| kaqur | 2012-04-18 23:14 |
|
كىرپە ۋە ئازغان ئەسلىدە كىرپە ئىدىم كۆپ تىكەنلىك، تىكەننى يۇلىۋەتتىم سېنىڭ ئۈچۈن. كۆپ يىغلاپ ھالىمدىنمۇ كېتىپ قالدىم، بىلمىدىم يۈرەك قاچان بولار پۈتۈن. سەنمۇ ھەم بىر تىكەنلىك ئازغان ئىدىڭ، تىكىنىڭ قان ئاققۇزدى يۈرىكىمدىن. تىكىنىم سانجىلمىسۇن ساڭا دەپلا، يەتكۈچە ئازابلارنى يۈدىۋالدىم. ئازابتىن قورقامدۇ چىن ئاشىق دېگەن، كەل ئازغان، تىكىنىڭمۇ راھەت ماڭا. سۆيگۈڭنى بەرسەڭلا شۇ كۇپايىدۇر، مەندەك بىر سەۋدا بولغان بىچارىغا. سۆيسەمكەن دەيمەن سېنى ئاداققىچە، كەت دېمە مېنى قوغلاپ ئۆز يېنىڭدىن. كەلسەڭ گەر كەتمەس بولۇپ كەلگىن بىراق، ئارقامغا بۇرۇلساملا قاچما بىردىن. _2011.05.17_ نىقاب ئىرادىلىك دەيتتى مېنى ھەممىسى، قەلبىمدىكى دەردلىرىمنى بىلمىگەچ. نىقابىمنى تاقىۋالغاچ ھەردائىم، ئەسلىدىكى چىرايىمنى كۆرمىگەچ. يىغلاشنىمۇ بىلەرمىدۇ، دەپتىكەن، كۆپ كىشىلەر «غەيۋەت» قىلىپ ئارقامدىن. «ئۆلۈمدىمۇ كۈلەرمىكىن دەيمەنغۇ، پەرقى يوقتۇر ئۇنىڭغا ھېچ بايرامدىن.» بەزىلەر راست «ئېگىلمەيدۇ بۇ قىز» دەپ، خۇشخۇي ئەمما بەك ھاكاۋۇر چاغلاركەن. ئىشەنچ، ئۈمىد، بەخت، غايە ھەممىنى، بىر تېنىمگە مۇجەسسەم، دەپ ئويلاركەن. غايىۋىلىك باردۇر ئۇشبۇ ئوبرازدا، بەلكىم ياتلار راست چۈشەنمەس قەلبىمنى. ئۆزۈممۇ ھەم «ۋاز كېچىمەن» دېمىگەچ، ئويغا سالدى ئۇ گەپلەرمۇ ئۆزۈمنى. ئۈمىد ئۈزدۈم بىراق سەندىن يۈزدە - يۈز، كۆڭلۈم قالدى ئاشۇنداقلا ھەممىدىن. تىرىشىمەن، ئېرىشىمەن دېمەيمەن، شۇنداق قىلىپ قول ئۈزدۈم مەن سېنىڭدىن. ئوت بوپ يانغان يۈرەكلىرىم مۇز بولدى، ئېرىتەلمەس يالقۇن تاغنىڭ ئوتلىرى. نىقابىمنى يىرتىۋېتەي بىر نۆۋەت، كۆرگىن ئەمدى نەپرىتىمنى، ئۆچۈمنى. مەن تاقىغان كۈلكە ئاتلىق نىقابنى، تاقىغۇم بار ئاداققىچە، بىر ئۆمۈر. نىقابىمنى يىرتىۋەتتىم ئالدىڭدا، كۆز يېشىمغا تۇنجۇققايسەن، ئۆلمىگۈر. _2011.06.03_ ئۇستازلارنىڭ تەكلىپ - پىكىرلەرنى ئايىماسلىقىنى ئۈمىد قىلىمەن.... [كونا ئەسەرلەر بولغانلىقتىن ھەممىسى بىر تېمىغىلا يوللىنىدۇ. كېيىن، اللە خالىسا ئۇدۇللۇقنى ئۇدۇللۇق يوللايدىغان بولارمەن] |
|
