| turan69 | 2010-10-21 18:54 |
ئالما شىركىتى يېڭى كومپىيۇتىرى11.6 ۋە 13 دىيۇملۇق ئىككى خىل نۇسخىدىكى ئالما Macbook Air خاتىرە كومپىيۇتىرى يېڭى نۇسخىدىكى Macbook Air نىڭ ياندىن كۆرۈنۈشى بېيجىڭ ۋاقتى 10-ئاينىڭ21-كۈنى ئەتىگەن سائەت بىردە، ئالمىنىڭ ئامېرىكا كالفورنىيەدىكى باش شىتاۋىدا Back to the Mac ئاساسى تىما قىلىنغان يېڭى مەھسۇلاتلارنى ئېلان قىلىش يىغىنى ئېچىلغان، يىغىندا 11.6 ۋە 13 دىيۇملۇق ئىككى خىل نۇسخىدىكى ئالما Macbook Air خاتىرە كومپىيۇتىرىنى تونۇشتۇردى، ئاندىن ئالما شىركىتىنىڭ جۇڭگودىكى تور بېكىتىدە جۇڭگودىكى سېتىلىش باھاسىنى ئېلان قىلدى. بۇ كومپىيۇتىرلارنىڭ ئەڭ تۆۋەن سېتىلىش باھاسى 7998 يۈەن ئىكەن. 11.6 دىيۇملۇق Macbook Air غا Intel Core 2 Duo 1.4GHz مەركىزى بىر تەرەپ قىلغۇچ، 64GB/128GB لىق تىز سۈرئەتلىك قاتتىق دىسكا ئورنىتىلغان. سېتىلىش باھاسى ئايرىم ئايرىم ھالدا 7998 يۈەن ۋە 9498 يۈەن ئىكەن. 13.3 دىيۇملۇق Macbook Air غا Intel Core 2 Duo 1.86GHz مەركىزى بىر تەرەپ قىلغۇچ، 128GB/256GB لىق تىز سۈرئەتلىك قاتتىق دىسكا ئىشلىتىلگەن ، باھاسى ئايرىم ئايرىم ھالدا 10498 يۈەن ۋە 12898 يۈەن ئىكەن. يېڭى نۇسخىدىكى Macbook Air غا پۈتۈنلەي يېڭىچە تاشقى قاپ ئورنىتىلغان بولۇپ، ئەسلىدىكى ياي شەكىللىك لاھىيلەشنى، شىنا شەكىللىك لاھىيلەشكە ئۆزگەرتكەن، كومپىيۇتىرنىڭ ئەڭ نېپىز قىسىمىنىڭ قېلىنلىقى 0.3 سانېمېتر كېلىدىكەن، ئەڭ قېلىن يېرىمۇ 1.7 سانتېمېتر كېلىدىكەن، 11.6 دىيۇملۇقىنىڭ ئېغىرلىقى 1.06 كىلوگرام ، 13.3 دىيۇملۇقىنىڭ ئېغىرلىقى 1.38 كىلوگرام كېلىدىكەن. تىلغا ئېلىشقا ئەرزىيدىغىنى، بۇ قېتىم يېڭىدىن چىققان Macbook Air لارغا ئەنئەنىۋى مىخانىڭ قاتتىق دىسكا ئىشلىتىلمەستىن، يېڭى تىپتىكى SSD قاتتىق ھالەتتىكى قاتتىق دىسكا ئورنىتىلغان، بۇنىڭدا ھېچقانداق ھەرىكەتلىنىدىغان قىسىم بولمىغاچقا، سۈرئىتى تېخىمۇ تىز، تېخىمۇ جىمجىت بولىدۇ. 11.6دىيۇملۇق Macbook Air نىڭ باتارىيەسى بەش سائەت ئىشلىتىشكە يېتىدۇ، 13.3 دىيۇملۇق Macbook Air نىڭ باتارىيەسى يەتتە سائەت ئىشلىتىشكە يېتىدۇ. مەنبە: شىنخۇا تورى 2010-يىلى21-ئۆكتەبىر |
|
