查看完整版本: [-- تامچە مېھرى --]

تەۋپىق مۇنبىرى -> نەسىرى ئەسەرلەر -> تامچە مېھرى [打印本页] 登录 -> 注册 -> 回复主题 -> 发表主题

uzqak 2012-04-26 00:43 تامچە مىھرى << ... قېرىنداشلار ، ئاتىلار ، ئانىلار ۋە ئارقاداشلار ! مەن بېشىمدىن ئېغىر سەرگۈزەشتىلەرنى كەچۈرۈپ ، يۇرتۇم ئۈچۈن ئىشلەش مەقسىتىدە بىلىم ئېلىپ كەلگەنمەن . يۇرت خەلقنى ئاسارەت كىشەنلىرىدىن قۇتۇلدۇرۇش ئۈچۈن مۇئەللىملىك كەسپىنى ئەڭ ئۇلۇغ كەسىپ ، ئوقۇتقۇچىلىق يولىنى ئەڭ توغرا يول دەپ تاللىۋالغانمەن . قاچاندۇر بىر كۈنى مېنى ئالتە پۇڭلۇق قۇغۇشۇن ئوق ئاخىرەتكە ئۇزىتىشى مۇمكىن . مەن ۋەتەن يولىدا ، مەرىپەت يولىدا ئىسسىق قېنىمنى تۆكۈشتىن زادى يانمايمەن ... >> «مەمتىلى ئەپەندى ئۆز پىلانىغا ئاساسەن بىر تەرەپتىن ئاتۇشنىڭ ئوڭئېرىق كەنتىدە 60 نەپەر ئوقۇغۇچىدىن تەركىب تاپقان < ئوڭئېرىق مۇئەللىملەر يېتىشتۈرۈش كۇرسى > نى ئېچىپ ، ئۆزى يالغۇز دېگۈدەك تىل – ئەدەبىيات ، ماتېماتىكا ، جۇغراپىيە ، تارىخ ، تەنتەربىيە ، ناخشا – مۇزىكا قاتارلىق پەنلەردىن دەرس ئۆتۈش ؛ دەرس تەييارلاش ، مەكتەپ خىزمىتىگە رىياسەتچىلىك قىلىش قاتارلىق ئېغىر ۋەجاپالىق خىزمەتلەرنىڭ ھەممىسىنى قالدۇرماي ئىشلەيدۇ. يەنە بىر تەرەپتىن ، ھەر قايسى مەكتەپلەرنىڭ قۇرۇلۇشىنى چىڭ تۇتىدۇ .›› «ئۇنىڭ ھەر قايسى مەكتەپلەر قۇرۇلۇشى ئۈچۈن سەرپ قىلىنىدىغان ۋاقتى ئاساسەن كەچقۇرۇنلۇق ۋاقىت بولىدۇ . ئۇ كۇرستىكى مەشغۇلاتلىرىنى تاماملاپ بولغاندىن كېيىن ، ئۈلگۈرسە تاماق يەپ ، ئۈلگۈرمىسە نان ئېلىۋېلىپ ، ئېتىغا مىنىپ چىقىپ كىتىپ ئاتىلار ھەيئىتى بىلەن مەكتەپ قۇرۇلۇشى ئەھۋالىنى مۇزاكىرە قىلىدۇ ، پۇلدارلارنى يىغىپ ئىئانە توپلايدۇ . ئۇ كۆپ ھاللاردا كېچىلىرى قانغۇدەك ئۇخلىماي ، ھەتتا پۈتۈن كېچىلەپ يىغىن ئېچىپ ، تاڭ ئاتقاندا مەكتەپكە قايتىپ كېلىپلا دەرسكە كىرىدۇ . مۇشۇنداق جاپالىق ئىشلەش ئارقىلىق ئۇ پىلانىنى ئىشقا ئاشۇرىدۇ . ئاشۇرغاندىمۇ ئالتە ئايدا ئەمەس ، بەلكى مۇددەتتىن بىر ئاي بۇرۇن ئەمەلگە ئاشۇرىدۇ. جامائەتچىلىكنىڭ قوللىشىنى قولغا كەلتۈرۈش ۋە جامائەتكە ياخشى ئىش قىلىپ بېرىش يۈزىسىدىن ئوقۇتقۇچى ، ئوقۇغۇچىلار ئارىسىدا خالىسانە ئەمگەك تۈزۈمىنى يولغا قويىدۇ ھەمدە ئۆزى باشلامچى بولۇپ ئېتىز – ئېرىق ۋە يول بويلىرىغا 100 مىڭ تۈپتىن ئارتۇق كۆچەت قويۇپ چىقىدۇ .›› ---- «مەمتېلى ئەپەندى››  دىن ئېلىندى . مۇشۇنداق كىشىنى تەسىرلەندۈرىدىغان ئەسلىمىلەر قوينىدا «ئوقۇتقۇچى ›› دېگەن نام ئۈستىدە قايتا- قايتا ئويلىنىمەن. بىز ساناب بەرگەن ۋە بېرەلەيدىغان مەشھۇر شەخسلەرنىڭ ھەمىسىنىڭ ئۇستازى، ئوقۇتقۇچىسى بولغان . ئۇلار  مەشھۇر شەخسلەرنىڭ قىزىقىشى ، غايىسىگە ئوت ياققۇچى بولغان . ئۇلارنىڭ بەزىلىرى  مەمتېلى ئەپەندىدەك تىرىك كۆيدۈرۈلگەن، بەزلىرى كىرىسلارغا مىخلانغان، تۈرلۈك سۈيقەس پىلانلار  ئوراپ تۇرغان شۇ قاراڭغۇ زۇلۇمەتتە يورۇق نۇر بولغان! تۇرۇپلا ئۆز – ئۆزەمدىن سوراپ قالدىم . قاراڭغۇلۇق ئىچىدىنمۇ يورۇقلۇق تېپىشقا جۈرئەت قىلىش بىلەن يورۇقلۇق ئىچىدە تۇرۇپمۇ قاراڭغۇلۇقنى خالاشنىڭ  چىگرىسى بەك  ئىگىزمۇ قانداق ؟   يەر شارىدا نۇرغۇن چىگرا سىزىقلىرى بار ،ئۇ سىزىقلار بەزىدە چوڭ قىرغىنچىلىقلارغا شاھىت بولىدۇ .بەزىدە زىمىن ماجرالىرىنى ۋايىغا يەتكۈزىدۇ . ئوقۇتقۇچىنىڭ يۈرىكىدىكى ئۆز مەسئولىيىتىنى تۇنۇش بىلەن تۇنۇماسلىق ئوتتۇرسىدىكى چىگرا سىزىقى ،جاھالەت  بىلەن مەرىپەتنىڭ چىگرا تېمىنى سۇقۇپ قۇيۇدۇ .بۇ چىگرا بىر قەۋىمنىڭ گۈللىنىش ،خارابلىنىشىشنى پاسىل قىلىدۇ . خارابلىق ئىچىدە  مەدەنىيەتنىڭ ئۈزۈندىلىرى ھالسىرايدۇ ، تارىخنىڭ ئىزنالىرى سۇسلىشىپ ئۆڭۈپ ئۆز رەڭگىنى تۇنۇمايدۇ  ، ئەۋلاد نارازلىق ، قىيداش كىشەنلىرىدە ئۆزىنى بوغۇپ ئۈمۈدۋارلىق ،غايە – ئېتىقادې ،ئىشەنچ زەمزەملىرىنى  رەت قىلىدۇ... شۇڭلاشقىمۇ  ئوقۇتقۇچىنىڭ يۈرىكى پەقەت گۆش ۋە قان ئەمەس.ئۇ سۆيگۈ بۇلۇقى ، بىلىم بولۇقى ھەممىدىن مۇھىمى ئۇ  مىللى مەسئولىيەتنى ئوڭ  كىلاپان،يېڭى تەپەككۈر ۋە ئىزچىل  ئۆگىنىشنى سول كىلاپان قىلىپ ئەۋلاد ئۈچۈن يېڭى قان تەغدىم قىلىدىغان ھېسىيات ۋە بىلىم قوشمىسىدىن پۈتكەن ئالاھىدە يۈرەك  !   دۇنيا  يىغلايدۇ، يىرتىلغان يەڭلىرىدە ، سۈرتۈپ كۆزىنى ، قارغاپ ئۆزگىنى ... ئىزدەپ يۈرەر ، يۈتۈپ كەتكەن ، ئۆزىنى . ئاقارتىشقا ئاتالغان قەدەملەردىن پۈتكەن تەۋپىق مۇنبىرىگە قەدەم قويدۇم ....... (داۋامى  بار .ئالدىنقى قېتىم مۇنبەرگە يوللىنىپلا يۇقاپ كەتتى شۇڭا قايتا يوللىدىم )

tikan 2012-04-26 12:53 ياخشى تېمىلارنى يوللاۋاتىسىز،ئەجرىڭىزگە رەھمەت.چاقچاق قىلىشىمدىن قورقتىڭىزمۇ يا؟

gulhan 2012-04-27 20:08 ئۇزچاقنىڭ << تامچە مېھرى>> مۇ ئۆزگىچە مېھرى بىلەن تارتىدىكەن ئادەمنى.   قەدەملىرىڭىز ھەر زامان چاقنىماقتا ،تەۋپىقتە. دائىم ياخشى تىلەكلەر تىلەيمىز قەدەملىرىڭىزگە...

tawpek 2012-04-27 20:29 مەكتەپ مۇدىرلىرىمىزنىڭ بىزنى خىزمەتكە رىغبەتلەندۈرۈپ تالاي ئاچقان يىغىنلىرى، تۈزگەن تەدبىرلىرى ھەتتا قوللانغان جازالىرىمۇ تەۋرىتەلمىگەن قىزغىنلىقلىرىمىزنى سىزنىڭ مۇشۇنداق تېمىللىرىڭىز قوزغىتىۋاتىدۇ. ئادىمىيلىكنى سۆيىدىغان، ئىنساننى قەدىرلەيدىغان ، مائارىپقا بىغىشلانغان روھلارنى سىز ئويغىتىۋاتىسىز. يەتتە يىلدىن بىرى سۈر ھەيۋەم بىلەن ئوقوغۇچىلارنى ئىتائەت قىلدۇرۇپ كۆزگە كۆرۆنگەن بولسام مۇشۇنداق تېمىللىرىڭىزنىڭ تەسىرىدە بارغانسىرى مىھىر-مۇھەببەت ئاتا قىلىش، قەدىرلەش ، كۆيۆنۆش، چۈشىنىش، ئىززەتلەش ئارقىلىق ئوقۇغۇچىللىرىم غەلبىدە ھۆرمەت تىپىۋاتىمەن. يەنىلا تىرىشسساق يوقاتقانلىرىمىزدىن ئىرىشكەنلىرىمىز مول بولىدىكەن. داۋاملىق سۇنۇپ تۇرۇڭ. ئۇلۇغۋار روھىڭىزنى ماگىنىت دولقۇنلىرى ئارقىلىق ئۆزىمىزگە مۇجەسسەملەۋاتىمىز. ماي جالاۋاتقاندەك بولىمەن ئۆزۆمگە

danix 2012-04-27 22:31     بىر تامچە سۇدىن پۈتۈن دېڭىزنى قىياس قىلغىلى بولغاندەك ئۇزچاقنىڭ تامچە مېھرىدىن ئۇنىڭ پۈتۈن كەچۈرمىشىنى كۆرگەندەك بولدۇم .

uzqak 2012-04-29 14:01 داۋامى ؛ ئەڭ دەسلەپ «تەۋپىق» مۇنبىرىگە كۆكسانغۇن مۇئەللىمنىڭ تەشەبۇسى بىلەن كىرگىنىم ئىسىمدە.شۇ كۈنى تەۋپىق  چ چ توپىنىڭ قۇشۇلۇش ئۇچۇرىنى تاپشۇرۋېلىپ قۇشۇۋالدىم . «كۆكسانغۇن  » دېگەن ئىسىم  تارىخى نام بولغاچقىمىكىن ئىشقىلىپ دېقىتىمنى تارتتى . ئويغۇر تىلىدىن ئۇچۇرغان مەسلىنى بۇ مۇئەللىمدىن سوراپ باقسام نېمە دەر؟ مېنى تازا دۆت نەرسىكەن دەپ قالارمۇ -يە؟ ئادەم بەزىدە مۇشۇنداق ئۆگىنىش ئۈچۈنمۇ يۈز تالىشىپ قالىدىغان گەپكەن.  توي – تۈكۈن ،نەزىر – چىراقلىرىمىزدىكى يۈز تالىشىشتىنمۇ خەۋىپى ئېغىراراق ، ئاقىۋىتى نۇرغۇن كىشلەرگە ئىدىيە ۋاباسى ئېلىپ كېلىدىغان بىر يۈز تالىشىش بار، ئۇ بولسىمۇ زىيالىلارنىڭ «يۈز تالىشىش» ى، ئوخشاش بولمىغان ئىدىيەلەرگە يۈز تالىشىش خارەكتىرىدە ھۇجۇم قىلىش، ياكى پىكىر قىلىش...ئىدىيە ئىتپاقلقىغا زىيان سالىدىغان ، بۇ يۈز تالىشىشنى بىرلا كىچىدە سۈرۈم- توقاي قىلىپ،  يۇقاتقىلى بولسىدى ئاغزىمىزدىن چىقىۋاتقان ئۈگۈت -تەربىيەلەرنىڭ كۈچى بىلەن ئىتپاقلاشقان زىيالىلار توپى ، ئىتپاقلاشقان قەۋىم ، ئىتپاقلاشقان شېركەت يەنە ئىتپاقلاشقان... نۇرغۇن تۈرلەر مەيدانغا كەلگەن بۇلاتتى ... خىياللىرىم مېنى بىردەمدىلا ئاللىقاياقلارنى ئايلاندۇرۇپ يەنە مەقسىدىمگە قايتۇرۇپ كەلدى.   ئىككىلىنىش ئىچىدە سالام قىلدىم . دەل ۋاقتىدا قايتۇرۇلغان جاۋابتىن سەل يىنىكلەپ ئۇچۇرغان مەسلىنى سورىدىم ... ئەتىسى مەسىلىنىڭ ھەل بولىشى بىلەن تەۋپىق مۇنبىرىنىڭ ئەزاسى بولۇپ قالدىم . كيىنچە تەۋپىق ،ئۆزقان ، ياشار مۇئەللىم ، ئاق گۈل ،ناتىۋان ، ئانا يۇرت 0995 ، ئەردەم،  ئەرك، ئاتەش قىز، تىكەن ... دېگەندەك كەسىپداشلار ۋە ئۇستازلار بىلەن ،يىقىندىن بېرى مۇئەممار ، دانىش، گۈلخان ، يەنە چارتېكىن  ئەقىيدە 228، تىلماس ... دېگەندەك ئوقۇتقۇچى  - ئۇستازلار بىلەن مۇنبەر يۈزىدە يوللىغان يازمىلار ئارقىلىق پىكىرلىشىش، تۇنۇشىش پۇرسىتىگە ئېرىشتىم . .. ھەر قېتىم مۇنبەرنى كۆرگەن ۋاقتىمدا سان- سېپىرلارغا قاراپ قويىمەن . بۇ سان سېپىرلار بەزىدە مېنى ئويلىنىشقا، بەزىدە تىرىشىشقا بەزىدە ھاياجانلىنىشقا ، بەزىدە چوڭقۇر مىننەتتارلىققا باشلايدۇ. بۇ سانلار ئۈستىدە ئىنچىكىلەپ تەھلىل قىلىپ باقسا  باشقىلارمۇ  ماڭا ئوخشاشلا تەسىراتقا كېلىشى مۇمكىن.   مەن بۇ مۇنبەرگە كىرگەندە 460 نەچچە ئەزا بار ئىدى. ھازىر 1027 گە يەتتى. (460-يىلى جۇجانلار جۇرچى قەۋىمىنىڭ قۇچۇدىكى ھۆكۈمرانلىقىنى ئاغدۇرۇپ تاشلاش ، گەن بوجۇنى قۇچۇغا پادىشاھ قىلغان .1028 –يىلى ئېلى تېكىن يۈسۈپ قادىرخاندىن كەچۈرۈم سوراپ ،قاراخانلارنىڭ مەركىزى – قەشقەرگە بويسۇنىدىغانلىقىنى بىلدۈردى ) ئەگەر مۇبالىغە قىلىپ بۇ سانلارنى  تارىخى سانلار بىلەن تەققاسلىساق ئۇ ئۇزۇن بىر تارىخ . ئۇنىڭ ئىچىدە گۈللىنىش ، يىمىرلىنىش، گۈللىنىش، قۇشۇلۇش دېگەندەك نۇرغۇن جەريان بار. خەنزۇچە تور بەتلەردە ， تور بەتلىرى توغۇرسىدا مۇنداق ئۇچۇرلار بار . پۈتۈن دۇنيادا 50 مىليوندىن ئارتۇق تور پونكىتى  بولۇپ . (全球网站数量已经超过5000万个)،دۆلىتىمىزدىلىكىسى 1% تىن كۆپرەكنى تەشكىل قىلىدۇ . (    中国网站只占其中的1％略多而已)  دۆلىتىمىزدىكى تور پونكىتلىرى 69 تۈمەندىن ئارتۇق . (网站数量超过69万个) . بۇنىڭ ئىچىدە قانچىسى  مائارىپ ھەققىدىكى تور بەتلىرى ، يەنى كېلىپ قانچىسى  ئويغۇر تىلىدىكى تور بەتلىرى ، يەنى قانچىسى ئويغۇر مائارىپنى چىقىش قىلغان تور بېتى بۇنىسى ماڭا ئېنىقسىز؟ قىسقىسى ؛  تەۋپىق مۇنبىرى تور دۇنياسىدىكى بىر تامچە ،  بۇ تامچە يەنە دۆلىتىمىزنىڭ تورچىلىق  دېڭىزىغا قۇشۇغلۇق. يەنە مۇنۇ سانلار ؛ ئۆزقان ئومۇمىي يازما: 1105  تەۋپىق ئومۇم يازما : 6213  كۆكسانغۇن  ئومۇمىي يازما: 2612      ئاق گۈل ئۇمۇم يازما   :932 بۇ سانلاردىن پۈتكەن يازمىلارنىڭ سۆزلىرىنى ،ھەرپلىرىنى ئەڭ مۇھىمى مىڭە ۋە روھنىڭ نەچچە قېتىم تولغاقلىنىپ نېمە ئارزۇلار بىلەن پۈتكىنىنى ھېسابلاشقا ئامالسىزمەن، لېكىن ماڭا ئىنىقى ئۇلاردىكى مەسئولىيەت  ، ھەر بىر قېتىمقى تەشۋىقاتنىڭ كەينىگە يۇشۇرۇنغان بۇ مۇنبەرنى گۈللەندۈرۈشكە بولغان ئىشەنچ، ئالدىراشچىلىق ئىچىدىن ۋاقت چىقىرىپ يازمىلارنى كۆرۈش ،تەھرىرلەش دېگەندەك كۆپ خىل مەزمون ۋە شەكىلگە ئىگە پائالىيەتلەرنىڭ كەينىدە بىر ئۇلۇغ مەقسەت بار ، «تەۋپىق» نامى بىلەن ئاتالغان بۇ مۇنبەرنى ئوقۇتقۇچىلارنىڭ پايدىلىنىش مەنبەسى ، پىكىر ئالماشتۇرۇش مەنبەسى ، ئۆگىنىش، تەسىرلىنىش ، قوللاش مەنبەسىگە ئايلاندۇرۇش..... خوتەننىڭ چەت بىر يېزىسىدىن ئۆزىنى ئىپادىلەشكە ، قىممىتىنى يارتىشقا تىرىشقان بىر ئاددى ئوقۇتقۇچىنىڭ روھىدىن تامغان تامچە يەنى  «تىل – ئەدەبىيات ئوقۇتقۇچىلىرىنىڭ ھەمكارلىق سەيناسى بولۇش كېرەك » دېگەن ئارزۇ – ئۈمىد ى چېچەك ئېچىپ .مۇنبەردىكى ئوت يۈرەك ئۇستازلارنىڭ  خالىس تۆھپىسىدە بۇ مۇنبەر  ئۆز خاسلىقىنى نامايەن قىلدى. ( داۋامى بار)

yaxar 2012-04-30 13:50 ئۇزچاقنىڭ بۇ يازمىسىمۇ ناھايىتى چوڭقۇر مەناغا تويۇنغان يازما بوپتۇ، داۋامىنى ئىنتىزارلىق بىلەن ساقلاۋاتىمەن.

gulhan 2012-04-30 17:46 تامچىغا ئىنتىزار قەلىب ئىتىزىم. كۈتمەكتىمەن ئۇزچاننىڭ زەم-زەم تامچىلىرىغا...

查看完整版本: [-- تامچە مېھرى --] [-- top --]

Powered by PHPWind v7.3.2 Code © 2003-08 PHPWind
Time 0.023220 second(s),query:3 Gzip disabled

You can contact us