查看完整版本: [-- << ئىندىئانلار ئۇيغۇرمۇ>>غا دانىشنىڭ غەزىپى --]

تەۋپىق مۇنبىرى -> تارىخ ۋە مەدەنىيەت -> << ئىندىئانلار ئۇيغۇرمۇ>>غا دانىشنىڭ غەزىپى [打印本页] 登录 -> 注册 -> 回复主题 -> 发表主题

danix 2012-04-27 11:50                             << ئىندىئانلار ئۇيغۇرمۇ ؟ >>غا دانىشنىڭ نارازىلىق جاۋابى                                                  مۇھەممەت مەتنىياز دانىش           << ئىندىئانلار ئۇيغۇرمۇ >> دېگەن بۇ مەسىلە توغرىسىدا مېنىڭچە ، باشقا مىللەت كىشىلىرىنىڭ ( ئالىم دەپ ئاتىۋالغانلارنىڭ)مۇلاھىزىسىنى ئاڭلاشتىن ئاۋۋال مۇشۇ مەسىلىدە باش پىرسۇناژ  بولغان ئۇيغۇر ۋە ئىندىئاندىن بولغان ئاددى كىشىلەرنىڭ سۆزلىرىنى ئاڭلاپ بېقىش كېرەك !       مەن ئۇيغۇر مىللىتىدىن بولغان ، مىللىتىمنى قالايمىقان بىر نەرسە دېسە چىداپ تۇرالمايدىغان ئاددىي بىر ئادەم . باشقا مىللەت كىشىلىرىنىڭ سۆزلىرىگە ھەيران قالغان ھەي قېرىنداشلار مېنىڭ سۆزۈمگىمۇ قۇلاق سېلىپ بېقىڭلار !      << ئىندىئان>> دېسە ، ھازىرقى زامانىۋىي جەمئىيەتتىن يىراقتا قالغان ، تۈزۈككىنە كېيىم - كېچەكمۇ كىيمىگەن بىر توپ تەبىقە كۆز ئالدىمىزغا كېلىدۇ . ئەمدى ئۇ ئىندىئانلارنى ئۇيغۇر يۇرتلىرىدىن كۆچۈپ بارغان<< ئۇيغۇرلار >> دېگۈچىلەرنىڭ ئاغزىغا تۆۋەندىكى پاكىتلار تاش تۇپراق بولۇپ تىقىلغاي :      بىزنىڭ تارىخلىرىمىز بەزى تارىخ ماتىرىياللاردىن چېقىرىۋىتىلگەن بولسىمۇ ، ئانا تۇپرىقىمىز باغرىغا چىڭ بېسىپ ساقلاپ قالغان قېزىلمىلار مىللىتىمىزنىڭ قانداق مىللەت ئىكەنلىكىگە پاكىت بولۇپ ، مىللىتىمىزنىڭ تارىخىنى بۇرمىلىغۇچىلار ئۈچۈن چوڭ توساق بولۇپ ، مىللىتىمىزگە خىزمەت قىلماقتا . ئاتۇشنىڭ بوغاز دېگەن يېرىدىن ئەجدادىمىزنىڭ بىر تاش قاتمىسى قېزىۋىلىنغان بولۇپ ، بۇ يۇڭ تۇقۇلمىدىن كېيىم كەيگەن ئەجدادىمىزنىڭ جەسىدىگە دۇنياۋىي شۆھرەتكە ئىگە ئالىملار << بۇندىن ئون مىڭ يىللار ئىلگىرى ياشىغان < ئاتۇش ئادىمى > ، بۇ ئاتۇش ئادىمى بېيجىڭ جۇكۇدىئەن ئادىمى بىلەن زامانداش >> دېگەن باھانى بەردى . ( تارىخ تەتقىقاتچىلىرىمىز ئەنىۋەر بايتۇر بىلەن خەيرىنسا سىدىقلار تۈزگەن ، 1999 - يىلى 3- ئايدا مىللەتلەر نەشرىياتى نەشر قىلغان << شىنجاڭدىكى مىللەتلەر تارىخى>>نىڭ 7- بېتىگە قاراڭ )     << جۇڭگو تارىخى >> دېگەن دەرسلىكىمىزدە بېيجىڭ ئادىمىنىڭ قىپيالىڭاچ ھالدا بىر توشقاننى توقماققا ئېلىپ ، كېتىۋاتقان رەسمى بار . شۇ بېيجىڭ ئادىمى كىيىم كىيمىگەندە بىزنىڭ ئەجدادلىرىمىز << ئاتۇش ئادىمى>>كېيىم كىيگەن. << ئىندىئانلار چىڭگىز خان دەۋرىدە ئامىرىكىغا قېچىپ بارغان ئۇيغۇرلار ئىدى >> دېگەن سەپسەتەنى تارقاتقۇچىلار قېنى ئويلاپ بېقىڭلارچۇ ، شۇ ئون مىڭ يىل ئىلگىرى كىيىم كىيگەن بىز ئۇيغۇرلار ئەمدىلىكتە 1200 - يىلى ئامىرىكىغا قېچىپ بارغاندا كېيىمسىز برىپتىمىزما ؟ ئاغزىڭلارغا كېيىم - كېچىگى بىلەن چىققان ئەجدادىم << ئاتۇش ئادىمى>>نىڭ تاشقاتمىسى تىقىلسۇن !      << ئىندىئانلار چىڭگىز خان دەۋرىدە ئامىرىكىغا قاچقان ئۇيغۇرلاردۇر دېگۈچى سەپسەتەچىلەر ، سىلەرنى تازا بىر تىللىماقچى ئىدىم ، بولدى تىللىماي ، ئەقلىڭلەر بولسا تۆۋەندىكى پاكىتقا قۇلاق سېلىڭلار !      بىز ئۇيغۇرلار چىڭگىز خان دەۋرىدە ئامىرىكىغا قېچىپ نېمە قىلىمىز ؟ چۈنكى ، بىز ئۇيغۇرلار ئەقىل - پاراسىتىمىز ۋە تېخنىكا تەرەققىياتىمىز بىلەن چىنگىز خان دەۋرىدە ئىنتايىن ئەتىۋارلانغان !      ئانا دىيارىمىز دۇنخاڭدىن قېزىۋىلىنغان ئالتى تال چىلان ياغىچى ئۇيغۇرچە ياغاچ مەتبە 1990 -يىلى8- ئاينىڭ 2- كۈنى دۇنخاڭدا ئۆتكۈزۈلگەن ب د ت مائارىپ ئىلىم - پەن يىغىنىدا << دۇنخاڭدىن تېپىلغان ئالتە تال ئۇيغۇرچە ياغاچ مەتبە دۇنيا بويىچە ئەڭ بۇرۇنقى مىخ مەتبە ھېساپلىنىدۇ >> دەپ ئىتىراپ قىلىنغان . ( << تۇرپان گېزىتى >> 1591 - سانغا قاراڭ )     << جۇڭگو تارىخى>> دا تاڭ سۇلالىسى بىلەن ئۇيغۇرلارنىڭ مۇناسىۋىتى توغرىسىدا مۇنداق بايانلار بار : << تاڭ سۇلالىسى دەۋرىدە ئۆڭلۈك - سۆيگىن توپىلىڭى يۈز بەردى ، تاڭ خانى پايتەخت لۇياڭنى تاشلاپ ، سىچۇئەنگە كەتتى ۋە ئۇيغۇرلاردىن ياردەم سورىدى . ئۇرخۇن ئۇيغۇر خانى لەشكەر باشلاپ كېلىپ ، تاڭ خانىنىڭ پايتەختىنى ئىگەللىۋالغان ئۆڭلۈك - سۆيگۈن توپىلىڭى تېنجىتىپ ، سىچۇئەندە تۇرىۋاتقان تاڭ پادىشاسىنى قايتا تەختتە ئولتۇرغۇزۇپ قويدى >> ( بۇ خىل بايانلار << شىنجاڭنىڭ يەرلىك تارىخى>>دىمۇ بار .    موڭغۇللار تارىخىدىن ھەممىمىزگە مەلۇمكى ، چىنگىز خان قىزى ئالتۇن بېكەنى ئىدىقۇت ئۇيغۇر خانى قۇقار تېگىنگە ياتلىق قىلىپ ، ئىدىقۇت ئۇيغۇر خانىنى << بەشىنچى ئوغلۇم >> دەپ ئاتىدۇ . چىنگىز خان دەۋرىدە ئىدىقۇت ئۇيغۇر خانلىقى دەخلى - تەرۈزگە ئۇچرىمىدى . ئۆزىنى شاھلارنىڭ شاھى دەپ ئاتىغان چىنگىز خان نېمە ئۈچۈن قىزىنى ھەر - ھەر پادىشاھلارغا ياتلىق قىلماي ، نېمە ئۈچۈن ئۇيغۇر خانىغا ياتلىق قىلىدۇ ؟ بۇ ھەرگىزمۇ سەۋەبى يوق ئىش ئەمەس ! ئۇ چاغلاردا بىز ئۇيغۇرلاردا چىڭگىزغان ئەڭ ئېھتىياجلىق بولغان ئىككى ئەنگۈشتەر بار ئىدى !   بىرى ، دۇنيانىڭ مىڭ يىلىدا بارلىققا كەلگەن ئەڭ زور كەشپىياتلار قاتارىدىن ئورۇن ئالغان << ئۇيغۇر زەمبىرىكى >> بۇ زەمبىرەك 1182 - يىلى ئىدىقۇتتا كەشپ قىلىنغان بولۇپ ، كۆيدۈرگۈچىنىڭ پارتىلاش كۈچىنى نو شەكىللىك ئەسۋاپ ئارقىلىق جارى قىلدۇرىلىدۇ . ھەر قېتىم ئېتىلغاندا يېرىم مو دائىرىدىكى ئادەم ۋە نەرسىلەرنى تەلتۆكۈس كۆيدۈرۈپ تاشلايدۇ .( << شىنجاڭ ياشلىرى>>نىڭ 1983 - يىللىق 11- سانىغا قاراڭ )   ئەنگۈشتەرنىڭ ئىككىنچىسى ، تىل - يېزىق بولۇپ ، چىنگىز خان دەۋرىدە نۇرغۇن مىللەتلەرنىڭ يېزىقى يوق ئىدى . بۇنىڭ ئەكسىچە ، ئۇيغۇرلار ئۇ چاغدا تۆت -بەش خىل يېزىقنى ئىجات قىلىپ بولغان . چىنگىز خان ئۇيغۇر خانىغا ئەڭ ئەتىۋارلىق قىزىنى ياتلىق قىلىش ئارقىلىق يۇقارقى ئىككى ئەنگۈشتەرگە ئېرىشىپ ، يولۋاسقا قانات چىققاندەك كۈچىيىپ كەتكەن .    1229 - يىلىدىن 1241 - يىلىغىچە ئۇيغۇر كوز كوز موڭغۇللارنىڭ ئىراندىكى مەمۇرى باش ئەمەلدارى بولغان . شۇ ئىلخانلار دەۋرىدە موڭغۇللار ئىگىلىگەن زېمىنلاردىكى پۇقرالارنىڭ بەش ياشتىن باشلاپ ئۇيغۇر يېزىقىنى ئۆگىنىش يارلىقى چۈشۈرۈلگەن . << ئۇيغۇر بىناكارى ئەختەرىدىن 1262- يىلى چەىنخاڭداۋ  ئارىلىنى بىنا قىلىش تەكلىبىنى بەرگەن .1263 - يىلى چىنخاڭداۋ ئارىلىنى بىنا قىلىش يارلىقى چۈشۈرۈلگەن . 1265 - يىلى چىنخاڭداۋ ئارىلىنى بىنا قىلىنغان . ئۇيغۇر بىناكارى ئەختەرىدىننىڭ لاھىيلىشى بىلەن بۇ ئارالغا << تايدۇ >> ( ئۇلۇغ پايتەخت) بىنا قىلىنغان . تايدۇ ھازىرقى بېيجىڭنى كۆرسىتىدۇ . شۇ چاغدا سېلىنغان پايتەخت ھازىرقى گۇگۇڭ خان سارىيىدۇر . ( << تۇرپان گېزىتى >> 1591 - سانغا قاراڭ ) دېمەك ، چىنگىز خان دەۋرىدە بىز ئۇيغۇرلار شۇنداق ئەتىۋارلانغان ھەم ئەقىل - پاراسەت ، بىلىم تېخنىكا جەھەتتە شۇنداق تەرەققىي قىلغان تۇرسا ، بىز ئۇيغۇرلارغا ئامىرىكىدا پوق بارمۇ ؟ ئۇيغۇرلار ئامىرىكىغا قېچىپ بېرىپ ئىندىئان بولغان دېيىش ساراڭلارچە جۆيلۈش ئەمەسمۇ ؟!!    مەن يەنى يازىمەن ! مىللىتىم توغرىسىدا كىمىكى ساراڭلارچە جۆيلىسە ، مەن يەنە يېزىشقا تەييار !

natiwan 2012-04-27 14:08 :<< ئىندىئانلار ئۇيغۇرمۇ>> دېگۇچىلەر تويدۇڭلارمۇ ؟ دانىش مۇئەللىمنىڭ دەلىللىرىگە بەكمۇ قايىل بولدۇم. رەخمەت سىزگە. . . .

gulhan 2012-04-27 15:38 مەنمۇ بۇ << ئىندىئانلار ئۇيغۇرمۇ>> دىگەن تېممنى سىرداش مۇنبىرىدە كۆرۈپ، ئەجەپلىنىش ئىچىدە  مۇنبەرگە يوللاپ قويغان ئىدىم.    تارىخى بىلىم قورۇلمامنىڭ چەكلىكىدىن ئالدىراپ بىر نەرسە دىگۈم كەلمىدى.   مانا دانىش مۇئەللىم تورپان رايونىغا تونۇلغان تارىخى بىلىمى كۆپ قەلەم ئىگىسى بولۇش سۈپىتى بىلەن بۇ قاراشقا   تەپەككۈر كۆزى بىلەن قاراپتۇ. بارىكاللا، دانىش مۇئەللىم، پاساھەت،چىنلىق چاقنىغان يازمىڭىزغا.

tikan 2012-04-27 16:39 بۇ ئىككىسى  ئىككى مىللەت ئىدىغۇ؟نىمە ئۈچۈن بۇنداق خاتا كۆز قاراشتا بۇلۇپ قالىسىلەر.ئەجرىڭىزگە رەھمەت مۇئەللىم،ياخشى تېمىلارنى يوللاپسىز.

ziba101 2012-04-28 11:33 دەلىللىرىڭىز ناھايىتى جايىدا بولدى،رەھمەت سىزگە!

tawpek 2012-04-28 13:30 1.شۇ ئون مىڭ يىل ئىلگىرى كىيىم كىيگەن بىز ئۇيغۇرلار ئەمدىلىكتە 1200 - يىلى ئامىرىكىغا قېچىپ بارغاندا كېيىمسىز برىپتىمىزما ؟ 2.<< دۇنخاڭدىن تېپىلغان ئالتە تال ئۇيغۇرچە ياغاچ مەتبە دۇنيا بويىچە ئەڭ بۇرۇنقى مىخ مەتبە ھېساپلىنىدۇ >> دەپ ئىتىراپ قىلىنغان . 3.دۇنيانىڭ مىڭ يىلىدا بارلىققا كەلگەن ئەڭ زور كەشپىياتلار قاتارىدىن ئورۇن ئالغان << ئۇيغۇر زەمبىرىكى >> بۇ زەمبىرەك 1182 - يىلى ئىدىقۇتتا كەشپ قىلىنغان 4. ئۇيغۇر بىناكارى ئەختەرىدىننىڭ لاھىيلىشى بىلەن بىنا قىلىنغان پايتەخت ھازىرقى گۇگۇڭ خان سارىيىدۇر . ھاياجان ئىلكىدە مىڭەمگە قۇيۇپلىۋالدىم ما پاكىتلارنى.  پات-پات دانىش مۇئەللىمنىڭ ئىغىزىنى تاتىلاپ تۇرساق بولغۇدەك.

asarshah 2012-04-28 19:02 دانىش ئەپەندى بەكلا يېنىكلىك قىپسىز، ئاتۇش ئادىمى بولغان ياكى يەنە نۇرغۇن مەدەنىيەتلەرنى ئىختىرا قىلغان مەدەنىيەتلىك ئۇيغۇرنىڭ  ئۆز مەدەنىيىتىنى ئۆز پېتى كۆتىرىپ باشقا يەرگە كىتەلىشى مۈمكىنمۇ، ئۇقۇمنى ئالماشتۇرىۋەتمەڭ، بۇ ئارقىلىق ھىچقايسى ئالىم ئۇيغۇرنى مەدەنىيەتسىز دېگىنى يوق، پەقەتلا ئۇيغۇر مەدەنىيىتىنىڭ بەزى ئىپتىدائى ئىزلىرى ئۇلاردا كۆرۈلگەن، بۇ بىر تەتقىقات. ئەلۋەتتە دۇنيادا ھىندىئانلارنىڭ ئىسمىمۇ بىزدىن مەشھۇرراق. بەزى تۇققانلىرىڭىز سىزدىن دۆترەك، مەدەنىيەتسىزرەك چىقىپ قالسا ئۇلارنى تاشلىۋىتىدىغان ئوخشىمامسىز؟ مەھمۇد قەشقىرىنىڭ قەلىمىدىكى ئۇيغۇرلارنىڭ بىر سۈپىتى بىر يانچۇقىدا ئېغىزىنى ئېيتىدىغان بىر قولياغلىق، يەنە بىر يانچۇقىدا بۇرنىنى ئېيتىدىغان بىر قولياغلىق بولىدىكەن. لېكىن ھازىر ھىچقايسىمىزنىڭ يانچۇقىدا ئىككى قول ياغلىق يوق، ئەجەبا مەدەنىيەتتە بىزدە چېكىنىش بولمىدىمۇ؟ ياكى بىزمۇ ئۇيغۇر بولالمامدۇق؟ياق، مەدەنىيەت ئامىلىي زامان، ماكانغا بېقىپ ئۆزگىرىدۇ. تەپەككۇرىمىز ئەركىنرەك بولسۇن، پىكىر ئىگىلىرى.

danix 2012-04-28 20:31 asarshah قا نېمە دەيدىغىنىمنى مۇنبەرداشلار <<  asarshah قا دانىشنىڭ ئىتىرازى>> دېگەن يوللانمامدىن كۆرگەيگەي .

kalbinur 2012-04-28 23:28 مەسىلىلەرگە ئىلمىي مۇئامىلە قىلايلى...

akkax 2012-04-28 23:57   传统说法是一万年前的黄色人种从白令海峡迁徙过去的，上面有点错误，黄色人种都叫蒙古利亚人种，简称蒙古人种，和蒙古民族不是同一概念。当时迁移过去的人群主要是西伯利亚的，和中国人的关系还是比较远的。 现在又有了新的说法，是几个美国考古学家提出的，主要是他们在美国西海岸发现了一种圆饼人工巨石，中间有孔，而这种石头的石料是美国西部没有的，也不知道这种巨石是干什么用的。偶然他们发现这种巨石和商朝时候中国轮船的船锚很象，并且测定巨石的年龄也和商朝也很符合，于是大胆推测这些巨石是商朝灭亡时候，商的遗民移居到北美留下的。这样得出印第安人是一万年前人和中国商人的后裔。这些考古学家还寻找了一些佐证，但证据还是不太充分，这种学说处于怀疑阶段。   بۇ ماتېرىيالنى خەنلەر بەيدۇ تورىغا چىقىرىپ قويۇپتۇ ھەم ئىندىئانلارنىڭ خەنلەرنىڭ ئەۋلادى ياكى ئەمەسلىكى توغرىسىدا تالاش - تارتىش قىلىۋېتىپتۇ. ئەمما پاكىت ئېنىق. كۆچكەن ۋاقىت بۇنىڭدىن ئون مىڭ يىللار ئىلگىرى. چىڭگىزخان بۇددالارنىڭ سانسارا تەلىماتى بويىچە نەچچە قېتىم تۆرەلگەن بولغىيمىدى؟   بۇندىن ئون مىڭ يىللار بۇرۇن قايسى مىللەت ئەڭ بۇرۇن شەكىللەنگەن ۋە ئۆزىنى مىللەت دەپ ئاتىغان بولغىيدى؟    ئىرىق نۇقتىسىدىن ئالغاندا، ئىندىئانلار ئېنىق سېرىق تەنلىك. ئۇيغۇرلار بولسا ئاق تەنلىك ئىرىق. بۇ نۇقتىدىن ماس كەلمەيدىغۇ دەيمەن.   ماتېرىيالنى خەنچە پېتى كۆچۈرۈپ كەلگىنىمدىن ئۆزرە ئېيتىمەن.   ئاخىرىدا دەيدىغىنىم، كىچىككىنە ئىش ئۈچۈن ئاق تاغ ، قارا تاغ بولۇشۇپ كەتمىسەك! گېپىم ياقمىسا مۇشۇ يەردىلا قالسۇن!

arzu 2012-04-29 22:49 دانىش ئۇستازغا راستلا قايىل بولدۇم، ئاتتىلا، كۆكسانغۇن، تەۋپىق، ئۆزقان، ياشار، نازپەرۋەر، كۆسۇلتان.... دېگەندەك دوستلىرىم بىلەن بىر سورۇندا بولالىغىنىمدىن بەكمۇ خۇرسەنمەن....

查看完整版本: [-- << ئىندىئانلار ئۇيغۇرمۇ>>غا دانىشنىڭ غەزىپى --] [-- top --]

Powered by PHPWind v7.3.2 Code © 2003-08 PHPWind
Time 0.027704 second(s),query:3 Gzip disabled

You can contact us