مۇنبەرداشلارغا ئالاھىدە ئۇقتۇرۇش
مۇنبەرداشلارغا ئالاھىدە ئۇقتۇرۇش
قەدىرلىك دوستلار:
مۇنبىرىمىز تېخى ئالدىنقى كۈنىلا يورۇق دۇنياغا قايتا كۆز ئاچتى، بۇ ئىككى - ئۈچ كۈن ئىچىدىكى ئەھۋال ھەممەيلەننى خېلى خوشال قىلىدۇ. ئەزا سانىمۇ كۆپىيىۋاتىدۇ، تېما- ئىنكاسلارمۇ كۆپىيىۋاتىدۇ، مەزمۇنى موللىشىۋاتىدۇ. شۇڭا، مۇنبىرىمىزنىڭ بۇنىڭدىن كېيىنكى ئوڭۇشلۇق يۈكسېلىشىنى كۆزدە تۇتۇپ ، سەمىڭلارغا شۇنى سالماقچىمىز:
1. تورداشلارنىڭ پارتىنىڭ قانۇن - سىيەسەتلىرىگە زىت بولغان، مىللەتلەر ئىتتىپاقلىقىغا ھەم ئۆزئارا ئىتتىپاقلىققا خىلاپ تېما ، ئىنكاسلارنى يوللاپ قويۇشتىن قەتئىي ساقلىنىشىنى ئالاھىدە ئۇقتۇرىمىز. ئەسكەرتىشكە خىلاپلىق قىلغۇچىلار بارلىق ئاقىۋەتكە ئۆزى مەسئۇل بولىدۇ، بېكىتىمىز ھېچقانداق قانۇنىي جاۋاپكارلىقنى ئۈستىگە ئالمايدۇ.
2. يوللانغان ھەرقانداق تېمىنىڭ مەنبەسى بولۇشى تەلەپ قىلىدۇ، ( ئىجادىي ئەسەرمۇ شۇنىڭ ئىچىدە) بۈگۈندىن باشلاپ مۇنبەر قەرەللىك - قەرەلسىز تازلىنىپ تۇرىدۇ، مەنبەسى ئەسكەرتىلمىگەن ھەرقانداق تېما بىر يولى ئۆچۈرىلىدۇ ھەم تېما ئىگىسىگە ئۇقتۇرۇشمۇ قىلىنمايدۇ. ( ئىجادىي ئەسەرمۇ شۇنىڭ ئىچىدە)
3. بېكىتىمىز مائارىپ تور بېكىتى بولغاچقا، مائارىپقا ۋە ئوقۇتۇش تەتقىقاتىغا ئائىت مەزمۇنلارنىڭ كۆپرەك بولۇشىنى تەلەپ قىلىدۇ. شۇ سەۋەپتىن بۇنىڭدىن كېيىن يوللىنىدىغان تېمىلار:
(1) مائارىپقا، ئوقۇتۇش تەتقىقاتىغا ئائىت تېمىلار.
(2) كۆڭۈل ئىچىش خارەكتىردىكى ، ساغلام مەزمۇندىكى تېمىلار بولىشى كېرەك.
4. يۇقۇرىدا دېيىلگەنلەردىن سېرت مەزمۇندىكى ئەسەرلەر بولسا ئەھمىيىتى يوق دەپ قارالغانلىرىنىڭ ھەممىسى ئۆچۈرىلىدۇ، بولۇپمۇ مۇشۇ تېما يوللانغاندىن باشلاپ " ئۇيغۇر " قالپىقى قويۇلۇپ يېزىلغان تېمىلار چوقۇم ئۆچۈرىلىدۇ، ئىگىسىگە ئۇقتۇرۇش قىلىنمايدۇ، خەۋەردار بولۇپ قىلىڭ. بۇ ھەرگىزمۇ قورقۇنچاقلىقتىن ئەمەس، بېكىتىمىزنىڭ تەرەققىياتى ھەم زور كۆپچىلىكنىڭ ئەمىنلىكى ئۈچۈندۇر.
5. ئۈچ كۇبلىتتىن ئاز شېئىرلار، بىرەر - ئىككى يۇمۇرلارنى ئايرىم تېما قىلىپ يوللىماڭ، مۇنبەر يېڭى تېمىلار رايونىدا شۇنداق تېمىلار بولسا، داۋامىغا ئىنكاس شەكلىدە يوللىسىڭىزمۇ يەنىلا سىزنىڭ يازمىڭىز ھېسابلىنىدۇ.
6 . يوللىغان تېمىڭىزغا ماس سەھىپە تاللاش ھەرۋاقىت سەمىڭىزدە بولسۇن.
7. يوللىغان تېمىلىرىڭىزنى چوقۇم ئۆزىڭىز زاپاسلاپ ساقلىۋىلىڭ، مۇنبەر نەشرىنى يۇقۇرى كۆتۈرۈش مەشغۇلاتلىرى ئېلىپ بېرىلغاندا يوقاپ كېتىشى مۈمكىن. شۇنداقلا، بوشلۇقنى تېجەش يۈزىسىدىن ۋاقتى ئۆتكەن ئەھمىيىتى ئانچە قالمىغان تېمىلار، ئېچىلماس بوپ قالغان تېمىلار ئوچۈرۈلۈپ بىر تەرەپ قىلىنىدۇ. تېما ئىگىسىگە ئۇقتۇرۇلمايدۇ.
8. تەۋپىق ئەپەندىگە تەكلىپ: باش بەتتىكى " مىللىي مائارىپ " دېگەن چوڭ خەتلەردىكى "مىللىي" سۆزىنى ئېلىۋىتىشىڭىزنى ئەسكەرتىمەن. ئۇ بولمىسىمۇ كۆپچىلىك يەنىلا مەنىنى چۈشىنەلەيدۇ.
قالغان قىستۇرمىلار بولسا، داۋاملىق ئىنكاس شەكلىدە قوشۇلىدۇ، كۆپچىلىكنىڭ چوقۇم دىققەت قىشىنى ئەسكەرتىمىز.
ئالاھىدە ئۇقتۇرۇش قىلىندى.
تەۋپىق مۇنبىرى ئىشخانىسى
2010.7.21
|