(باشلىق ئاكا دېسە چىرايلىق تۇرىدىكەن) سىڭىلچاقنىڭ لىرىكىللىرى مۇنبىرىمىزنىڭ ئۇخلاپ قالغان قۇماندانلىرىنىمۇ ئويغىتىپتۇ دىسە.
| kaqur | 2012-04-15 17:17 |
مۇنبەر ئاتلىق دەرۋازىدىن ھېيىقماستىن كىرىپ كەتكىنىمگىمۇ بەش يىلچە بولۇپ قاپتۇ. شۇ چاغدىن ئېتىبارەن تور يېزىقچىلىقىنى ئۆزۈمگە ھەمراھ قىلىۋاپتىمەن.... ئۆزۈمنى شېئىر يازالايمەن دېمەيمەن. ئەمما شۇنداق بىر ۋاقىتلاردا مىسرالارنى تىزىپ قويىمەن. نەچچە ۋاقىتلاردىن بۇيان تىزغان مىسرالىرىمنىڭ بىر قىسمىنى تەۋپىقتىكى ئۇستازلارغا سۇنۇپ تەنقىد، پىكىر قوبۇل قىلماقچىمەن... يېڭى پاتقاق،كونا نەسىھەت تۇنجى كۆرۈپ بۇ جاينى چۈش دەپ، ئويلاپتىمەن نامسىز بىر چۆلدەك. شۇ جايدىكى ھايات ئىزىنى، ئۆچتىمىكىن، دەپ ئاجىز شامدەك. سۆزلەپ كەلسەك تارىختىن ئۇزاق، ئەسكە چۈشەر نى - نى كىشىلەر. شۇ تارىخىي شەخسنى ھامان، ئەجداد دېسەم تىللىرىم كۆيەر. ___1___ بۇ جايدا ھاياتلىق چاقنىمىغانمۇ، بىر ئۆمۈر ياتقانمۇ غەپلەت ئۇيقۇدا. نۇزۇگۇم ھەم سادىر ياشىمىغانمۇ، ئەركىلەپ ياتقانمۇ يا يات قوينىدا. قۇدئاتقۇبىلىك دەپ قالدۇرمىغانمۇ، بەختىنى تاپسۇن دەپ يۈسۈپ خاس ھاجىپ. ئون ئىككى مۇقامنى توۋلىمىغانمۇ، گەر ھازىر يۈرسەكمۇ كەينىگە داجىپ. ئويغان، دەپ بىر ئۆمۈر چاقىرمىغانمۇ، يۇرت سۆيەر، مەرد ئوغلان ئابدۇخالىقمۇ. ئەمگەك، دەپ خېلى ۋاق ئۆركەشلىگەنغۇ، بۇژغۇنلار ھاسىل قىپ تارىم دەريامۇ. ___2___ ھەقىقەت، ئويغاندۇق بىز نادانلىقتىن، دەرۇلا پاتتۇق ھەم يېڭى پاتقاققا. ئارقىدا قالمۇدۇق، لېكىن بۇ پاتقاق، ئىتتەردى ئويلارنى بەكلا ئالدىغا. چەت ئەلنىڭ مودىسى، دەپلا ياشىدۇق، ئەسلىمىز تارىخسىز، يىلتىزمۇ يوقتەك. دورىدۇق ياتنىمۇ قارا - قويۇقلا، ياماننى ئايرىشقا كۆزىمىز يوقتەك. ئۇنۇتتۇق تىلنىمۇ، مىللەتنىمۇ ھەم، ئۆرپ - ئادەت، ھايادىن گەپ ئېچىشقۇ تەس. ئوخشىماي قالدىغۇ ھەممە ئۆزىگە، باستىمۇ يا بىزنى تۇيۇقسىزلا نەس. ___خاتىمە___ ئويلاپ يەتتىم بۇ جاينى چۈش دەپ، تېخى دائىم قارا باساردەك. بۇ جايدىكى ھايات شامىمۇ، ئۆزى ئېرىپ، تۈگەپ كەتكەندەك. نەزەر سالساق كەلگۈسىگە ھەم، لەنەت ئوقۇر نى - نى كىشىلەر. بىزنى "ئەجداد" دېگەندە بەلكىم، خىجىللىقتىن يۈزى چىمىلدەر. ___2009.11.19___ (رەسىم ۋە بېزەكسىز تېما يوللىيالمايدىغان بۇ قىز بىر قەۋەتكە ئارانلا ئون بەش رەسىم پاتىدىغانلىقى تۈپەيلى جىق - جىق قەۋەتلەرگە بۆلىۋېتىدىغان بولدى - دە ئەمدى) |
|
