| qugluk |
2011-11-19 19:01 |
كەلدى كۈلپەت،چەكتىم ئازاب،پىغانىم يوق،
ئارمانىم كۆپ،ئاڭا تۇشلۇق دەرمانىم يوق.
ئۈتەر ئۆمۈر ئاققان سۇدەك ھېچ نىشانسىز،
قەدەمدە بىر تىكەن كېرىپ،ماجالىم يوق.
تەڭ ئەمەسكەن تەڭ يارالغان ئادىمزاتقا
رېسقى-رەھمەت،جاپا-مېھنەت،دەۋايىم يوق.
پەرىق ئەتمەي ياخشى يامان قېلىپ داغدا،
ئالدانغىنىم گۇناھ ئىكەن، كامالىم يوق.
رەھىم قىلماس يۈلەكسىزگە،'ئۆزۈملا' دەپ،
قۇدرەت تاپماس ئاجىزلارمۇ،ئامالىم يوق.
تولا قاچتىم شەيتان دەسسەپ سالغان يولدىن،
ئاسمان ئېگىز،زىمىن قاتتىق،كامارىم يوق.
بەزىلىرى ئۇچتى كۆكتە،ئۈزۈپ سۇدا،
يىتەي دىسەم سۆرەپ پەسكە،مالالىم يوق.
كۆڭۈلدە غەم،كۆزلەردە ياش،ئۆتمەكتە كۈن،
كۈلكەم ئاچچىق،غەم-ھەسرەتسىز خىيالىم يوق.
تۈن نىسپىدە ئايغا بىقىپ نالە قىلدىم،
ئىنتىزار بوپ گۈزەل تاڭغا،قاياشىم يوق.
چەكسىز ھايات دىڭىزىدا دۇلقۇن ئارا
ئۈزسەم كۈن-تۈن مەنزىل تامان،پايانىم يوق.
2010.10.18 |
|