| ak gul |
2011-10-11 20:08 |
|
دادام ئولۇغ ئادەم ئەمەس (سېرىشىيۇ شىنەي) دادام ئولۇغ ئادەم ئەمەس،ئەمما ئۇ دەملىگەن قەھۋە ناھايىتى تەملىك.ھەر كۈنى ئىنىم ئىككىمىز مەكتەپكە مېڭىشتىن بۇرۇن ،ئۇ بىزگە قەھۋە دەملەپ،مول بولغان ناشتىلىق تەييارلاپ بېرەتتى.
دادام ئولۇغ ئادەم ئەمەس،ئەمما ئۇنىڭ ھۇجرىسى كىتاپ بىلەن لىق تولغان بولۇپ،مەندە كىچىكىمدىن تارتىپلا كىتاپ ئوقۇشنى ياخشى كۆرۈش ئادىتىنى يىتىلدۈرگەن.
دادام ئولۇغ ئادەم ئەمەس،ئەمما ئۇ مەن سۆزلەپ بەرگەن يۇمۇرلارنى ئاڭلاشقا ئامراق ئېدى.مەن قانداقلىكى ئېيتماي ئۇنىڭ چېھرىدىن كۈلكە ئۈزۈلمەيتتى.
دادام ئولۇغ ئادەم ئەمەس،ئەمما ئاپامنىڭ شۇنداقلا بىر چاقىرغىنىنى ئاڭلىسا،دەرھال يېنىغا ھازىر بولۇپ،ئۇ بۇيرىغان ئىشنى ئەستايىدىللىق بىلەن ئورۇندايتتى.
دادام ئولۇغ ئادەم ئەمەس،ئەمما ئۇنىڭ يازغان خېتى شۇنچىلىك رەتلىك،چىرايلىق بولۇپ،ئۇ يازغان ماقالىلارنى ئوقۇش ماڭا ھوزۇرلۇق تۇيۇلاتتى.
دادام ئولۇغ ئادەم ئەمەس،گەرچە ئۇ بەزى ۋاقىتلاردا،بەزى ئىشلار تۈپەيلىدىن بەك قايغۇرۇپ كەتسىمۇ كۆزىدىن ياش چىقارماي،بىزنى ئاسانلىقچە ياش تۆكمەيدىغان قەيسەر،غەيرەتلىك قىلىپ تەربىيىلىگەن.
دادام ئولۇغ ئادەم ئەمەس،ئەمما ئۇ بىزگە بەك كۆيۈنەتتى،داۋاملىق مېھرىبانلىق يېغىپ تۇرغان قوللىرى بىلەن بېشىمىزنى سىيلاپ،ئەركىلىتىپ كېتەتتى.
دادام ئولۇغ ئادەم ئەمەس،گەرچە ئۇنىڭ ۋاسكىتبول بىلەن ئانچە خوشى بولمىسىمۇ،ئەمما دائىم كۇلۇپقا بېرىپ ،مېنىڭ ۋاسكىتبول ئوينىغىنىمنى كۆرۈپ ماڭا مەدەت بېرىپ تۇراتتى.مېنىڭ جاپالىق مەشىقلەرگە بەرداشلىق بېرەلىشىم ئۇنىڭ كۆڭۈل بۆلىشىگە مۇيەسسەر بولالىغىنىمدىن بولغان.
دادام ئولۇغ ئادەم ئەمەس،گەرچە ئۇ ۋېلسىپىت مىنىشنى بىلمىسىمۇ،مەن ۋېلسىپىت مىنىشنى ئۆگەنگەندە،تەڭپۇڭلۇقنى ساقلاشنى ئۆگىنىۋالغانغا قەدەر ،ئىزچىل كەينىمدە يۆلەپ تۇرغان ئېدى.
دادام ئولۇغ ئادەم ئەمەس،ئەمما مېنى باشقىلارغا «بۇ مېنىڭ ئوغلۇم »دەپ تونۇشتۇرغان چېغىدا،چەكسىز پەخىرلىنىش ئىلكىگە چۈمەتتى.
دادام ئولۇغ ئادەم ئەمەس،ئەمما بالىلىق ۋاقتىمدا ھېچكىم ئۇنىڭدەك سەۋرچانلىق بىلەن ھېكايە ئېيتىپ بېرىپ باقمىغان ئېدى.پەقەت مېنىڭ ھېكايە ئاڭلىغىم كەلسىلا،ئۇ ئامال قىلىپ بۇ ئارزۇيۇمغا يەتكۈزەتتى.
دادام ئولۇغ ئادەم ئەمەس،ئەمما بۇ مۇھىم ئەمەس!دادام بىر ئادەتتىكىچىلا ئادەم،ئەمما پۈتۈن ۋۇجۇدى كۈيۈمچانلىق،دادىلىق مېھىر بىلەن يۇغۇرۇلغان بىر ياخشى ئادەم.
«ئوقۇرمەنلەر»ژورنىلىنىڭ 2005-يىللىق 16-سانىدىن تەرجىمە قىلىندى. |
|