ ھەممىنى.
 
ئاتا ئۇ دانا ھەم يىگانە ئۇستاز،
ئۆگىتەر ھەرۋاقىت چىدام ۋە غەيرەت.
ئاتا ئۇ ھەممىدىن بۈيۈك، مۇقەددەس،
مۇجەسسەم ئۇنىڭدا بۇرچ،پەزىلەت.
 
ئاتا ئۇ پەرزەنتىنىڭ يۆلەنگەن تېغى،
ياشايدۇ دۇنيادا تىك تۇرۇپ ھەيۋەت.
ئاتا بار پەرزەنتنى بېسىۋالماس غەم،
قەلىبلەر تاپىدۇ ئۇنىڭدىن ھېكمەت.
 

ئاتاڭ بارقاتىدۇ قانىتىڭ مەزمۇت،
بۈركۈتتەك پەرۋاز قىپ ئۇچىسەن ھەر يان.
ئاتاڭ بار قىسمەتلەر كەلمەس بېشىڭغا،
ئاتاڭ بار جېنىڭغا قوشۇلىدۇ جان.
مەنبە:ئۆز قەلەم

maaripqi 2012-06-08 21:49
تىمىڭىزغا كۆپ رەھمەت!

akida228 2012-06-08 23:25
ئاتا ئۇ ئائىلىنىڭ مەزمۇت تۇۋرۇكى ،
ئۇ بولغاچ چىرايدا تەبەسسۇم كۈلكە .
چىدامچان غەيرەتلىك ھەمدە زەبەردەس،
ھەر دائىم سەن ئۈچۈن بولىدۇ ئۈلگە.

yaxar 2012-06-09 01:12
پىكىرلىرىڭىز ھېرىپ قالمىغاي ئاق گۇل، مۇنبەردىكى خانىم- قىزلارغا ۋاكالىتەن بىز ئاتىلارغا قىممەتلىك سوۋغا تەييالىغىنىڭىزغا كۆپتىن كۆپ تەشەككۈر.
راستىمنى دىسەم ئاق گۈلنىڭ بۇ تىمىسىنى كۆرمىسەم بۇ بايرامدىن خەۋەرسىز قالار ئىكەنمەن، مەنمۇ ئەتە ئەتتىگەندە دادامغا تىلىفۇن ئۇرۇپ بايرىمىنى تەبرىكلەشنى نىيەت قىلدىم.

taxkin1 2012-06-09 13:36
ئاتا بولماق ئانچە تەس ئەمەس، ھەققىي ئاتا بولماق ناھايتى مۇشكۇل.
بۇ شېئىر ھەققەتەن ياخشى چىقپتۇ ئاق گۈلگە رەخمەت

ak gul 2012-06-09 19:47
سىلەرنىڭمۇ مەدەت بەرگىنىڭلەرگە كۆپتىن كۆپ رەھمەت.

latapatlik 2012-06-09 23:31
ناھايىتى ياخشى يېزىلىپتۇ،تېمىڭىزغا رەھمەت!

kamalat 2012-06-10 11:18
ئاتىلارغا  ئاتاپ يازغان شىئېرىلىرىڭىزغا مەرھابا.

ak gul 2012-06-10 11:32
مۇنبىرىمىزدىكى ئاتىلارغا ئاتاپ يازسام،ئۇلارنىڭ ۋاقتى يوقمۇ نېمە؟كۆرۈپ قوياي دېمەيدىغۇ؟
ئۇلارغا باشقا سوۋغا كېرەك ئوخشايدۇ.

tursun 2012-06-11 12:40
بىزگە تازا ياقتى  بۇ تىما،
«كوز ئالدىمدا ھەيۋەت بىر سىما...
كەلگىن بالام دەپ چىللار مانا،
زەپ نۇرانە،يالقۇنلۇق-سىما.»

ئاقگۇلنىڭ زەرەپشان دولقۇنلىرىدەك ئۇقچۇپ ئىقىۋاتقان قايناق ھىسىياتىغا
ئالىي تەشەككۇر! ھارمىغايسىز!

ak gul 2012-06-11 20:42
رەھمەت تۇرسۇن مۇئەللىم.سىزنىڭمۇ ئىجادىيىتىڭىزگە ئۇتۇق تىلەيمەن.

kok-sultan 2012-06-12 09:27
پىشقان قەلەمدىن تۆكۈلگەن دۇردانىلەر باشقىچە بولىدىكەن...........

tawpek 2012-06-12 10:12

ziba101 2012-06-12 13:10
   ئاتاڭ بار قاتىدۇ قانىتىڭ مەزمۇت،

  بۈركۈتتەك پەرۋاز قىپ ئۇچىسەن ھەر يان.

  ئاتاڭ بار قىسمەتلەر كەلمەس بېشىڭغا،

  ئاتاڭ بار جېنىڭغا قوشۇلىدۇ جان.
نېمە دېگەن ياخشى يېزىلغان مىسرالار -بۇ؟!  قەلىمىڭىز توختىمىغاي.   

ak gul 2012-06-12 14:02
كۆك-سۇلتان مۇئەللىم،تەۋپىق ئىنىم،زىبا 101 قېرىندىشىم،سىلەرنىڭ مەدەت ۋە ئىلھاملىرىڭلاردىن تولىمۇ خۇرسەن بولدۇم،سىلەرنىڭمۇ يازمامنى ياقتۇرۇپ ئوقۇغىنىڭلارغا كۆپ رەھمەت.

پەزىليەم 2012-06-12 14:55
ئاتىلارنى ئىنتايىن ياخشى تەرىپلەپسىز    

ak gul 2012-06-16 14:46
ئۆتكەن ھەپتە بايرىمىڭلارنى بالدۇر تەبرىكلەپ قويۇپتىمەن،يەنە بىر قېتىم بايرىمىڭلارنى مۇبارەكلەيمەن.
ئاتىلار سىلەرنىڭ زىممەڭلاردىكى يۈك،مەسئۇلىيەت ھەممىدىن ئېغىر، پەرزەنتلىرىڭلارغا چىدام ۋە غەيرەت ئاتا قىلىپ،ئائىلەڭلارنىڭ مەزمۇت تۈۋرۈكى بولۇشىڭلارغا تىلەكداشمەن.

danix 2012-06-17 11:27
       ئاق گۈل << ئاتا >> دېگەن  << بارلىقىڭنى
ئائىلەڭگەئاتا>> دېگەندىكى ئاتا . << ئانا >> دېگەن
<< ئائىلە ئەزالىرى تەرىپىدىن ئانايى بولغۇچى>> دېگەندىكى ئانا .
   سىز بارلىقىنى ئائىلىسىگە ئاتىغان  ئاتىنىڭ سىماسىنى ھەقىقىي چىن
ھېسىيات بىلەن تەسۋىرلەپ بېرىپسىز ! كۆپتىن - كۆپ رەھمەت سىزگە!

tawpek 2012-06-17 23:09
2.تەمسىللەر: يامان بالا — ئاتا - ئانىسىنىڭ بېشىغا بالا. / ئاتاڭنى مىراپ قىلغۇچە، ئېرىقىڭنى چوڭقۇر چاپ. / مېھمان ئاتاڭدىن ئۇلۇغ. / ئاتا كۆرگەن ئوق ياساپتۇ، كۆرمىگەن پوق (ياساپتۇ). / ئاتاڭنىڭ بالىسى بولغىچە، ئەلنىڭ بالىسى بول. / ئاتا - ئاناڭنىڭ دۇئاسىنى ئالساڭ خورلۇق تارتمايسەن ئاتا - ئاناڭنىڭ قارغىشىنى ئالساڭ خوۋلۇق كۆرمەيسەن. / ئاتاڭ ئۆلمەي ئاناڭنىڭ قەدرىنى بىلمەيسەن. / قوڭغۇز ئاتالماسنىڭ بالىسى توڭگۇز ئېتىپتۇ. / يامان ئاتاق بىلەن يۈرگەندىن، ياخشى ئاتاق بىلەن ئۆلگەن ياخشى. / قول يۈگۈرتكەن تاش ئاتار، كۆز يۈگۈرتكەن قاش ئاتار. / ئاتالمىغان ئوقىدىن كۆرۈپتۇ. چىچالمىغان پوقىدىن )كۆرۈپتۇ(. / ئېگىز تاغنى يېمىرگەن، چۈمىلىنىڭ ئۇۋىسى قىلدەك سەمىمىيەتلىك، پىلدەك ئاتاقتىن ئەلا. / ئاتاڭ ئۆلسە ئۆلسۇن، مۇرەببىڭ ئۆلمىسۇن. / ئات مىنسەڭ ئاتاڭغا باقما. / ئاتالمىغان ئوقىدىن كۆرۈپتۇ، چېچىلمىغان پوقىدىن (كۆرۈپتۇ).  چوڭ ئىززەت قىلسا، كىچىك خىزمەت قىلار. / ئۆزۈڭ بىلگەن يولۇڭنى ئاتاڭغا بەرمە. / ئاچلىقتىن ئۆلسەڭمۇ، ئاتا - ئاناڭنى ئۇنۇتما. / ئاتاڭنى كۆرسەڭ ئاتتىن چۈش. / ئاتا - ئانام بولسا، ئاغزى - بۇرنى بولمىسا. / ئاتالار سۆزى، ئۈزۈكنىڭ كۆزى. /

گۈلزىبا 2012-06-18 13:14
ئاق گۈل ،شىئېرىڭىزنى بەكمۇ ياقتۇردۇم ، راستىنى دىسەم مەن دادامغا بەكرەك ئامراق ، بۇشېئىرىڭىزنى دادامغىمۇ ئوقۇپ بەرگۈم كىلىۋاتىدۇ ، زىھنىڭىز ئوچۇق بولسۇن ،يىڭى يازمىلىرىڭىزنى كۆرۈشكە تەشنامەن .

ak gul 2012-06-18 13:29
رەھمەت سىزگە،گۈلزىبا،مەنمۇ دادامغا بەك ئامراق ئېدىم،ئەپسۇس...

tawpek 2012-06-18 13:43
بۇ تېمىنى ھەربىر كۆرگىنىمدە بىر كىرىپ ئوقوۋاتىمەن،

3 يىلدىن بىرى پالەج بولوپ  سەكراتتا ياتقان دادامنىڭ بىر كۈن بولسىمۇ كۆزىنى ئوچوق قىلغايسەن دەپ تىلەيمەن.

بۇ قىتىم كىرىپ چاچ ساقاللىرىنى ئىلىپ قويالماي يىنىپ چىققىنىمدىن كۆڭلۆم يىرىم.

ak gul 2012-06-18 13:59
ئاللاھ،ئاتىڭىزنىڭ ئۆمرىنى ئۇزۇن قىلغاي،پالەچ بولسىمۇ بېرى ياخشى،يوق بولسا مەندەك...

ak gul 2012-06-18 14:02
باردىم يەنە يېنىڭغا ئاتا،
مۇڭلىنىپتۇ كونا ھويلىمىز.
چىداي دېدىم تۆكۈلدى ياشلار،
ھەسرەتلەرگە تولدى قەلبىمىز،

ئاتا دېسەم چىقالمىدىڭ سەن،
ئانا دىسەم ئۇمۇ چىقمىدى.
ۋۇجۇدۇمنى باستى غېرىپلىق،
ياشىمىسام يەنە بولمىدى.

خاتىرجەم يات ئاتاھەم ئانا،
ئىزىڭ بېسىپ ماڭىمەن مەڭگۈ.
سەبي دىلغا سالىمەن ئىلىم،
ھەم بېرىمەن ئۇلارغا سۆيگۈ.

گۈلزىبا 2012-06-27 19:00
كەچۈرۈڭ ئاق گۈل ، مەن بىلمىگەچكە ...
قانداق قىلىمىز ، ئىنسان كۆپ ئىشلاردا ئامالسىزكەنمىز ، يازمىلىرىڭىزدىن سىزنىڭ سەۋىرچان ،ئۈمىدۋار ، بىلىملىكلىكىڭىز كۆرۈنۈپ تۇرۇپتۇ . ئۈمىدۋار ياشايلى ،ھىكمەتسىز بىرمۇ ئىش يوققۇ ؟...

ak gul 2012-06-27 20:12
نەقىل
引用第24楼گۈلزىبا于2012-06-27 19:00发表的 :
كەچۈرۈڭ ئاق گۈل ، مەن بىلمىگەچكە ...
قانداق قىلىمىز ، ئىنسان كۆپ ئىشلاردا ئامالسىزكەنمىز ، يازمىلىرىڭىزدىن سىزنىڭ سەۋىرچان ،ئۈمىدۋار ، بىلىملىكلىكىڭىز كۆرۈنۈپ تۇرۇپتۇ . ئۈمىدۋار ياشايلى ،ھىكمەتسىز بىرمۇ ئىش يوققۇ ؟...

ھېچقىسى يوق،بىلمىگەنلىكىڭىز سىزنىڭ سەۋەنلىكىڭىز ئەمەس.بۇ شېئىرىم «قىزىلسۇگېزىتى» ۋە «ئاسىيا كىندىكى گېزىتى»دە ئېلان قىلىندى،شۇنداق خۇش بولدۇم. 

گۈلزىبا 2012-06-27 20:20
تەبرىكلەيمەن .ئىجادىيەتلىرىڭىز ئۇتۇقلۇق بولسۇن ، قەلىمىڭىز توختىمىسۇن .

gulhan 2012-06-27 22:27
ئاق گۈلنىڭ شېئىرغا باغلىغان ئەقىدىسىگە ، ئۈزۈكسىز لېرىكىلىرىغا سىڭگەن شىجائىتىگە ، قازانغان مۇۋاپىقيىتىگە بارىكاللا!
ھارماس قەدەملىرىڭىزگە ئۇتۇق يار بولسۇن دائىم، گۈلباھار.
ئىزلىرىڭىزدىن باھاردىكى ئۈمۈتنى ، ھاياتلىقنى بىزىگەن گۈللەرنى كۆرۋاتىمىز...

ak gul 2012-06-27 22:39
رەھمەت سىلەرگە گۈلخان،گۈلزىبا،سىلەردەك دوستلىرىم بولغاچقا،ماڭا ئىلھاملار كېلىۋاتىدۇ.


查看完整版本: [-- ئاتا(ئاق گۈل) --] [-- top --]


Powered by PHPWind v7.3.2 Code © 2003-08 PHPWind
Time 0.052962 second(s),query:3 Gzip disabled

You can contact us