ئە.نىياز : خوشلىشىش دەقىقىلىرى

خوشلىشىش دەقىقىلىرى

نەسىرلەر

1

        قاچانلاردا قۇياش كۆزۈڭگە كۆچىۋالغىنىنى بىلمەيمەن . نېمىشقىدۇر ساڭا ھەر بىر باققىنىمدا  ھەتتا ئۆزۈمنىڭ كىملىگىنىمۇ ئۇنتۇپ قالىمەن ، پۈتۈن دۇنيا قاراڭغۇلىشىپ ھېچ نەرسىنى ئىلغا قىلالمايمەن . خوش دېيىشىۋاتقان ئاشۇ دەقىقىلەردە كۆزۈڭدىكى قۇياشنى كۆزۈمگە كۆچۈرۈۋالغۇم كەلدى ، ئەمما .....

2

      ئايرىلىدىغان چاغدا مەن ساڭا ھېچنىمە دېيەلمىدىم ، پەقەتلا قولۇڭنى چىڭ سىقىپ تۇرۇپ << يەنە بىر كۆرۈشكىچە ئامان بولۇڭ >> لا دېيەلىدىم . مانا بۇ مېنىڭ سەندىن كۈتكەن بىردىنبىر ئۈمىدىم ھەم ئەڭ ئاخىرقى تىلىكىم ئىدى .

3

      ئايرىلار چاغدا كۆزلىرىڭدىن تۆكۈلىۋاتقان ئەلەم ياشلىرىنى كۆرۈپ مەنمۇ ئىختىيارسىز ھالدا كۆز ياشلىرىم بىلەن تەسەللىي بەردىم . ساڭا نىمىلەرنىدۇر سۆزلەپ تەسەللىي بەرگۈم ، قەلبىمنى ئۆرتەۋاتقان بۇ ئايرىلىش ئالدىدىكى ئازابىمنى ئازراق بولسىمۇ پەسەيتكۈم بار ئىدى . ئەمما ئاشۇ مىسكىن كۆزلىرىڭگە تىكىلگىنىمدە بۇ دۇنيادىكى ھەممە نەرسىنى ھەتتا ئۆزۈمنىڭ ئىنسان ئىكەنلىكىمنىمۇ ئۇنتۇپ سېنى باغرىمغا تېخىمۇ چىڭ باستىم ھەم لەۋلىرىڭگە لېۋىمنى يېقىپ تۇرۇپ << بىز چوقۇم يەنە كۆز ياشلار ئىچىدە كۆرىشىمىز ، ئۇ چاغدىكى يېشىمىز ھەرگىزمۇ ئەلەم يېشى بولماستىن بەلكى شادلىق ، ۋىسال ياشلىرى بولىدۇ >> دەپ پىچىرلىدىم قەلبىمدە . سەنمۇ مېنىڭ نىمە دېمەكچى بولغانلىقىمنى بىلگەندەك ياشقا تولغان كۆزلىرىڭنى يۇمغانچە مېنى تېخىمۇ مەھكەم باغرىڭغا باستىڭ . مەن شۇ چاغدىلا ئۆزۈمنىڭ ئەڭ ئاخىرقى قېتىم مۇھەببەتنىڭ رومانتىك قايناملىرىغا شۇڭغۇپ كىرىۋاتقانلىقىمنى ھېس قىلدىم .

4

     ئاپتۇبۇسنىڭ گۈرۈلدىگەن ئاۋازى بىلەن تەڭ ئىككىمىز ئوخشاشمايدىغان ئىككى مەنزىلگە قاراپ يول ئالدۇق . بۇ قېتىملىق خوشلىشىشنىڭ ماڭا مەڭگۈلۈك جۇدالىق ئېلىپ كېلىدىغانلىقىنى ئويلىغىنىمدا يۈرىكىمنى ئالىقانداق بىر نەرسە تېنىمسىز تاتىلاپ ، كۆزلىرىم ئىختىيارسىز نەملىشىشكە باشلىدى . بەلكىم بۇ مېنىڭ سەن ئۈچۈن ھەم ئىككىمىزنىڭ بۇ گۈزەل زېمىندا كۆرگەن شېرىن چۈشلىرىمىزگە قىيالماي تۆككەن ئەڭ ئاخىرقى يېشىمىز بولۇشى مۇمكىن .

5

     قارىغاندا سەن بىلەن خوشلاشقان ئاشۇ دەقىقىلەردە بەك كۆپ يىغلاپ ياشلىرىمنى ساڭا سوۋغا قىلىۋەتكەن ئوخشايمەن . مانا ھازىر ئۆزۈمنى ياش تۆكۈشكە شۇنچە زورلاپ باقساممۇ يەنىلا كىرپىكلىرىم قۇرۇق . ئەمما ھەر قېتىملىق تىلىفۇندا سېنىڭ ئاۋازلىرىڭ بوغۇق . ياشلىرىمنى قايتۇرۇپ بەر جېنىم !!!

مەنبە :   ئۆز ئىجادىيىتىم .

سەرۋاز	2012-12-06 10:46
بۇنداق ئېسىل ئەسەرلىرىڭىزنى داۋاملىق يوللاپ تۇرغايسىز.

danix	2012-12-06 16:14
بۇ نەسىرلەر ئۆز جانانىدىن ئايرىلغان ئاشىقلارنىڭ يارە كۆڭۈللىرىگە ئىنتايىن شىپالىق مەلھەم بولىدىغان ئېسىل نەسىرلەركەن ! aG8}R~wH&

ماھى

2012-12-06 20:31

سەن بىلەن خوشلاشقان شۇ دەقىقىدە،بۇ ئايرىلىشىمىزنىڭ مەڭگۈلۈك ئايرىلىش بولۇپ قالىدىغانلىقىنى ئويلىمىغانىدىم.تا ھازىرغىچە سۆيگۈ كەپتىرىمىز سەن توغرۇلۇق ھېچقانداق خەۋەر بەرمىگەچ،ئىچىمگە تىنىشقا مەجبۇر بولدۇم.ھەي...سۆيگۈ قەسىرىمىز غۇلاپ چۈشكەن، ھېسلىرىمىز خىرەلەشكەن ئىكەن ئەسلى.

ئەكبەر مۇئەللىم، ياخشى نەسىرىڭىزنىڭ تەسىرىدە ئازراق بىلجىرلاپ قويدۇم.ئەيىپكە بۇيرىمىغايسىز.

ئابلەت

2012-12-10 22:31

نەسىرنى ئوقۇغان ھەر قانداق ئادەم ئۆزىنىڭ ياخشى كۆرگەن ئادىمىدىن ئايرىلغان ئازاپلىق ئەسلىمىلەرنى يادىغا كەلتۈرىدۇ . خىيال قۇشلىرى يىراقلارغا قانات قېقىپ ئۆتمۈشنىڭ ئاچچىق ھەم تاتلىق بولغان ياشلىق ئەسلىمىلىرى ئاسمىنىدا پەر قاقىدۇ.بۇ نەسىر ئادەمگە ئازاپ ئېلىپ كېلىدۇ .ئەمما ئازاپ قوينىدىمۇ بەزىدە خۇشاللىقلار بولغان بولىدۇ.

مەرىپەت0999	2012-12-17 17:50
ھە ،ئەكبەر مۇئەللىم تۈرلۈك شەكىللەردىكى ھىسىياتلىق شېئىرلىرىڭىزنى ئوقۇپ بولىشىمغىلا ئېسىل نەسىردىن بىرنى يوللاپسىز.ئىستىداتىڭىزغا قايىلمەن!! قەلىمىڭىزگە بەرىكەت،تىنىڭىزگە سالامەتلىك ،ئائىلىڭىزگە بەختيار بولغاي!!

nazperwer

2012-12-26 23:33

خۇش دېدىڭ كېتەر چاغدا ،
ياش ئەگىپ كۆزلەرىڭدىن.
لەۋ يېقىپ تۆككەن ياشىم ،
سىرغىپ چۈشتى مەڭزىمدىن .

خوش دېدىڭ قولياغلىقىم ،
يەلپۈنەر قولۇمدا .
بىز ئىككىمىز سۆيگۈسىگە،
ئاق كېچە بولسۇن گۇۋاھ.

ئىككىمىز خوشلاشقاندا ،
چىقاتتى مەيىن شامال.
ھېچكىشىدىن ئاغرىنمايمەن ،
تەقدىرگە يوقتۇر ئامال.

نەسىرىڭىزنى ئوقۇۋېتىپ ئىختىيارسىز يۇقۇرىدىكى ناخشا تېكىستى ئېسىمگە كېلىپ قالدى .قەلىمىڭىزگە بەرىكەت تىلەيمەن ،ساپ ھېسسىياتنى پەردازسىز ئىپادىلەيدىغان بۇنداق يازمىلىرىڭىزنى كۆپرەك ئوقۇشنى ئارزۇ قىلىمەن !

nadiraay

2013-03-24 17:45

قارىغاندا سەن بىلەن خوشلاشقان ئاشۇ دەقىقىلەردە بەك كۆپ يىغلاپ ياشلىرىمنى ساڭا سوۋغا قىلىۋەتكەن ئوخشايمەن . مانا ھازىر ئۆزۈمنى ياش تۆكۈشكە شۇنچە زورلاپ باقساممۇ يەنىلا كىرپىكلىرىم قۇرۇق . ئەمما ھەر قېتىملىق تىلىفۇندا سېنىڭ ئاۋازلىرىڭ بوغۇق . ياشلىرىمنى قايتۇرۇپ بەر جېنىم !!!

tawpek	2013-03-24 23:56
شىئىرلىرىڭىزنى تولا كۆرۆپ نەسىر ئىجادىيتىڭىز خايالىمىزدىن ئۆچۆپ قالاي دىدى جۇمۇ. od{\z {g#4E0.A! نەسىرلىرىڭىزدىنمۇ سىغىندۇق.

ئەكبەرنىياز	2013-03-25 00:03
ئۇمۇ بار دوستلار ، سىلەر ياقتۇرساڭلارلا !؟

نەسىمى0998

2013-12-08 22:03

ئاپتۇبۇسنىڭ گۈرۈلدىگەن ئاۋازى بىلەن تەڭ ئىككىمىز ئوخشاشمايدىغان ئىككى مەنزىلگە قاراپ يول ئالدۇق . بۇ قېتىملىق خوشلىشىشنىڭ ماڭا مەڭگۈلۈك جۇدالىق ئېلىپ كېلىدىغانلىقىنى ئويلىغىنىمدا يۈرىكىمنى ئالىقانداق بىر نەرسە تېنىمسىز تاتىلاپ ، كۆزلىرىم ئىختىيارسىز نەملىشىشكە باشلىدى . بۇ قۇرلارنى ئوقۇۋاتقىنىمدا يۈرگۈم ئېغىزىمغا تىقىلغاندەك بولدى...قەلەم تۇلپارىگىز ھارمىغاي...

مىېھرىما	2014-01-03 22:42
ئكبەر ئۇستاز قولىڭىز دەرت كۆرمىسۇن، بىزنى ھىلى ئېسىل شېرلار بىلەن ھىلى ئوقۇپ قانمايدىغان ياخشى نەسىرلەر بىلەن بىزنى ھوزۇرلاندۇرۇپ ،بىزدەك يىڭى ئەزالارنى ئەتراپلىق تەربىيەلەپ كېلىۋتسىز . ئەجرىڭىزگە رەھمەت.

مىېھرىما

2014-01-09 23:04

nazperwer:خۇش دېدىڭ كېتەر چاغدا ،ياش ئەگىپ كۆزلەرىڭدىن.لەۋ يېقىپ تۆككەن ياشىم ،سىرغىپ چۈشتى مەڭزىمدىن ........ (2012-12-26 23:33)

بۇ ناخشىنى مەن ئىنتايىن ۋايىغا يەتكۈزۈپ ئوقۇيتىم، تەپىقداشلاغا ئوقۇپ بەرگىم كەپ كالدى.بىراق مۈمكىن بولمايدىكەن. بەك ئەپسۇس.

danix	2014-01-12 11:01
ئەكبەر مۇئەللىم ، ئەمدى ۋىسال دەقىقىلىرى توغرىسىدا يېزىدىغان چاغلار كېلىپ قالدىغۇ - دەيمەن . i}T*\| P

akqolpan	2014-01-20 10:46
نىمە دېگەن گۈزەل لىرىكا بۇ. راسلا چىن مۇھەببەت ناخشىسى بوپتۇ بۇ.

گۈلنىھال	2014-01-20 11:26
‏ ,IiKe_B ‏ئايرىلىپ ياشاشقا قىيمىدى يۈرەك ، eGMw:H ‏تۆكۈلدى يۈرەكتىن ئازاپلىق قان - ياش . P#pb48^- ‏ھەمرا قىپ سۆيگۈمگە بىر ئېزگۈ تىلەك ، ejg!1*H@n ‏ئېيىت كىمگە بولدۇڭسەن مېھىرلىك قۇياش.

مىېھرىما	2014-01-20 17:53
گۈلنىھال بۇ شىئېرىڭىز بەك ياخشى چىقىپتۇ. ھارمىغايسىز . u9_?c G-

查看完整版本: [-- ئە.نىياز : خوشلىشىش دەقىقىلىرى --] [-- top --]

Powered by phpwind v8.7 Code ©2003-2011 phpwind
Gzip enabled