ئە.نىياز : ياردەم قىلساڭلار

ياردەم قىلساڭلار

كۆلتىگىن مەڭگۈ تېشىدا تابغاچلار ، تابغاچ خانى دەيدىغان ئاتالغۇلار ئۇچرىدى، بەزىلەر تابغاچلارنى تارىختىكى موڭغۇللار دەپ چۈشەنچە بېرىۋاتىدۇ ، راست شۇنداقمۇ ؟ بىلىدىغانلار بولسا ياردەم قىلساڭلار !!!

koksangun

2012-11-26 15:45

تابغاچ ئاتالغۇسى ھەققىدە مەھمۇت قەشقىرى ئۆزىنىڭ تۈركىي تىللار دىۋانى ناملىق كىتابىدا تۆۋەنكى چىن دەپ ئاتىغان بولۇپ ، «كلاسسىك ئەدەبىيات ئاتالغۇلىرى» دېگەن كىتابتا بۇ نەقىلدىن پايدىلىنىپ سەددىچىننىڭ شىمالىدىكى جايلارنى كۆرسىتىدۇ دەپ ئىزاھلىغان.
دەرسلىك كىتابىمىزدىكى ئىزاھلاردا بولسا «تابغاچ» تاڭ ئېلىنى كۆرسىتىدۇ دەپ چۈشەندۈرىدۇ .
بىز مۇشۇ ئىزاھاتقا ئاساسەن تاڭ سۇلالىسىنى ، يەنى ئوتتۇرا تۈزلەڭلىكنى كۆرسىتىدۇ دەپ بىلىپ كېلىۋاتىمىز ...

ئەكبەرنىياز	2012-11-26 15:57
رەھمەت سىزگە مۇئەللىم ، ئەمدى بىلىۋالدىم !!!

arzu	2012-11-26 22:53
بىزمۇ شۇ بويىچە «تابغاچ» تاڭ ئېلىنى كۆرسىتىدۇ دەپ چۈشەندۈردۇق. « تابغاچلار » خەنزۇلارنى كۆرسىتىدۇ دەپ چۈشەنچە بەردۇق. خاتا بوپ قالمىغاندۇ؟

ئەكبەرنىياز	2012-11-26 23:14
خاتا ئەمەسكەن !

سەۋر	2012-12-01 14:26
تابغاچلار ئەينى دەۋردىكى تاڭ سۇلالىىسى تەۋەلىكىدىكىى خەنلەرنى كۆرسىتىدۇ، تابغاچ خانى تاڭ پادىشاھېنى كۆرسىتىدۇ.

arturk

2012-12-07 00:43

قوش تىل 9-يىللىق 2-قىسىم تىل -ئەدەبىيات دەرسلىكى 5-بەت ئاستىدىكى ئىزاھاتتا مۇنداق دىيىلگەن:
تاۋغاچ-مەھمۇد كاشىغەرىنىڭ تەبىرىچە (1)ئۇيغۇر دېمەكتۇر(2)ھەممىدىن چوڭ ۋە قەدىم نەرسە دېمەكتۇر.شۇ ۋەجىدىن خانلارنىڭ خانى« تاۋغاچ خان» دېيىلىدۇ.(3)ماچىن مەملىكىتىنىڭ نامى .بۇ مەملىكەت چىندىن تۆت ئايلىق يول ئۇزاققا جايلاشقان(«دىۋانۇ لۇغەت تۈرك»فوتو نۇسخا ،116-،117-بەتلەر).«قۇتادغۇ بىلىگ»تە قاراخانىلار سۇلالىسىنىڭ ھۆكۈمدارى«تاۋغاچ بۇغراخان »دەپ ئاتالغان.يۈسۈپ خاس ھاجىپ بۇ كىتاپنى شۇ خانغا تەقدىم قىلغان .
دېمەك، يۇقىرىقى بايانلاردىن تابغاچلارنىڭ قانداقتۇر موڭغۇل ياكى خەنزۇلارنى كۆرسەتمەستىن ، ئۇيغۇرلارنى كۆرسىتىدىغانلىقى چىقىپ تۇرىدۇ.
مۇنبەرداشلارنىڭ بۇ ھەقتە سوغۇققانلىق بىلەن ئويلىنىپ كۆرۈشىنى تەۋسىيە قىلىمەن .

查看完整版本: [-- ئە.نىياز : ياردەم قىلساڭلار --] [-- top --]

Powered by phpwind v8.7 Code ©2003-2011 phpwind
Gzip enabled