| ozqan |
2012-05-01 02:39 |
تۆۋەندىكى يازمام ئارقىلىق تەۋپىق ئۈچۈن ئەمگەك قىلمىغانلارغا «تاتلىق يامانلاش »نى سوۋغا قىلىمەن ، تەۋپىقنى دەپ ھەممىنى ... نۇرغۇن ۋاقتىنى ، زېھنىنى سەرىپ قىلىۋاتقانلارغا چىن ، سەمىمىي سالام ، ھۆرمىتىمنى بىلدۈرىمەن .
ئەجىر-ئەمگەك بىزگە داۋاملىق ھەمراھ بولغاي ، ئىش-ئوقىتىمىز ، پىشاينىمىزدىكى ھالال تەرىمىز بىلەن ئۆز ئورنىمىزنى ، ئۆز قەدىر-قىممىتىمىزنى ساقلاشنى ئىگىسى نېسىپ قىلغاي ...
ئوقۇتقۇچىلىقتىن ئىبارەت ھەقىقىي ئەمگەككە ، ھالاللىققا تويۇنغان بۇ كەسىپ سىلەرگە داۋاملىق خوشاللىقلار ئاتا قىلغاي ...
مۇنبەردىكى ئەجىرىڭلاردىن گۈللەر ئېچىلغاي ...
مۇنبەر ئۈچۈن ئىشلىمەي چىشلەشكىلا تۇرغانلار،
ئېلىشنىلا ئۆگىنىپ «بەر» گە قولى قاتقانلار .
ئەجىر بىلەن باشقىلار گۈلگە گۈللەر قوشقاندا ،
پەرۋايى يوق ،نامى بار توردا ئۇخلاپ ياتقانلار .
ئويغىنشىنى تەس كۆرۈپ ، قېنى سەن ئاۋال باشلا ...
دەپ جاپانىڭ قامچىسىدىن ھەجەپمۇ تېز قاچقانلار .
ھەمدەم بولماي ئاۋامغا ئۇيات قاراپ تۇرۇشمۇ ،
ئۆشنىسىدە باشقىلارنىڭ كۆككە ئەركىن باققانلار .
سىزمۇ مۇشۇ ئېقىننىڭ سۈيىدە تەڭ ئاقارسىز ،
مېھرىڭىزنى ئايىماڭ ، چاڭقاپ قالدى بالىلار .
مەرىپەتنىڭ بۆشۈكى تەۋرىسۇن ئاق قوللاردا،
داغ تەگمىسۇن بۇ ساھەگە يىراق قاچسۇن قارىلار.
قوللاپ ، كۈيگە كۈي قېتىڭ ئاۋازىمىز جاراڭلار ،
تاپقاندا بىر باش پىياز مۇنبەرگە دەپ ئاتساڭلار .
تەۋپىقنىڭ ئۇز بېغىدا سەرخىل مېۋە پىشىپتۇ ،
تەمى تىلدا داستان بولۇپ ، ھەر ياقلارغا يېتىپتۇ .
ئەجىر قىلغان باغۋەنلەر ھوسولىدىن شاتلىنىپ ،
ئىزچىللىقنىڭ بايرىقىنى بۇ تۇپراققا تىكىپتۇ .
باغقا كەلگەن بەزىلەر بىر تويۇپلا نەگىدۇر ،
شەپىسىزلا يوقاپ كېتىپ ، باج تۆلەشتىن قېچىپتۇ.
ئەلىف بىلەن بە ھەرپنى تەڭ ئۆگەنگەن قەدىردانلار ،
ئۆز ئەجرىدىن بىنەملەرگە نۇرغۇن ئۇرۇق چېچىپتۇ.
باغدا يوللار بەك راۋان ، ئۆتەر كۈندە نۇرغۇن كارۋان،
گۈزەللىككە كۆپ كىشى چېچەكلەرنى قېتىپتۇ .
بەرنالىقتا باغ مانا شۇنچە كۆركەم بېزىلىپ ،
پەن-مائارىپ ھاۋاسىغا خۇش پۇراقلار قېتىپتۇ .
ئاۋام ئۈچۈن ئىشلەشنى شەرەپ بىلگەن بەزىلەر،
ماكان تۇتۇپ بۇ باغنى يۇلتۇزلاردەك يېنىپتۇ .
ھۆرمىتىم بار ئەۋلادقا مېھرىدىن نۇر چاچقانغا ،
ئەجىر بىلەن تار يوللاردا داغداملىقنى ئاچقانغا .
كۈيلەر قاتسام ئەرزىيدۇ ، تۆردە ئورنى ئۇلارنىڭ،
چاڭقاپ كەتكەن دىللارغا يامغۇر بولۇپ ياغقانغا.
قۇرۇق گەپنىڭ ئورنىغا ئىش -ئەمەلى ئەجرى بىلەن،
بالىلارنىڭ قەلبىگە شامدەك يورۇق چاچقانغا .
ئىللەتلەرگە خەنجەر بولۇپ، لەنەتلەردىن يىراق تۇرۇپ،
نادانلىقنىڭ كۆلبەسىگە ئۈگۈتتىن ئوق ئاتقانغا .
چېچەك بىلەن ئەسرار بولۇپ ،ياۋا ئوتنى باغدىن يۇلۇپ،
گۈللەر ئۈچۈن ئاپتاپ بولۇپ مېھىر بىلەن باققانغا .
تەۋپىق ، دەپ ئوتتا كۆيۈپ ، سۈيىدە تەڭ ئاققانغا ،
تۆردىن ئورۇن كۆرسىتەيلى ، ئەل ئاۋامغا ياققانغا ...
ئىناقلىقتىن ، ئىلغارلىقتىن يىمىرلمەس قورغان قۇرۇپ ،
تەۋپىق ئۈچۈن كېچە-كۈندۈز يورۇق چىراق ياققانغا. |
|
