| danix |
2012-04-28 21:23 |
ئابدۇشۈكۈرنىڭ << < قەشقەر > دېگەن نامنىڭ كېلىپ چىقىشى>>
دېگەن يوللانمىسىنى ئوقۇپ بولۇپ ، ئاستىدىكى ئىنكاسلاردىن تەۋپىق
ئەپەندىنىڭ يەنى بىر ئادرىس بويىچە يوللىغان يوللانمىسىنى كۆرۈپ قالدىم .
ئابدۇشۈكۈرنىڭ يوللانمىسىغا ئەمدى ئېچىلاي دەپ تۇرغان ئېغىزىمنى
تەۋپىق ئەپەندىنىڭ( دانىش ئەپەندىمنىڭ ئاغزىنى پات - پات تاتىلاپ
تۇرساق ، نۇرغۇن بىلىملەرگە ئىگە بولغىدەكمىز)دېگىنىدەك تەۋپىق
ئەپەندىنىڭ ئۆزىنىڭ يوللانمىسى ئېچىپ قويدى .
مىلادىدىن بۇرۇنقى 7- ئەسىردە( ئېنىقراقى مىلادىدىن ئىلگىرىكى
560 - يىلىدىن مىلادىدىن ئىلگىرىكى 625- يىلى13 - ئاپرىلغىچە)ياشىغان
شاھلارنىڭ شاھى ئەپراسىياپ ( ئالىپ ئەرتۇڭا = قاپلاندەك باتۇر ئەر )
قەشقەرنى پايتەخت قىلىپ تۇرغاندا ، قەشقەر شەھرى كاھىش بىلەن
زىننەتلەنگەن ، كاھىش بىلەن زىننەتلەنگەن قەشقەر شۇ چاغلاردا
پارىسچە كاشىنكار ياكى كاشىغەر (كاھىش بىلەن زىننەتلەنگەن شەھەر )
دەپ ئاتالغان . (<< شىنجاڭ ياشلىرى >> ژورنىلىنىڭ 1985- يىللىق 4-
سانىغا قاراڭ )
ئابدۇشكۈر ئۇيغۇرچە ماتىرىياللار ( ئۇيغۇرلار يازغان ماتىرىياللار)نى
بىر چەتكە قايرىپ قويۇپ ،يوللانمىسىنىڭ بېشىدىلا <<خەننامە>>
دېگەن كىتابلاردىكى تارىختىن سۆز ئېچىپ ، << قەشقەر >> دېگەن نامنىڭ بارلىققا كېلىش
تارىخىنى 400يىلدەك كېمەيتىۋەتكەن . بۇ خۇددى ئۆزىدە ھەممىلا نەرسە
تەل تۇرسا ، يەنى تىلەمچىلىك قىلغاندەك ئىش قىلغان . تىلەمچىگە بىرسى
ئەڭ ياخشى نەرسىسىنى بېرەمدا؟
ئۆزىمىزدە ئالتۇندەك ئېسىل ماتىرىيال تۇرسا ، خەقنىڭ مىستەك ماتىرىيالىدىن پايدىلىنىشنىڭ
نېمە ھاجىتى ؟!
مېنىڭچە ، تارىخىمىزغا ئائىت ئەسەر يېزىشتا ، ئامالنىڭ بارىچە مىللىتىمىز
كىشىلىرى تەرىپىدىن يېزىلغان كىتاب ، گېزىت - ژورناللاردىن ماتىريال ئىزدەيلى.
ئۇنداق قىلمىساق ، خەقنىڭ چالغان دېپىغا ئۇسۇل ئويناپ قويىمىز .
ئەڭ ياخشىسى ئۆزىمىزنىڭ مۇزىكىلىرىغا ئوينىساق پۇت - قولىمىز
ئاسان كېلىدۇ . باشقا مىللەتلەرنىڭ مۇزىكىلىرىغا ئوينىساق ، پۇت - قولىمىز
ئەمەس يەرگە كېتىپ قالىدۇ . بولۇپمۇ تارىخىمىز بۇرمىلىنىۋاتقان ياكى
يۇقىلىۋاتقان شارائىتتا ، تېخىمۇ شۇنداق قىلىشىمىز كېرەك !
تەل تۇرسا ، |
|