| danix | 2012-11-07 14:06 |
تەۋپىق مۇنبىرىگە تەكلىپ ( دانىش)تەۋپىق ( توغرا يول )مۇنبىرى مىللەتنىڭ كەلگۈسى ئىستىقبالىغا مۇناسىۋەتلىك بولغان مائارىپ ئۈچۈن مىننەتسىز تۆھپە قوشۇشنى نىيەت قىلغان بېكەت باشلىقىمىزنىڭ ۋە تېنىمسىز ئىزدىنىۋاتقان باشقۇرغۇچىلىرىمىزنىڭ شۇنداقلا ھەسەل ھەرىسى كەبى تىرىشچان ئەزالارنىڭ مائارىپ ساھەسى ۋە باشقا ساھەلەردىن توپلىغان ھەسەل كەبى تېمىلىرىنى تەقدىم قىلىشى بىلەن تەسىر دائىرىسى كۈندىن - كۈنگە زورايغان ، خەلقىمىزنى ئىسمى - جىسمىغا لايىق توغرا يولغا باشلايدىغان ئىسىل مۇنبەرگە ئايلاندى !بۇ ئىسىل مۇنبەرنى تېخىمۇ كۆپ بىلىم ئىگىلىرىنىڭ ، تېخىمۇ كۆپ بىلىم تەشنالىرىنىڭ ئەڭ ئىسىل مەنىۋى سورىنىغا ئايلاندۇرۇش ئۈچۈن بېكەت باشلىقى ، مۇنبەر باشقۇرغۇچى ۋە ئەزالارنىڭ دىققىتىگە مۇنداق تەكلىپنى سۇنغۇم كېلىپ قالدى : 1 . مۇنبەرگە يوللانغان تېمىلار ھازىر بىر ياكى بىر قانچە مۇنبەر باشقۇرغۇچىنىڭ باھالىشى ئارقىلىق نادىر تېما ۋە نادىر تېما ئەمەسلىكى بەلگىلىنىۋاتىدۇ . بۇمۇ ھەر ھالدا ياخشى بولىۋاتىدۇ . لېكىن ، مېنىڭچە ، نادىر تېمىلارنى ئەزالارنىڭ رايىنى سىناش ئارقىلىق تاللاپ چىقساق تېخىمۇ ياخشى بولارمىكىن دەپ ئويلايمەن . چۈنكى ، نادىر تېما دېگەن ئەڭ كۆپ ئەزالىرىمىزنىڭ كۆڭلىگە ياققان ، دىلىنى سۈيۈندۈرگەن ، ئەڭ كۆپ ئەزانى مەنپەئەتكە ئېرىشتۈرگەن تېما بولۇشى كېرەك . مېنىڭچە ، بىر ياكى بىرقانچە مۇنبەر باشقۇرغۇچىمىزنىڭ باھالىشى ئارقىلىق تاللاپ چىقىلغان نادىر تېمىغا قارىغاندا ، پۈتۈن ئەزالارنىڭ رايى ئارقىلىق تاللاپ چىقىلغان نادىر تېمىنىڭ سۈپىتى يۇقۇرى بولىدۇ . بۇ يەنە ئۆز نۆۋىتىدە << مۇنبەرنى بىرلىكتە باشقۇرۇش >> بولۇپ ، ئەزالارنىڭ مۇنبەرگە بولغان مەسئۇليەتچانلىق روھىنى يۇقۇرى كۆتۈرۈش رولىنى ئوينايدۇ . مېنىڭ بۇ خىل باھالاش ئۇسۇلىنى يولغا قويۇشتا ئويلىغىنىم مۇنداق : بۇ خىل باھالاش بىر ئايدا بىر قېتىم ئېلىپ بېرىلىدۇ . بىر ئاي ئىچىدە يوللانغان تېمىلار جەدىۋەللەشتۈرۈلۈپ ، ھەر بىر تېمىنىڭ ئۇدۇلىغا ئەزالارنىڭ << نادىر تېما بولسا بولىدۇ >> دېگەن رايى ئۈچۈن چېكىلىدىغان ئورۇن قويۇلىدۇ . شۇ ئورۇننى ئەزالار شۇ تېمىنى << نادىر تېما بولسا بولىدۇ >> دەپ قارىسا ، چەكسە بولىدۇ . بىر ئەزانىڭ بىر تېمىغا قارىتا شۇ ئورۇننى چېكىش ھوقۇقى پەقەت بىرلا قېتىم بولىدۇ . بېكەت باشلىقى ، مۇنبەر باشقۇرغۇچىلارنىڭ شۇ ئورۇننى چېكىش ھوقۇقى ئەزالارنىڭكىدەك بىرلا قېتىم بولمايدۇ ، بېكەت باشلىقى ۋە باشقۇرغۇچىلارنىڭ ئۇ ھوقۇقىنى بېكەت باشلىقى شۇ باشقۇرغۇچىلارنىڭ ھوقۇقىنىڭ چوڭ ، كىچىكلىكىگە قاراپ تەقسىم قىلسا بولىدۇ . شۇ راي سىناشتا ئەڭ كۆپ ئاۋازغا ئېرىشكەن تېمىلار بېكەت باشلىقى ۋە باشقۇرغۇچىلارنىڭ قايتا قاراپ چىقىشى بىلەن نادىر تېما دەپ باھالانسا بولىدۇ . مۇشۇنداق بولسا ، دىمۇگىراتىيە ۋە مەركەزلەشتۈرۈش تۈزۈمى گەۋدىلەنگەن بولىدۇ .  2 . ئەزالارنىڭ دەرىجىسىنى ئۆستۈرۈش ئۇسۇلى مېنىڭچە مۇنداق بولسا : 1. ئەزالارنىڭ دەرىجىسىنى ئۆستۈرۈش بىر ئاي ئىچىدە يوللانغان تېمىلار ئىچىدىن نادىر تېمىلار تاللاپ چىقىلىپ بولغاندىن كېيىن ئېلىپ بېرىلىدۇ . بۇنىڭدا بىر ئاي ئىچىدە تېما يوللىغان ئەزالارنىڭ تىزىملىكى جەدىۋەللەشتۈرۈلۈپ ، ھەر بىر ئەزانىڭ ئىسمىنىڭ ئۇدۇلىغا شۇ ئەزانىڭ شۇ ئاي ئىچىدىكى نادىر تېما سانى ، يوللىغان تېما سانى ، ئالتۇن مىدال ، كۆمۈش مىدال ، مىس مىدال سانى چۈشۈرۈلۈپ ، نادىر تېمىسىنىڭ سانىغا ، يوللىغان تېمىسىنىڭ سانىغا ، ئېرىشكەن ئالتۇن ، كۆمۈش ، مىس مىداللىرىنىڭ سانىغا مۇۋاپىق نومۇر بېرىلىدۇ . 2 . ئەزالارنىڭ ئىسمىنىڭ ئۇدۇلىغا شۇ ئەزانىڭ دەۋەتتى ۋە تەۋسىيىسى بىلەن شۇ ئايدا مۇنبىرىمىزگە كىرگۈزگەن ئەزا سانى ۋە شۇ ئەزانىڭ ( ئەسلى ئەزانىڭ ) مۇنبىرىمىزنى ئىقتىسادىي ۋە باشقا جەھەتتىن قوللىغان ئىش - ئىزى يېزىلىپ ، بۇلارغا مۇۋاپىق نومۇرلار بېرىلىدۇ . ئىككى تۈردىكى نومۇرىنى قوشقاندا ئەڭ كۆپ نومۇرغا ئېرىشكەن ئەزالار ئىسىملىكىگە بېكەت باشلىقى ۋە باشقۇرغۇچىلار قايتا قاراپ چىقىپ ، ئەزالارنىڭ دەرىجىسىنى ئۆستۈرۈشنى ئېلىپ بارىدۇ . يەنى قوشۇمچە قىلىدىغىنىم ، تېمىلارغا يوللانغان ئىنكاسلار ئىچىدە شۇنداق ئىسىل ئىنكاسلار بار بولۇپ ، بۇ ئىنكاسلار بەزى تېمىلاردىن ئارتۇق . شۇنداق ئىنكاسلارنى ئەزالار ئۇچىراتقان بولسا ، نادىر تېما قىلىشنى تەۋسىيە قىلسا بولىدۇ . تەۋسىيە قىلىدىغان ئورۇن نادىر تېمىلارنى تاللاپ چىقىش جەدۋىلىنىڭ ئاستىغا بېرىلسە بولىدۇ . بۇ تەكلىپنى بېرىشىمدىكى مەقسەت يەنىلا مۇنبىرىمىزنى تېخىمۇ ياخشىلاشتىن ئىبارەت . بېكەت باشلىقىمىزنىڭ ، باشقۇرغۇچىلىرىمىزنىڭ ۋە ئەزالىرىمىزنىڭ بۇ تەكلىپىمگە قارىتا قىممەتلىك پىكىر ۋە تولۇقلىمىلارنى بېرىشىنى سەمىيمى ئۈمىد قىلىمەن ! مۇنبىرىمىزنى تېخىمۇ ياخشىلاش ئۈچۈن ھەممىمىز بىرلىكتە كۈچ چىقىرايلى ! |
|
