| ئەكبەرنىياز |
2013-05-03 07:15 |
ئە.نىياز:ئوتقاش،توغۇلغان كۈنۈڭگە مۇبارەك !!!
ئوتقاش،توغۇلغان كۈنۈڭگە مۇبارەك !!! (YKkJ
+je{%,*
«ھاراق يىغلايدۇ»،« بولدى قىل»،«بالىلىقتىكى ئەسلىمە»،«تاشلاندۇق كىتاپ» ،«يوق سىنىڭ سۆيگۈڭدە قىلچىلىك بەركەت» ، «تەنھايىگىت» ،« ئىتقادىم »،« دارغا ئاسسا چىقارمۇ جىنم»، «سەھرالىق» ، «ئىسىڭدىڭمۇ ؟» ،« جوڭگودىكى تۇنجى نوبىل ئەدەبىيات مۇكاپاتىغا ئېرىشكۈچى»،«ئاق كۆڭۈللۈك» ، «كونا خاتىرە »، «كۆرمىدىم»، «ئازاب بانكىسى »،« ئايرىلىش»،« ئايرىلدىم »،«مۇبارەك بولسۇن ھېيتىڭغا ئانا» ، «قۇرىغان يۈرەك» ، «تۆتتاشقا» ،«ئۆزەڭنى ئاسرىغىن ئەزىز ئۇستازىم»، «ئەمەل بار »،《جىق ئوينا》، «خەيرگە »، «بىر قىزغا» ، «يىراق كەت »،« ئۇستازىمغا »، «مۇنبەرداشلارغا »، «مەن قانداق ئادەم ؟» ، «مۇشۇ ئىشقا بەكمۇ ھەيرانمەن »،«بولدى ئەمدى بولما ئىنتىزار» ، «ئېھتىمال2 »،« تەۋپېق شائىرلار مەشرىپى »، «تەكلىپنامە» ، «ئامان بولغىن تەۋپىق مۇنبىرىم»، «قالمىغىن »،« جۇدالىق »، «مۇئەللىم قەلبى» ، «سەن شامال مەن دەرەخ» ، «ئوقۇتقۇچىلارنىڭ ھەممىسى ئوقۇتقۇچى ئەمەس »، «مۇنبەردە »،« كىملەر بار ؟» ،«ھامان قايتىپ كېلىدۇ» ، قاتارلىق ئەسەرلەرنىڭ مۇئەللىپى ، مۇنبىرىمىزنىڭ ئەڭ جانلىق ئەزالىرىنىڭ بىرى ، ئەڭ مۇھىمى قەدىناس ئاغىينەم ئوتقاش ئەرقۇتى تۇغۇلغان كۈنىڭگە مۇبارەك بولسۇن !!! بۇ دۇنيادىكى جىمى بەخت –ئامەت ، سالامەتلىك ، خاتىرجەملىك ساڭا يار بولسۇن !!! S^*ME*DDz
سەن بىلەن قانچە قېتىملاپ پىشانەمنى پىشانەڭگە تىرەپ ئولتۇرۇپ ھايات ، مۇھەببەت ، كەسپ ، ...توغۇرلۇق پاراڭلىشىپ تۈننى تاڭغا ئۇلىغانلىقىمنى ساناپ بېرەلمەيمەن . ئويلاپ باقسام ، سەن ئاللىبۇرۇنلا مىنىڭ تۇرمۇشۇمنىڭ ئايرىلماس بىر قىسمىغا ئايلانغان ئىكەنسەن ! ھەر ئىككىلىمىز كىچىك تۇرۇپلا ئاتا مېھرىدىن مەھرۇم قالغانلارمىز ،... (7J (.EG2e
بەزىدە سېنى ئىزلەپ ئۆيۈڭگە بارغانلىرىمدا， سېنىڭ ئاپاڭغا تاماق ئېتىپ بېرىۋاتقانلىرىڭنى كۆرسەم ئىچ –ئىچىمدىن سۆيۈنۈپ كېتىمەن ، ئاشۇنداق چاغلاردا پۈتۈن دۇنياغا ۋارقىراپ تۇرۇپ : - ئەي دۇنيا ، كۆرۈۋاتامسەن ، سەن بۇ ئاجىزەنىڭ يۆلەنچۈكىنى تارتىۋالغىنىڭ بىلەن ئۇنىڭ قۇلىغا قول ، پۇتىغا پۇت بولالايدىغان ، ئۆيدە قىزى ، سىرتتا تاغدەك يۆلەنچۈكى بولالايدىغان رۇستەم دەستەم كەبىي بەقۇۋۋەت بىر پالۋانىنى تارتىۋالالمىدىڭ !؟ بۇ ئاجىزە ئايال مۇشۇنداق ئوغلى بولغاچقىلا بەش ئەزاسى ساق نى-نى ئەرلەر قىلالمىغان ئىشلارنى قىلىپ قىلچىلىك غېرىبسىنىپ قالماي ، خاتىرجەم ياشاۋاتىدۇ ، مۇشۇنداق بىر ئوغلى بولغاچقىلا پۈتۈن يۇرت ئىچىدە يۈكسەك قەدىرلىنىپ ، ھۆرمەت-ئىززەت تېپىپ رەھىمسىز تەقدىرلىرىگە ھومىيىپ قاراۋاتىدۇ ، قانداق يېڭىلگىنىڭگە تەن بەردىڭمۇ ؟ سەن ھەرگىز بىزنى يېڭەلمەيسەن ، چۈنكى بىزنىڭ قەلبىمىزدە پەرىشتە سۈپەت ئانىلىرىمىز تېرىپ غۇچچىدە ئېچىلدۇرىۋەتكەن ۋاپا ، ئېتىقاد ، ئەقىدە گۈللىرى تۆت پەسىلنىڭ ھەممىسىدە جۇلالىنىپ تۇرىدۇ ،بىزگە ئاتا-بوۋىلىرىمىزدىن تۈگىمەس بايلىق ھېسابلىنىدىغان ئالتۇن –كۆمۈش قالمىغىنى بىلەن بىزدە ھەر ۋاقىت بىز ئۈچۈن بەدەل تۆلىگەنلەرگە تەڭلەپ تۇرىدىغان ئىسسىق بىر يۈرەك قالغان . بىزگە ئۇندىن باشقىسى لازىم ئەمەس ، لازىم ئەمەس ! چۈنكى ئانىلىرىمىز بىزگە شۇنداق ئۈگەتكەن ! تىرىشچانلىقنى ، كەمتەرلىكنى ، سېخىيلىقنى ، قىيىنچىلىق ئالدىدا قەتئىي باش ئەگمەيدىغان باتۇرلۇقنى ئانىلىرىمىز دەل مۇشۇ ئانىلىرىمىز ئۈگەتكەن ! ئەي دۇنيا سەن بىزنى يېڭەلمەيسەن ، ئەمدى بولدى قىل ! دېگۈم كېلىدۇ . `;\~$^sj}
راست ئەمەسمۇ ئاغىينە ، دۇنيا ساڭا يەنە بىر قېتىم ئېغىر چاخچاق قىلدى ، تويۇقسىز ئاناڭنىڭ مېڭىسىگە قان چۈشۈپ ، بىر تەرىپى تۇتماس بولۇپ قالدى ، دوختۇرنىڭ كۆرسەتمىسىدەك بولغاندا ئەڭ تېز بولغاندا 6ئايدا ماڭالايدىغان بۇ بىمار سېنىڭ كېچىلىرى ئۇخلىماي ، كۈندۈزلىرى دەرسىڭنى ھەم قالدۇرماي ، كۈندە ئالتە قېتىمدىن ئۇۋۇلاپ بېرىشىڭ ، توختىماي رىغبەتلەندۈرۈشۈڭ نەتىجىسىدە 45-كۈنى ئورنىدىن دەست تۇرۇپ مېڭىپ كەتتى ، مانا بۇھازىرقى زاماندىكى مۆجىزە بولماي نىمە ؟ مانا بۇ پەرزەنتلىك مېھىر-مۇھەببەتنىڭ كۈچى بولماي نىمە ؟ پەرزەنت ئۈچۈن بۇنىڭدىنمۇ كاتتا خۇشاللىق بارمۇ ؟ ئانا ئۈچۈن ئۆز پەرزەنتىنىڭ يۈرىكىدىن چىقىۋاتقان كۈلكە ئاۋازىنى ئاڭلاشتىنمۇ ئارتۇق بەخت بارمۇ ؟ بۇ بەخت ساڭا ئوخشاش ئانا قەرزى يۈرىكىدە يالقۇنلاۋاتقان ئوت يۈرەك ئوغلانلارغىلا مەنسۇب ، بۇ بەخت ئاناڭغا ئوخشاش ياراملىق ، ۋاپادار پەرزەنت تەربىيلىيەلىگەن ئۇلۇغ ئانىلارغىلا مەنسۇپ !!! fs;pX/:FR
سەن پەخىرلىنىشكە ھەقلىق ئاغىينە ！ *e}1KcJ
چۈنكى سەن ئائىلەڭدىلا ۋاپادار ئوغۇل بولۇپ قالماي ، مەكتەپتىمۇ تىرىشچان ئۇستاز ، سېخىي ساخاۋەتچى ، مەن سەن بىلەن بىرگە ئىشلىگەندىن بۇيان نۇرغۇنلىغان ئوقۇغۇچىلىرىڭنىڭ ئاغزىدىن مۇئەللىم ماڭا دەرس تەكرارلىشىپ بېرىدۇ ، مۇئەللىم ماڭا قىشلىق چاپان ئېلىپ بەردى ، مۇئەللىم بىزنىڭ ...پۇلىنى تۆلەپ قويۇپتۇ ، دېگەندەك گەپلەرنى ئاڭلاپ تۇردۇم . ئەمما سېنىڭ بىرەر جايدا بۇنداق ئىشلارنى بىرەر قېتىم تىلغا ئالغىنىڭنى بىلمەيمەن ھەمدە ئۆزۈڭگە ئۇنچىلىك سېخىيلىق قىلىدىغانلىقىڭنىمۇ كۆرمىدىم . مەكتىپىمىزدىكى ھەر قېتىملىق ئوقۇش باشلاش مۇراسىمىدا ئىسمى ھەيۋەت بىلەن ئوقۇلۇپ ، پۈتكۈل ئوقۇتقۇچى -ئوقۇغۇچىلار ئالدىدا ئۈگىنىشتە ياخشى ئەمما ئائىلىسىدە قىيىنچىلىقى بار ئوقۇغۇچىلارغا مۇكاپات پۇلى تارقىتىۋاتقان ئۇستازلىرىمىزنى كۆرسەم سەن بىلەن سىلىشتۇرۇپ تەگسىز خىياللار قاينىمىغا غەرق بولىمەن . راست دەۋاتىمەن ئاغىينە ، سەن پەخىرلىنىشكە ھەقىقىي ھەقلىق!!! AxZaV;%*
ھەر قېتىم ئۆيۈڭگە بارغىنىمدا 5ياشلىق قىزىڭ بىلگىنۇرنىڭ ماڭا چاڭىلداپ سۆزلەپ بېرىدىغان چۆچەكلىرىنى ، ئېيتىپ بېرىدىغان ئويغۇرچە-خەنزۇچە ناخشىلىرىنى ، يادلاپ بېرىدىغان قوشاقلىرىنى ئاڭلىغىنىمدا بىردە ئۇنىڭ شۇ قەدەر زېرەك ، چېچەنلىكىگە قايىل بولسام بىردە سېنىڭ بۇنىڭ ئۈچۈن قانچىلىك بەدەل تۆلىگەنلىكىڭنىڭ تېگىگە يېتىپ ساڭا باشقىدىن بىر قايىللىق نەزىرىمدە قارىۋالغۇم كېلىدۇ . « باشقىلارغا تىلىڭ بىلەن ئەمەس ئەمىلىي ئىش ھەركىتىڭ بىلەن نەسىھەت قىل !»دەپتىكەن ئۇلۇغ ھەزرەت نەۋائىي . قىزىڭنىڭ ئاشۇ كىچىك، ئۇماق قوللىرىدا گاھىدا ئاناڭنىڭ قېشىدا ئولتۇرۇپ سۈرە يادلىغاچ بەل-پۇتلىرىنى تۇتۇپ قويۇۋاتقانلىقىنى ، گاھىدا تاماق قاچىسىنى يۇيۇش ئۈچۈن زوڭزۇيۇپ ئولتۇرغانلىقىنى كۆرگىنىمدە ئۇ كىچىك بالا ئەمەس بەلكى بىر پەرىشتە بولۇپ كۆرىنىدۇ ! ئۇنىڭغا شۇنداق ۋاپادار بولۇشنى ، ئىشچان بولۇشنى سەن ئۈگەتكەن ، ئېغىزىڭدا ئەمەس ئۆز ئەمەلىيىتىڭدە ئۈگەتكەن ، سۇمرۇغنىڭ بالىسى سۇمرۇغ بولىدۇ ! سەن پەخىرلىنىشكە ھەقلىق ئاغىينە!!! . P[
بۈگۈن سېنىڭ تۇغۇلغان كۈنۈڭ ئاغىينە ! سەن كۈلگىن ئاغىينە ، دائىم تۈرۈلۈپ تۇرىدىغان قاپىقىڭ 32يېشىڭدىكى تەۋەللۇت كۈنىڭدە بولسىمۇ بىر ئېچىلسۇن !!! چۈنكى بۇ دۇنيادا ھەقىقىي خۇشال بولۇشقا تېگىشلىك ئادەم مېنىڭچە پەقەتلا سەن !!! تۇغۇلغان كۈنىڭگە مۇبارەك بولسۇن ئاغىينە ! ئاناڭنىڭ سەندەك بىر ئىسمى-جىسمىغا لايىق ئوغۇلنى تۇغقان كۈنىگە مۇبارەك بولسۇن !!! +!Lz]@9K
قاراپ باققىنە ئاغىينە ، پۈتكۈل مەۋجۇدات سەن ئۈچۈن، سېنىڭ خۇشاللىقىڭ ئۈچۈن تۇغۇلغان كۈن ناخشىسى ئېيتىۋاتىدۇ ! ئەڭ ئالىي تىلەكلىرىدە ساڭا سالامەتلىك ، خاتىرجەملىك ، بەردەملىك تىلەۋاتىدۇ ! يەنىمۇ بەردەم بول ئاغىينە !!! Egr'IbB
mj _ V6`m4
2013-يىلى 3-ماي . لۈكچۈن . مەنبە : ئۆز قەلبىم . `;H3['~$
c?XqSK`',Z
|
|
