|
قىممىتىڭ بۈيۈكتۇر، مۇئەللىم
رابىيە ( گۈلخان) color]
پۇلپەرەسلىك قاپلىغان جەمىيەتتە ئادەم قىممىتىنى كىرىمى بىلەن ئۆلچەيدىغان ئاز ساندىكى ئادەملەرنىڭ « گاداي مۇئەللىم » دىگەن يىلتىزسىز قامغاقتەك ئۇچۇپ يۈرىدىغان باھالىردىن ناخوش بولما. نام ئەمەل مۇنوپۇللىقىدىكى مۇھىتتا خوشامەت كۆرپىسىدە گىدەيگەن ، شاردەك كۈپكەن ، مېھنەتسىز كەلگەن دۇنيا مەئىشەتلىرىدىن ھۇزورلىنىپ قىسىلغان خۇنىك كۆزلەردىكى كىبىرگە يۇلۇققىنىڭدا بۈيۈك قامىتىڭنى دۇغدايتما، ئەي مۇئەللىم، قەدىر قىممىتىڭنى يۇقاتماي دىسەڭ!
مۇئەللىم، سىنى تۇنىيالايدىغان كۆز، ئاڭ ئۇلاردا نىمە قىلسۇن. قەدىر قىممىتىڭنى ئەتراپىڭدا بۇغۇندەك ئۇلىشۋالىدىغان ، ساڭا ئۈمۈت، ئىنتىزارلىق، ئىشەنچ بىلەن تىكىلگەن سەبىيلەرنىڭ كۆز نۇرلىرىدىن ھاسىل بولغان مەڭگۈلۈك ھۈرمەتتىن قۇپۇرۇلغان ئوبرازىڭدىن كۆرۈپ باق .
مەھەلە _ يۇرتلارنى ئارلىغىنىڭدا « ئەسسىلام مۇئەللىم!» دەپ سۇنۇلغان قوللاردىكى ھۈرمەت يالقۇنىدىن، ئۇلۇغلارنى كۆرگەندەك ھاياجانلانغان كۆزلەردىكى سەندىن ئاپىردە بولغان ئىپتىخارلىقتىن ئەل قەلبىدىكى ھەقىقى ئورنىڭنى بىلىپ باق.
بۇ ئالەمنىڭ ئېزىتقۇ تۇمانلىرى شەخسى مەنپەئەت شەيتانلىرىڭنى قوزغۇتۇپ، قۇلاقلىرىڭغا ماددىي بايلىقنى جىرىڭلىتىپ، پۇل نازى بىلەن جىلمايسا شۇ تامان ئېزىپ چىپىپ سالما . سىنىڭ بەختىڭ مۇنبەردە ئىچىلۇر. بۇر تۇزانلىرىدا قالغان قەدەم ئىزىڭدا كەلگۈسى ئاپىردە بۇلۇر.
تۇرمۇشتىكى رەڭۋازلىقلاردىن قەلبىڭ زىددىلەنگەندە، مائارىپتىكى بەزى تەڭسىزلىكلەردىن روھىڭ ئازار چۈلىدە تەمتىرەپ قالغاندا ، كەينىڭگە قايرىلىپ قەدەم ئىزلىرىڭغا قاراپ باق. سەن تەربىيلىگەن ئەۋلاتلار ھەر ساھادە ئۇتۇق قازىنىپ، ئىزلىرىڭغا گۈل دەستە تىزغان. ئۇلاردىن تارقىغان خوش پۇراق ھىد جاراھەتلەنگەن قەلبىڭگە شىپاھلىق زەم-زەمىنى سىپىپ ئۆزلۈكۈڭنى جۇلالاندۇرىدۇ.
ئەي مۇئەللىم ،تاماسىز، مىننەتسىز سۇقسا يۈرۈكۈڭ ھەر سۇقۇشىدا ساڭا تەلمۈرگەن ئەۋلاتلارنىڭ بۈگۈنى ئۈچۈن ئىلىمدىن ئوزۇق بېرىپ، ئىنسانىيلىقتىن ئۈلگە تىكللەپ ، ئەتىسى ئۈچۈن ماياك بولىدۇ. قەلبى ئاق قاردەك پاك، ئىلىمخۇمار شۇل پەرىشتىلەرگە توغرا يول كۆرسىتىپ ، خەلقىڭنىڭ ، ۋەتىنىڭنىڭ كەلگۈسى ئۈچۈن ئۇل سىلىشتىنىمۇ ئارتۇق ئولوق خىزمەت يوقتۇر ئالەمدە. پۈتكۈل كائىنات « مۇئەللىم » دىگەن سۆزگە ھۈرمەت سۈكىتىدە تۇرىدۇ. قۇياش سىنىڭدىكى مەرىپەت قۇياشى ئالدىدا قول باغلايدۇ.ئىنسانىيەتتىكى بارلىق ئىلىم_پەن كەشپىياتچىلىرى سىنى ھۈرمەتتە« ئۇستازىم » دەيدۇ.
ئەي مۇئەللىم، سەن گۈزەللىك ياراتقۇچى، مېھىر تارقاتقۇچى ھەم مېھىر بولىقىنى ياراتقۇچى، قەلىبلەرگە مەڭگۈلۈك يورۇقلۇق بەخىش ئەتكۈچى ھەم بەخىت بەرگۈچىدۇرسەن.
ئەي مۇئەللىم ، سىنىڭ قىممىتىڭ بۈيۈكتۇر. بۇ قىممەت ئۆز قۇلۇڭدا. ئۆز-ئۆزەڭنى مىللى مەدىنيەت تۇپرىقىدا ئىچىلدۇرۇپ، كەسپىي مەسئولىيەت ئىڭىدا تۇيۇندۇرۇپ، ئىنسانىي خىسلەتلەردىن بىزەنساڭلا ئەل- ۋەتەن سىنى قىسار بىشىغا تاج قىلىپ. ئىنسانىيەت تىۋىنار سىنى سەجدە قىلىپ. |
يازمىڭىز كىشىگە ئىلھام بېرىدىكەن